Lapek sagan
Lapek sagan marupoan kulek-kulek nan tabuek dari buah pisang jo bareh sipuluik. Lapek sagan ko dibungkuih jo daun pisang. Lapek sagan mampunyoi tekstur nan lengket jo aroma pisang nan pakek. Sagan barati maleh, namun panggunoaan kato sagan dalam namo lapek sagan disabab an dek kamudahan mambueknyo jo kamudahan didapek bahan-bahannyo.[1] Lapek sagan biasonyo diidangan dalam patamuan kaluarga atau pun acara baralek.
Caro mambuek[suntiang | suntiang sumber]
Bahan nan digunoan mambuek lapan sagan yaitu bareh puluik, pisang batu, karambia nan alah dikukua, gulo, jo garam. Siapan pulo daun pisang nan alah disangai untuak mambungkuihnyo. Caro mambueknyo yaitu cuci bareh jo tumbuak pisang sampai aluih. Campuan sado bahan jo aduak sampai rato. Siapan kukusan jo aia untuak mangukuih. Bungkuih lapek ciek-ciek jo susun di ateh dandang. Jarangan sampai masak.
Rujuakan[suntiang | suntiang sumber]
- ↑ "Begini Filosofi Kudapan Lapek Sagan, Perekat Silaturahmi Diantara Kawan". Berita Minang (dalam bahasa Indonesia). Diakses tanggal 2021-06-14.