Kue Singgang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Kue Singgang

Kue Singgang marupuoan makanan nan cocok untuak dipakulek. Kue ko dimasak jo caro dibaka jo baro. Banamo singgang dek caro mamasaknyo. Adoan dibaka di tangah-tangah baro. Kue singgang di babarapo daerah ado kemiripan bahan ataupun bantuknyo. Di Padang kue singgang banyak urang manyabuiknyo jo kue bika ataupun kue baka, istilah iko muncul karano bika padang dimasak jo caro di panggang atau dibaka diateh baro api. Kue singgang adolah khas Padang marupokan salah ciek bantuak wisata makanan di kota Padang salain randang.

Bahan-bahan nan digunoan iyolah tapuang bareh, tapai parancih, garam, gulo pasir, santan karambia, dan parutan karambia mudo, samantaro untuak mambungkuih bahan-bahannyo di butuah an sahalai daun contohnyo daun waru dan adoh urang manggunoan daun jati. Jadi bilo bahannyo alah cukuik, diaduklah hinggo sadoalah bahan manjadi manyatu, lalu sahalai demi sahalai daun dimasukan ka dalam cetakan dan baru dituangkannyo ka dalam cetakan nan ado tadi.

Untuak mamasak kue singgang iko indaklah dibaka di ateh api ataupun manggunoan pamasak oven malaian di panggang di ateh baro sabuik karambia nan alah di baka. Wakatu untuak manunggu kue singgang masak indak talalu lamo, hanyo paralu manunggu kuenyo taliek agak mangguniang dan indak lai bantuknyo basah.

Kito dianjurkannyo mamakan kue singgang di wakatu lai angek, karano untuak mandapek an raso nan lamak, makanan dalam kondisi angek akan sangaik taraso parpaduan bahan-bahan nan digunoan saroman kue singgang nan manggunoan bahan tapuang, tapai parancih dan parutan karambia. Mako raso asam tapai dan

kaseknyo raso paruik karambia akan mambuek raso kue singgang sangaik lamak dimakan.

Maingek bahan-bahan dan caro mamasaknyo masih sangaik tradisional, sahinggo aroma dan raso kue singgang memang tiado tandiangannyo. Kue singgang raso dan aromanyo lamak dan jugo masakan tradisional labiah aman dari pado makanan modern, kue singgang jugo mahilangan raso lapa.

Rujuakan[suntiang | suntiang sumber]

Hendra, M. Noli. "Kue Singgang Khas Minang, Nikmat dan Tanpa Pengawet". http://www.Cendananews.com/2017/09/kue-singgang-khas-minang-nikmat-dan-tanpa-pengawet.html..