Kipang kacang
 Kipang kacang | |
| Asa | |
|---|---|
| Nagara | Indonesia |
| Daerah | Pariaman, Sumatera Barat |
| Detail | |
| Panyajian | Suhu ruangan |
| Bahan utamo | Kacang tanah, gulo anau |
Kipang kacang marupoan jinih kulek-kulek nan barasa dari Pariaman, Sumatera Barat. Kipang acang tabuek dari kacang tanah nan dicampua jo gulo anau. Dulunyo kipang kacang dibuek untuak dijadian buah tangan dek parantau nan baliak ka rantaunyo. Banyak pulo nan manjua kipang kacang ko di toko oleh-oleh khas Sumatera Barat. Kipang kacang tamasuak dalam Warisan Budaya Tak Benda (WBTB) tahun 2011 nan nomor registrasinyo 2011001464.[1]
Caro mambuek
[suntiang | suntiang sumber]Bahan-bahan nan digunoan untuak mambuek kipang kacang yaitu kacang tanah, gulo anau, vanili, garam, jo minyak goreng. Mulonyo kacang tanah dirandang sampai kuliknyo lapeh. Abuih gulo anau sampai pakek. Masuakan kacang ka gulo anau pakek tadi, diaduak sampai marato. Sudah tu masuakan ka loyang, potong sasuai salero.[2][3]
Rujuakan
[suntiang | suntiang sumber]- ↑ "Warisan Budaya Takbenda | Beranda". warisanbudaya.kemdikbud.go.id. Diarsipkan dari versi asli tanggal 2022-10-24. Diakses tanggal 2021-06-13.
- ↑ admin (2017-10-03). "Kipang Kacang". Website Resmi Dinas Pariwisata Kota Pariaman. Diarsipkan dari versi asli tanggal 2021-06-13. Diakses tanggal 2021-06-13.
- ↑ "Kipang Kacang, Si Manis Renyah dari Ranah Minang". Republika Online. 2020-05-24. Diakses tanggal 2021-06-13.