Laksmi Pamuntjak
Laksmi Pamuntjak | |
|---|---|
 | |
| Lahia | Laksmi Widorini Pamuntjak 22 Desember 1971 |
| Kabangsaan | Indonesia |
| Pandidikan | Universitas Murdoch |
| Karojo | Novelis, panyair, jurnalis, kritikus kuliner |
Notable work | Amba (novel), Ellipsis (puisi), Kitab Kawin (cerpen) |
| Pasangan | Kian Guntur (m. 2021) |
| Anak | Nadia Larasati |
| Panghargoan | LiBeraturpreis & Singapore Book Award |
| Website | laksmipamuntjak.com |
Laksmi Pamuntjak (lahia 22 Desember 1971; umua 52 taun) adolah saurang novelis, panyair, jurnalis, jo kritikus kuliner Indonesia. Pado taun 2016, inyo mamanangkan pangharagoan LiBeraturpreis untuak novel partamonyo nan bajudul Amba. Pado taun 2018, adaptasi film untuak novel kaduonyo, Aruna dan Lidahnya, mamanangkan duo pangharagoan pado Festival Film Indonesia. Pado taun 2020, novel katigonyo, Fall Baby, mamanangkan Singapore Book Award untuak kategori Karya Sastra Terbaik. Inyo juo manjadi panulis budayo jo politik untuak Jakarta Post jo Tempo, sarato media internasional sarupo South China Morning Post jo Guardian.
Kahidupan awal jo pandidikan[suntiang | suntiang sumber]
Pamuntjak lahia di Jakarta, anak dari saurang arsitek banamo Mustafa Pamuntjak,[1] jo saurang ahli kacantikan banamo Endang Soeyono Martowardojo. Inyiak Laksmi adolah Kasoema Sutan Pamuntjak, direktur Balai Pustaka jo pandiri Penerbit Djambatan nan basuku Minangkabau.[2]
Laksmi basakolah SMA di United World College of Southeast Asia, Singapura. Kamudian, inyo luluih pado taun 1993 dari Universitas Murdoch, Australia jurusan Asian Studies.[3]
Anak partamonyo, Nadia Larasati, lahia di Jakarta pado taun 1996.[4]
Karier[suntiang | suntiang sumber]
Pado taun 2001, Laksmi mandirian Toko Buku Aksara basamo kawan maso keteknyo, Winfred Hutabarat jo Davy Djohan.[5] Pado taun nan samo, inyo manabikan Jakarta Good Food Guide, sarangkaian buku panduan kuliner Jakarta.[6]
Kumpulan puisi Laksmi nan bajudul Ellipsis jo The Anagram, masiang-masiangnyo ditabikan pado taun 2005 jo 2007.[7][8] Kumpulan cerpennyo nan tarinspirasi dari lukisan The Diary of R.S.: Musings on Art ditabikan pado taun 2006, diikuiki dek panabikan risalah tantang manusia, kakerasan, jo mitologi parang bajudul Perang, Langit dan Dua Perempuan pado taun 2007.[9] Karya puisi jo prosanyo ditabikan pado taun 2016 dalam koleksi There Are Tears in Things: Selected Poems and Prose by Laksmi Pamuntjak (2001–2016).[10]
Laksmi mamulai karier jurnalistiknyo jo manjadi panulis sastra jo politik untuak majalah barito Tempo pado patangahan 1990-an. Inyo juo manulis resensi film, musik klasik, restoran, jo buku untuak Jakarta Post.[2] Pado taun 2015, inyo mulai manulih opini tantang politik jo budayo Indonesia untuak Guardian.[11] Tulisannyo muncua pulo di South China Morning Post,[12] Frankfurter Allgemeine Sonntagszeitung, jo Die Welt.[13]
Pado taun 2012, Laksmi mawakili Indonesia dalam ajang Poetry Parnassus, sabuah partamuan tanamo para panyair dunia nan diadokan di Southbank Centre, London, batepatan jo panyalanggaroan Olimpiade London 2012.[14][15]
Duo novel Pamuntjak nan ditulih dalam bahaso Indonesia, Amba jo Aruna dan Lidahnya, ditabikan masiang-masiangnyo pado taun 2012 jo 2014, sadangkan novel bahaso Inggirih partamonyo, Fall Baby (nan kamudian ditabikan dalam bahaso Indonesia jo judul Kekasih Musim Gugur) ditabikan pado taun 2019.[16]
Pado taun 2020, Laksmi manabikan Kitab Kawin, kumpulan carito pendek tantang padusi sarato problematikanyo dalam bahubuangan.[17]
Rujuakan[suntiang | suntiang sumber]
- ↑ "Merancang Indonesia". republika.co.id. 3 Oktober 2014. Diakses tanggal 9 Januari 2024.
- ↑ a b "Cerita tentang Laksmi Pamuntjak". detik.com. 15 Maret 2015. Diakses tanggal 9 Januari 2024.
- ↑ Pamuntjak, Laksmi (1993). "The Indonesian student movement in the 1980s/1990s: The development of resistance by a 'marginalised minority'". Murdoch University. Diakses tanggal 9 Januari 2024.
- ↑ "Laksmi". pantau.or.id. 4 Maret 2002. Diakses tanggal 9 Januari 2024.
- ↑ "Epilogue for an era: The story of Aksara Kemang". thejakartapost.com (dalam bahasa Inggris). 15 Januari 2021. Diakses tanggal 9 Januari 2024.
- ↑ "Laksmi Pamuntjak, Jakarta's Good Food Governor". tempo.co. 8 Oktober 2002. Diakses tanggal 9 Januari 2024.
- ↑ "The Anagram, Laksmi Pamuntjak". goodreads.com (dalam bahasa Inggris). Diakses tanggal 9 Januari 2024.
- ↑ "Ellipsis by Laksmi Pamuntjak". goodreads.com (dalam bahasa Inggris). Diakses tanggal 9 Januari 2024.
- ↑ "Perang, Langit dan dua perempuan". komnasperempuan.go.id. Diakses tanggal 9 Januari 2024.
- ↑ "There Are Tears In Things: Collected Poems and Prose". goodreads.com (dalam bahasa Inggris). Diakses tanggal 9 Januari 2024.
- ↑ "Censorship is returning to Indonesia in the name of the 1965 purges". theguardian.com (dalam bahasa Inggris). 27 Oktober 2015. Diakses tanggal 9 Januari 2024.
- ↑ "Meet Rizka, the Indonesian teen behind a high school superhero". scmp.com (dalam bahasa Inggris). 15 Juli 2019. Diakses tanggal 9 Januari 2024.
- ↑ "Kein Zweifel, dass es eine Strafe Gottes war". welt.de (dalam bahasa Jerman). 8 Oktober 2018. Diakses tanggal 9 Januari 2024.
- ↑ "Laksmi Pamuntjak Wakili Indonesia di Olimpiade Poetry Parnassus". beritasatu.com. 30 Mei 2012. Diakses tanggal 9 Januari 2024.
- ↑ "Poetry Parnassus to gather poets from every Olympic nation". theguardian.com (dalam bahasa Inggris). 17 April 2012. Diakses tanggal 9 Januari 2024.
- ↑ "Laksmi Pamuntjak reflects on 'Fall Baby', her time in self-quarantine". thejakartapost.com (dalam bahasa Inggris). 23 Agustus 2020. Diakses tanggal 9 Januari 2024.
- ↑ "Kitab Kawin Terbit Hari Ini, Laksmi Pamuntjak Ungkap Ide Ceritanya". detik.com. 24 Februari 2021. Diakses tanggal 9 Januari 2024.
Pautan lua[suntiang | suntiang sumber]
- (Inggirih) Laksmi Pamuntjak pado Internet Movie Database.
