Kuil Ananta Vasudeva

Dari Wikipedia baso Minang, ensiklopedia bebas
Loncat ke navigasi Loncat ke pencarian
Kuil Ananta Vasudeva

Kuil Ananta Vasudeva
Lokasi
Negara: India
Negara: Odisha
Distrik: Khurda
Lokal: Bhubaneswar
Koordinat: 20°14′26,18″LU 85°50′8,81″BT / 20,23333°LU 85,83333°BT / 20.23333; 85.83333Koordinat: 20°14′26,18″LU 85°50′8,81″BT / 20,23333°LU 85,83333°BT / 20.23333; 85.83333

Kuil Ananta Vasudeva adolah kuil Hindu untuak mamuja Sri Krishna, salah satu avatar (penjelmaan) dari Dewa Wishnu, nan talatak di Bhubaneswar, ibukota nagara bagian Odisha, di India.[1] Kuil ko dibangun pado abaik katigobaleh, di ma tadapek tigo murti (patuang) nan disambah di siko, yaitu Krishna, Balarama, jo Subhadra. Patuang Balarama tagak di bawah ula bakapalo tujuah, patuang Subhadra kaduo tangannyo mamaciak pariuak intan pamato jo bungo taratai, jo kaki kirinyo di ateh pariuak intan pamato lainnyo, samintaro Krishna mamaciak gada (pantuangan), chakra, bungo taratai, jo tarompet sipuik. Kuil ko dibangun pado maso Chandrika Devi anak Rajo Anangabhima III, yaitu pado maso pamarentahan Rajo Bhanudeva dari Dinasti Ganga Timua.

Legenda[suntiang | suntiang sumber]

Dipakiroan baso awanyo ado ciek patuang Dewa Vishnu nan disambah di tampek nan kini dibangun kuil gadang Ananta Vasudeva ko, nan baru dibangun pado abaik ka-13 M. Pado abaik ka-13, Ratu Chandrika dai Dinasit Ganga Timua bakainginan untuak mambangun kuil nan baru - yaitu kuil Ananta Vasudeva di tampek ko. Dipakiroan baso ado kuil kuno di ma patuang Dewa Vishnu sabalunnyo ditampekkan. Sasudah tu, Wangsa Maratha nan mangambangkan kakaisarannyo inggo ka batang aia Mahanadi maadoan renovasi labiah lanjuik kuil Vishnu di Bhubaneswar ko pado akia abaik ka-17.[2]

Arsitektur[suntiang | suntiang sumber]

Bantuak kuil ko ampia samo jo Kuil Lingaraja, namun tadapek patuang-patuang nan basipaik waisnawa (baubuangan jo Dewa Wisnu).[3] Kuil ko punyo babarapo shikhara (manara kuil) ketek nan mambantuak jalua mambujua, sarupo jo di Kuil Lingaraja, pabedoannyo adolah jumalah shikhara nan mambantuak jalua mambujua ko anyo tigo.[4] Patuang-patuang di dindiang-dindiang lua babedo juo pado satiok kuil di Bhubaneswar. Sabagian gadang patuang padusi di dindiang-dindiang kuil hiasannyo talalu balabiahan sarato kurang kakhasannyo.[5]

Pabedoan jo Kuil Jagannath Temple, Puri[suntiang | suntiang sumber]

Patuang-patuang nan ditamuan di garbhagrha (ruangan suci) di kuil ko struktur tubuahnyo samparono indak sarupo jo patuang-patuang di kuil Vishnu lainnya di Odisha, yaitu Kuil Jagannath, Puri. Patuang-patuang suci (shrimurtis) di siko tabuek dari batu granit itam, bukan dari kayu sarupo nan ditamuan di di kuil Puri. Kuil ko adolah asa kota Bubaneshwar disabuik jo namo Chakra kshetra (tampek balingka), sadang Puri dinamoi Shankha kshetra (tampek malangkuang).

Galeri[suntiang | suntiang sumber]

Rujuakan[suntiang | suntiang sumber]

  1. Ghurye, G.S. (2005). Rajput Architecture. Popular Prakashan. pp. 91. ISBN 81-7154-446-0. 
  2. Tāntric art of Orissa .P.126.Jitāmitra Prasāda Siṃhadeba.
  3. Hinduism and the Religious Arts .p.149. Heather Elgood
  4. Rajput Architecture .p.126.G.S. Ghurye
  5. World heritage monuments and related edifices in India P.186.ʻAlī Jāvīd, Tabassum Javeed.