Liechtenstein
Liechtenstein atau sacaro rasmi Kepangeranan Liechtenstein (Jerman: Fürstentum Liechtenstein)[1] adolah nagara takuruang daratan gando sarato nagara mikro nan talatak di Pagunuangan Alpen antaro Austria jo Swiss.[2] Sungai Rhine mambantuak kasadoan bateh barat Liechtenstein. Nagara ko marupokan nagara taketek ka anam di dunia.[3] Diukua dari selatan ka utara, nagara ko punyo panjang sakitar 24 km (15 mil). Titiak tatingginyo adolah Grauspitz nan manjulang 2.599 m (8.527 kaki). Walaupun lokasinyo di Alpen, angin selatan nan bahambuih mambuek iklimnyo relatif sajuak. Di musim dingin, lereang gunuang sasuai bana untuak olahraga musim dingin.
Sistem politik nagara ko babantuak monarki semi-konstitusional nan dipimpin dek Pangeran Liechtenstein sabagai kapalo nagara, jo parlemen tapiliah nan mambalukan hukum. Nagara ko manggunoan demokrasi lansuang, dima pamiliah dapek mausulkan jo mansahkan amandemen konstitusi jo undang-undang sacaro independen dari badan legislatif.[4] Kuaso eksekutif dipacik dek pamarentah nan tadiri dari Pardana Mantari jo ampek anggota mantari.[5] Pangeran nan bakuaso manjadi wakia nagara dalam hubungan internasional, walaupun sabagian kuaso jo tangguang jawab alah disarahkan ka nagara Swiss. Salain tu, pangeran dapek mamveto atau mausulkan undang-undang, maadoan referendum, jo mambubarkan parlemen (walaupun mambubarkan ko dapek juo malalui referendum).[6]
Jo panduduak 39.315 per 31 Desember 2021,[7] Liechtenstein adolah nagara taketek kaampek di Eropa, sasudah Vatikan, San Marino, jo Monako. Panduduaknyo sabagian gadang babahaso Alemannik, sungguah pun sapatigonyo adolah urang asiang, tautamo panutua bahaso Jerman dari Jerman, Austria, jo Swiss, basamo jo urang Swiss, Italia, jo Turki. Urang-urang nan lahia di lua nagara marupokan duo patigo dari pakarajo nagara.[8]
Rujukan[suntiang | suntiang sumber]
- ↑ Duden Aussprachewörterbuch, s.v. "Liechtenstein[er]".
- ↑ "IGU regional conference on environment and quality of life in central Europe". GeoJournal. 28 (4). 1992. doi:10.1007/BF00273120.
- ↑ Dias, Raul (2020-09-10). "Explore Liechtenstein, one of the smallest countries in the world". www.thehindubusinessline.com (dalam bahasa Inggris). Diakses tanggal 2023-01-06.
- ↑ Marxer, Wilfried; Pállinger, Zoltán Tibor (2007). "System contexts and system effects of direct democracy-direct democracy in Liechtenstein and Switzerland compared". Direct Democracy in Europe. VS Verlag für Sozialwissenschaften.. pp. 12–29. doi:. ISBN 978-3-531-90579-2. https://link.springer.com/chapter/10.1007/978-3-531-90579-2_1. Diakses pado 31 Oktober 2020.
- ↑ "Principality of Liechtenstein – Government". Diarsipkan dari versi asli tanggal 7 August 2007. Diakses tanggal 11 January 2010. . Retrieved 11 January 2010.
- ↑ "Country profile: Liechtenstein – Leaders". BBC News. 6 December 2006. Retrieved 29 December 2006.
- ↑ "Bevölkerungsstand: Bevölkerungsstand per 31. Dezember 2021" (dalam bahasa Jerman). Amt für Statistik Fürstentum Liechtenstein. Diakses tanggal 22 July 2022.
- ↑ "WT/TPR/S/280 • Switzerland and Liechtenstein" (PDF). WTO. Diakses tanggal 26 January 2015.