Nagara padalaman

Sabuah negara padalaman diatikan sabagai suatu nagaro nan takuruang atau hampia takuruang jo daratan. Pado 2008, tadapek 44 nagaro padalaman di dunia. Dari daratan-daratan gadang nan mamiliki labiah dari satu negara, hanyo Amerika Utara nan indak mampunyai nagaro padalaman.

Banyak nagaro juo mamiliki akses sampik ka lauik. Bilo garih pantai satu-satunyo di nagaro itu adolah lauik nan hampia takuruang daratan, mode Lauik Baltik, Lauik Mediterania, dan Lauik Itam, iko mambuliahkan akses lauikan jo mudah tablokir. Iko dapek jadi kapantiangan strategis, jo satu atau duo nagaro lain mangontrol pintu masuak, dan/atau samo jo ombak jo aia tawa di dalamnyo. Daerah tanpo palabuhan aia angek akan takuruang salamo bulan-bulan musim dingin.

sabuah nagaro pulau dapek dianggok sabagai takuruang aia kareno dolah daratannyo dikaliliangi aia. Contohnyo, sasaurang musti manyabrangi parairan untuak mancapai daratan lainnyo.

Sijarah

Saisuak, tapek di padalaman dianggok sabagai posisi indak manguntuangkan. Kareno mamutuihan nagaro iko dari sumber dayo lauik mode parikanan, tatapi labiah pantiang lai mamutuihan akses ka padagangan lauik, nan hari iko mawakili parsentase gadang dalam padagangan internasional. Wilayah tapi pantai biasonyo labiah kayo jo labiah padek daripado padalaman.

Negara nan alah malakukan usaho supayo indak takuruang daratan:

• International Congo Society, nan mamiliki Republik Demokratik Kongo katiko kini, diagiah sabidang tanah ketekl malintehi Angola untuak manghubungkannyo ka lauik malalui Konferensi Berlin taun 1885.
• Republik Dubrovnik parnah manghadiahi kota Neum pado Kasultanan Usmaniyah kareno indak nio mampunyai pabatehan darat jo Venesia; kotamadya ketek iko diwarihkan jo Bosnia dan Herzegovina dan kini maagiah akses lauik tabateh, mambalah pantai Adriatik di Kroasia manjadi duo.
• Abih Perang Dunia I, badasarkan Pajanjian Versailles, sabagian dari Jerman, ditatokan sabagai "koridor Polandia", diagiah pado Republik Polandia Keduo nan baru, untuak akses ka Lauik Baltik. Iko juo mulo untuak manjadikan Danzig (kini Gdansk) dan palabuhannyo sabagai Kota Bebas Danzig. Iko manjadikan Polandia sabuah nagaro semi-takuruang daratan sabagaimano nan dijalehkan sabalumnyo, tatapi Polandia sagera mampagadang palabuhan ikan ketek di Gdynia.
• Sungai Donau alah diinternasionalisasikan sahinggo Austria, Hongaria, Slowakia (dan bagian selatan Jerman, maskipun indak padalaman) nan takuruang daratan mamiliki jalan masuak aman ka Lauik Hitam.
• Serbia manjadi nagaro padalaman katiko Montenegro bapisah jo Serbia dan Montenegro. Malalui Sungai Donau, nagaro iko mamiliki jalan masuak ka Lauik Itam.