Koto Rajo, Rao Utara, Pasaman

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Koto Rajo
Nagari
Nagara  Indonesia
Provinsi Sumatera Barat
Kabupaten Pasaman
Kecamatan Rao Utara
Laweh ... km2
Panduduak 3,612 urang (2010)
Kapadatan ... jiwa/km2

Koto Rajo adolah salah satu nagari nan ado di kecamatan Rao Utara, Kabupaten Pasaman, provinsi Sumatera Barat, Indonesia.

Namo[suntiang | suntiang sumber]

Namo Koto Rajo barasa dari rajo nan datang dari karajaan Pagaruyuang nan dijapuik untuak disambah atau dijadikan rajo sainggo. Nagari ko dijadikan tampek bamukimnyo rajo tasabuik. Adopun rajo/pucuak adaik nan dijapuik jo disambah tu adolah Rajo Tumangguang nan mampunyoi 4 datuak untuak mamimpin 4 suku/kaum nan ado di Koto Rajo, di antaronyo[rujuakan?]:

  1. Dt. Nachodo Rajo (Melayu)
  2. Dt. Majo Pari (Ampu)
  3. Dt. Bandaro (Kondang Kopuah)
  4. Dt. Koto Bangun (Mandailiang)

Tambo[suntiang | suntiang sumber]

Tasabuik Ranah Minangkabau, tigo luak rang katokan. Tanah data jo Luak Agam katigo jo Luak Limo Puluah Koto. Luak Tanah Data, nan babatu babungo satangkai, basungai kayu tarok, bakampuang dibaliak labuah, banamo sidusun tuo, balimo kaum nan disinan. Limo kaum 12 koto, 9 koto didalam 12 koto di lua. Batabek basawah tangah, sawah gadang satampang baniah makanan urang tigo luak. Ujuang labuah Tanjuang Sungayang, Bapintu ka Sungai Patai bajanjang ka KOTO RAJO. Iko lah isi tambo asali makonyo koto rajo nan tasabuik.[rujuakan?]


Bendera Indonesia Katarangan jumlah panduduak daerah tingkek ampek di Indonesia ko diambiak dari hasil sensus populasi nasional Indonesia pado tahun 2010 dek BPS.