Lōʻihi Seamount
| Lōihi Seamount | |
|---|---|
 Bagian tenggara pulau Hawaiʻi, Hawaii, U.S. | |
 Batu lava tatutik basi oksida kuniang di sisi Lōʻihi | |
| Kadalaman Puncak | 975 m (3,199 ft).[1] |
| Katinggian | labiah 3,000 m (10,000 ft) di ateh parmukaan lauik |
| Daerah puncak | Volume – 660 km3 (160 mi3) |
| Tajamahan | "panjang" (from Hawaii) |
| Location | |
| Lokasi | Bagian tenggara pulau Hawaiʻi, Hawaii, U.S. |
| Negara | United States |
| Geology | |
| Jinih | Submarine volcano |
| Volcanic Langkuang/Sabuak | Hawaiian–Emperor seamount chain |
| Umua batuan | 400,000 years old |
| Taakia malatuih | February - August 1996 |
| History | |
| Tanggal panamuan | 1940 – US Coast and Geodetic Survey nomor 4115 |
| Pandakian partamo | 1978 |
Lōihi Seamount (atau Lōʻihi) adolah gunuang api bawah lauik aktif sakitar 35 km (22 mil) di lapeh pantai tenggara pulau Hawaii. Bagian atehnyo sekitar 975 m (3.000 kaki) di bawah permukaan lauik. Gunuang bawah lauik ko ado di sisi sampiang Mauna Loa, gunuang api parisai paliang gadang di Bumi. Lōihi, nan bararti "panjang" di Hawaii, adolah gunuang api baru dalam rantai gunuang gantuang Hawaii-Kaisar, sarangkaian gunuang api nan mambentang sakitar 6.200 km (3.900 mil) barat laut Lōʻihi. Lōʻihi jo gunuang api lainnyo dari rantai gunuang laut Hawaii-Kaisar adolah gunuang api hotspot nan tabantuak jauah dari bateh lempeng tadakek. Namo tu diagiahan dek Kenneth O. Emery, saurang geolog Amerika-Kanada, untuak mananoi bantuaknyo nan mamanjang.[2]
Lōʻihi mulai tabatuak sakitar 400.000 tahun nan lalu jo diapkiroan mulai muncua di ateh parmukaan lauik sakitar 10.000-100.000 taun dari kini. Pado puncaknya, Lōʻihi barado labiah dari 3.000 m (10.000 kaki) di ataeh dasa lauik, manjadiannyo labiah tinggi dari gunuang St. Helens sabalun malatuih pado taun 1980. Tadapek komunitas mikroba nan baragam di sakitar lubang hidrotermal Lōihi.[3]
Pado musim paneh taun 1996, sabanyak 4.070 gampo bumi tacataik di Lōʻihi. Gampo tu mambuek parubahan bagian di gunuang 10 inggo 13 kilometer persegi (4 inggo 5 mil persegi) dari puncak gunuang. Gunuang api ko tetap relatif aktif sajak taun 1996 jo dipantau dek United States Geological Survey (USGS). Hawaii Undersea Geological Observatory (HUGO) manyadioan data real-time tantang Lōʻihi antaro taun 1997 jo 1998. Lōʻihi terakhir malatuih pado taun 1996, sabalun sajumlah gampo bumi malando katiko musim paneh tu.[3]
Karakteristik
[suntiang | suntiang sumber]Geologi
[suntiang | suntiang sumber]Jarak antaro puncak Mauna Loa nan labiah tuo jo puncak Lōʻihi adolah sakitar 80 km nan marupoan pakiroan daerah titiak paneh Hawaii. Lōʻihi tadiri dari area puncak jo tigo lubang kawah, zona ratak sapanjang 11 km mamanjang ka utara dari puncak, sarato zona ratak sapanjang 19 km mamanjang dari tenggara ka puncak. Kawah lubang puncak tuu dinamoi Lubang Barat, Lubang Timur, jo Lubang Pele nan talatak di selatan puncak. Dindiang Lubang Pele tagak satinggi 200 m nan tabantuak pado Juli 1996 sasudah Pele's Vent, wilayah hidrotermal dakek puncak Lōʻihi runtuah manjadi cakungan gadang. Dindiang kawah Lubang Pele leba rato-ratonyo 20 m nan manunjuakan kawahnyo pernah tarisi lava dulunyo. Panalitian menunjukkan basonyo zona ratak utara jo selatan nan mambuek bantuak ammanjang pado gunuang indak punyo lapisan sedimen. Hal itu mambuktian Gunung Lōihi aktif.[4]
Lōʻih talatak tapek di ateh titik paneh, samantaro gunuang api nan labiah tuo di pagunungan Hawaii alah mambaoknyo ka barat lauik dek pagerakan lempeng nanbapindah sakitar 4 inci per taun. Puncak Lō‘ihi satinggi 969 m di bawah parmukaan lauik. Volumenyo 1.700 km³ nan barado di anataro tahap pakambangan pra-perisai jo perisai. Pakambangan Lōʻihi samo sarupo gunuang api lainnyo di Hawaii. Hal iko manjadian Lōʻihi rancak dipalajari untuak maliek pakambangan gunuang nan alah lamo aktif sabalunnyo. Lōʻihi dipakiroan akan naiak ka ateh parmukaan lauik jo manjadi pulau sakitar 10.000 inggo 100.000 taun lai.[4]
Aktiviitas
[suntiang | suntiang sumber]Lōihi adolah gunuang api mudo jo cukuik aktif, walaupun kurang aktif daripado Kīlauea nan ado di dakeknyo. Dalam dekade tarakhia, sajumlah gampo bumi dikaikan jo Lōihi. Aktivitas seismik tingkek randah nan tacataik di Lōihi sajak 1959 tadapek duo atau sapuluah gampo per bulan. Aktivitas ko ditambah pulo dek adonyo sakalompok gampo bumi nan tacataik inggo ratusan gampo. Sabagian gadang gampo bumi terjadi di bagian barat daya Lōʻihi pado taun 1971, 1972, 1975, 1991-92 jo 1996. Stasiun seismik tadakek bajarak sakitar 30 km (20 mil) dari Lōʻihi, di pantai selatan Hawaii. Paristiwa seismik nan magnitudonyo di bawah 2 acok tacataik, tapi lokasinyo indak dapek tapek ditantuan sarupo katiko tajadi gampo gadang. HUGO yang talatak di sisi Lōihi, mandeteksi gampo bumi sapuluah kali labiah banyak daripado nan dicataik dek stasiun seismik gunuang api Hawaii (HVO).[5]
| Aktivitas Gadang | Taun | Ringkasan |
|---|---|---|
| Malatuih patamo kali pado taun 1996, jo sarangkaian gampo bumi. Dimulai pado 25 Februari 1996, nan balangsuang inggo 9 Agustus 1996.[6][7] | ||
| Sebuah OBO diposisian di gunuang untuak malacak sarangkaian gampo bumi dek karano parubahan magma. | ||
| Kamungkinan erupsi, tajadi pado 20 September 1986 (sahari).[7] | ||
| Sambilan gampo bamagnitudo 3- 4,2, dicataik dari 11 November 1984 inggo 21 Januari 1985.[6] Erupsi mungkin tajadi, tapi indak pasti.[7] | ||
| Sarangkaian gampo bumi pado 24 Agustus 1975 inggo November 1975.[7] | ||
| Kamungkinan erupsi mulai 17 September 1971 inggo September 1972.[7] | ||
| Sarangkaian gampo bumi pado taun 1952 nan manunjuakan kaaktifan gunuang baliak. | ||
± 1000 |
Gunuang malatuih[7] | |
± 1000 |
Gunuang malatuih[7] | |
± 1000 |
Gunuang malatuih di sisi timur[6] | |
| Tabel ko hanyo mangindeks kamungkinan gunuang Lōʻihi malatuih jo sajumlah gampo bumi. | ||
Ekologi
[suntiang | suntiang sumber]Mikroorganisme
[suntiang | suntiang sumber]Tadapek lingkungan bakteri pangoksidasi basi, nan disabuik FeOB, bakambang di gunuang ko. Contoh dari spesies ko yaitu Mariprofundus ferrooxydans, anggota kelas Zetaproteobacteria. Sajumlah komunitas mikroba mangaliliangi lubang Pele di gunuang ko. Laboratorium Panalitian Bawah Lauik Hawaiʻi (HURL), Pusek Panalitian NOAA untuak Hawaii jo Pasifik Barat, mamantau jo manaliti sistem hidrotermal sarato mampalajari komunitas mikroba ko. National Science Foundation (NSF) mandanai ekspedisi untuak maambiak sampel ekstrofil ka Lōʻihi pado taun 1999. Mikroba ko mangalilingi lubang basuhu 160 ° C nan tamasuak organisme sarupo jelly baru. Sampel dikumpulan untuak baraja di NSF's Marine Bioproducts Engineering Centre (MarBEC). Pado taun 2001, Pisces V mangumpuan sampel organisme jo mambaoknyo ka parmukaan untuak dipalajari. Pusek Riset Bawah Lauik Nasional NOAA jo Pusek Teknik Bioproduk NSF bakarajo samo untuak maambiak sampel jo manaliti bakteri lokal jo ektrofil archaea. Palayaran FeMO kaampek (Fe-Oxidizing Microbial Observatory) tajadi salamo Oktober 2009.[8]
Makroorganisme
[suntiang | suntiang sumber]Kahidupan lauik nan mauni parairan di sakitar Lōʻihi indak baragam sarupo kahidupan di gunuang lain nan kurang aktif. Ikan nan tadapek di dakek Lōʻihi tamasuak jinih Celebes monkfish (Sladenia remiger),jo baluik Cutthroat, Synaphobranchidae. Invertebrata nan tadapek di daerah tu tamasuak duo spesies endemik di lubang hidrotermal yaitu udang bresiliid (Opaepele loihi) dari famili Alvinocarididae (dijalehan pado taun 1995), jo caciang pogonophoran. Panyalaman dilakuan sasudah sarangkaian gampo pado taun 1996 indak dapek manamuan udang atau caciang tu baliak.[9]
Dari tahun 1982 inggo 1992, panaliti di kapa selam Hawaiʻi Undersea Research Laboratory mamoto ikan, Johnston Atoll, jo Cross Seamount pado kadalaman antaro 40 m (130 kaki) jo 2.000 m (6.600 kaki). Sajumlah spesies nan diidentifikasi di Lōʻihi adolah panampakan nan abru tarekam di Hawaii, yaitu coffinfish Tassled (Chaunax fimbriatus), jo monkfish Celebes.[10]
Rujuakan
[suntiang | suntiang sumber]- ↑ "Loihi". Global Volcanism Program. Smithsonian Institution. Diarsipkan dari versi asli tanggal 2021-03-14. Diakses tanggal 2020-03-30.
- ↑ "FeMO -- Fe-Oxidizing Microbial Observatory at Loihi Seamount -- Loihi". earthref.org. Diakses tanggal 2020-03-30.
- ↑ a b "Professional Paper 1350: Volcanism in Hawaii: Papers to Commemorate the 75th Anniversary of the Founding of the Hawaiian Volcano Observatory". pubs.usgs.gov. Diakses tanggal 2020-03-30.
- ↑ a b Daniel J, Fornari (1988). "Morphology and structure of Loihi Seamount based on Seabeam Sonar Mapping". Geophysical Research. 93.
- ↑ "Global Volcanism Program | Loihi". Smithsonian Institution | Global Volcanism Program (dalam bahasa Inggris). Diakses tanggal 2020-03-30.
- ↑ a b c "Loihi – Monthly Reports". Global Volcanism Program. Smithsonian Institution. Diakses tanggal 2020-03-30.
- ↑ a b c d e f g "Loihi – Eruptive History". Global Volcanism Program. Smithsonian Institution. Diakses tanggal 2020-03-30. Dates for older eruptions retrieved through Isotope dating.
- ↑ "FeMO -- Fe-Oxidizing Microbial Observatory at Loihi Seamount -- Home Page". earthref.org. Diakses tanggal 2020-03-30.
- ↑ "Loihi 1996 Seismic/Volcanic Event Summary". www.soest.hawaii.edu. Diakses tanggal 2020-03-30.
- ↑ "A Tour of Loihi: The South Rift Zone". www.soest.hawaii.edu. Diakses tanggal 2020-03-30.
 |
Wikimedia Commons mampunyoi media nan bahubuangan jo Lōʻihi Seamount |