Luksemburg
Luksemburg atau sacaro rasmi Kadipaten Aguang Luksemburg[lower-alpha 1] adolah nagara nan takuruang daratan di Eropa Barat. Babatehan jo Belgia di barat sarato utara, Jerman di timur, sarato Parancih di selatan. Ibu kota jo kota tapadeknyo, Kota Luksemburg,[1] adolah salah ciek dari ampek kursi kalembagaan Uni Eropa (basamo jo Brussel, Frankfurt, jo Strasbourg) sarato kursi dari babarapo lembaga Uni Eropa, tautamo Pangadilan Keakiman Uni Eropa, otoritas keakiman tatinggi.[2][3]
Nagara ko manjadi salah ciek nagara taketek du Eropa, manempati paringkek ka-168 dari 194 nagara badaulaik di dunia; ukurannyo sakitar 2.586 kilometer persegi (998 sq mi), nan panjang 82 km (51 mi) jo leba 57 km (35 mi). Itu talatak di garih lintang 49° jo 51° LU, sarato garih bujua 5° jo 7° E.[4]
Luksemburg digambarkan sabagai "demokrasi panuah",[5] jo demokrasi parlementer nan dipimpin dek monarki konstitusional. Kuaso eksekutif dijalanan dek Adipati Aguang jo kabinet, nan tadiri dari babarapo mantari.[6] Sadangkan kuaso legislatif dipacik dek Kamar Deputi, badan legislatif nan tadiri dari anam puluah anggota, dipiliah lansuang untuak maso jabatan limo tahun dari ampek daerah pamilihan. Badan kaduo, Dewan Nagara (Conseil d'État), tadiri dari 21 panduduak biaso nan ditunjuak dek adipati aguang, bafungsi untuak manasehati kamar deputi dalam manyusun undang-undang.[7]
Manuruik sensus tahun 2021, panduduak Luksemburg bajumlah 643.941 jiwa.[8] Panduduak imigran maningkek pado abad ka-20 karano kadatangan imigran dari Belgia, Parancih, Itali, Jerman, jo Portugis; jo Portugis manjadi kalompok tagadang. Pado tahun 2013, sakitar 88.000 panduduak Luksemburg punyo kewarganegaraan Portugis.[9]
Catatan
[suntiang | suntiang sumber]- ↑ Groussherzogtum Lëtzebuerg
Rujukan
[suntiang | suntiang sumber]- ↑ "Europe :: Luxembourg — The World Factbook - Central Intelligence Agency". www.cia.gov. Diakses tanggal 12 December 2020.
- ↑ "Decision of the Representatives of the Governments of the Member States on the location of the seats of the institutions (12 December 1992)". Centre virtuel de la connaissance sur l'Europe. 2014. Diarsipkan dari versi asli tanggal 13 October 2019. Diakses tanggal 24 October 2017.
- ↑ "Luxembourg | national capital, Luxembourg". Encyclopedia Britannica (dalam bahasa Inggris). Diakses tanggal 12 December 2020.
- ↑ "Where is Luxembourg?". WorldAtlas. Diakses tanggal 3 September 2018.
- ↑ solutions, EIU digital. "Democracy Index 2016 - The Economist Intelligence Unit". www.eiu.com. Diakses tanggal 29 November 2017.
- ↑ "The Luxembourgish government since 1848 (in French)" (PDF). Diarsipkan dari versi asli (PDF) tanggal 16 October 2011.
- ↑ "Structure of the Conseil d'Etat". Conseil d'Etat. Diarsipkan dari versi asli tanggal 19 June 2006. Diakses tanggal 23 July 2006.
- ↑ "Évolution de la population".
- ↑ "Population par sexe et par nationalité (x 1 000) 1981, 1991, 2001–2013". Le portail des Statistiques. Diarsipkan dari versi asli tanggal 29 March 2022. Diakses tanggal 9 April 2014.