Kusta

Dari Wikipedia baso Minang, ensiklopedia bebas
Lompek ka: navigasi, cari
Kusta
Klasifikasi dan sumber eksternal
Leprosy.jpg
Rang mudo 24 taun dari Norwegia kanai kusta, 1886.
ICD-10 Templat:ICD10
ICD-9 Templat:ICD9
OMIM 246300
DiseasesDB 8478
MedlinePlus 001347
eMedicine med/1281 Templat:EMedicine2 Templat:EMedicine2
Patient UK Kusta
MeSH Templat:Comma separated entries

Kusta, atau Lepra, atau namo lainnyo Panyakik Hansen (Inggirih: Hansen's desease atau disingkek HD), adolah infeksi kronis nan disabaukan dek bakteri Mycobacterium leprae[1] jo Mycobacterium lepromatosis.[2] Awal-awal infeksi indak ado gajalo nan nampak, dan biasonyo tatap sarupo ko salamo 5 taun atau bahkan dapek juo inggo 20 taun.[1] Gajalo-gajalo nan bakambang kudian tamasuak granuloma saraf, saluran panapasan, kulik jo mato.[1] Iko dapek manyabaukan ilangnyo kamampuan untuak marasoan sakik, dan karanonyo dapek ilang pulo bagian tubuah nan di ujuang-ujuang dek karano luko nan baulang-ulang nan indak diraso.[3] Lamah pancaliakan jo rabun mato dapek pulo tajadi.[3]

Panyakik kusta dibagi duo jinih kok ditinjau dari jumalah bakterinyo: pausibasiler (saketek bakteri) jo multibasiler (banyak bakteri).[3] Kaduo jinih ko dibedoan dek jumalah kapiang kulik bapigmen buruak (lesi kulik) nan ado; dima pausibasiler ado 5 kapiang atau kurang dan multibasiler ado labaih dari 5 kapiang.[3] Diagnosisnyo dapek dipastian jo panamuan basil tahan asam pado biopsi kulik, atau malalui pamaresoan DNA jo reaksi rantai polimerase.[3] Panyakik ko acok timbua di antaro urang misikin dan dipicayo bajangkik malalui landia (mukosa) iduang.[3] Panyakik ko sabananyo indaklah sangaik manula.[3]

Kusta dapek disambuahan jo barubek.[1] Pangubatan untuak kusta pausibasiler dapek mamakai dapson jo rifampisin salamo 6 bulan.[3] Pangubatan untuak kusta multibasiler dapek mamakai rifampisin, dapson, jo klofazimin salamo 12 bulan.[3] Pangubatan ko disadioan bebas biayo dek Organisasi Kasiatan Dunia (WHO).[1] Salain tu ado pulo antibiotik lain nan dapek dipakai juo untuak barubek.[3] Sacara global, pado taun 2012 jumalah kasuih kusta adolah 180.000, dima ado panurunan nan sabana banyak sajak 1960-an.[4][5] Sabagian gadang kasuih nan baru tajadi di 16 nagara, dan labiah dari satangan tajadi di India.[1][3] Dalam ukatu 20 taun balakangan, 16 juta urang di saluruah dunia alah barasia sambuah dari kusta.[1]

Rujuakan[suntiang | suntiang sumber]

  1. ^ a b c d e f g "Leprosy Fact sheet N°101". World Health Organization. 1 Januari 2014. http://www.who.int/mediacentre/factsheets/fs101/en/. 
  2. ^ "New Leprosy Bacterium: Scientists Use Genetic Fingerprint To Nail 'Killing Organism'". ScienceDaily. 28 Nopember 2008. http://www.sciencedaily.com/releases/2008/11/081124141047.htm. Diakses pado 31 Januari 2010. 
  3. ^ a b c d e f g h i j k Kutipan rusak: Tag <ref> indak sah; indak ado teks untuak ref banamo Aka2012
  4. ^ "Global leprosy situation, 2012". Wkly. Epidemiol. Rec. 87 (34): 317–28. 1 Agustus 2012. PMID 22919737. 
  5. ^ Rodrigues, LC (June 2011). "Leprosy now: epidemiology, progress, challenges, and research gaps.". The Lancet infectious diseases 11 (6): 464–70. doi:10.1016/S1473-3099(11)70006-8. PMID 21616456.