Kue sangko
Kue Sangko marupokan salah satu kue khas dari Pasisia Selatan, di Nagari Painan. Bahan utamo nan digunoan untuak mambuek kue sangko adolah tapuang bareh jo gulo anau di tambah jo bumbu-bumbu lain yo. Biasonyo makanan ko dibuek katiko acara baralek baiak anak daro atau marapulai. Kue iko dihidangkan katiko di rumah ado marapulai baru. salain itu kue sangko juo dibuek untuak hari rayo idul fitri jo hari rayo haji.[1]
Caro mabuek kue sangko indaklah sasulik nan dipikiaan. Cukuik mancampuaan tapuang bareh jo gulo anau, sahinggo manjadi adonan. Sasudah tu adonan kue iko dimasuakan ka dalam cetakan, kamudian dibaka baik jo kayu api atau jo baro. Bantuak jo gadang kue iko babeda-beda tagantuang cetakannyo. Gadang jo bantuak kue sangko tagantuang jo salero urang nan mambueknyo.
Rujuakan[suntiang | suntiang sumber]
- ↑ Budi Eka, Putra (2013). Warisan Budaya Tak Benda Propinsi Sumatera Barat. Padang: BPNB Padang Press. pp. 236. ISBN 978-602-8742-67-2.