Kimchi

Kimchi adolah makanan tradisional Korea,nan barad dari tiongkok salah satu jinih  asinan sayua hasia fermentasi nan diagiah bumbu padeh. Satalah diagiah garam jo dicuci, sayuran dicampua jo bumbu nan dibuek dari udang krill, kecap ikan, bawang putih, jahe jo bubuak cabai merah. Sayuran nan paliang umum dibuek untuak jadi kimchi adolah sawi putih jo lobak. Di zaman dulu, kimchi dilafalan sabagaichim-chae (Hangul: 침채; Hanja: 沈菜) yang berarti "sayuran yang direndam." Di Korea, kimchi salalu ado di meja makan sabagai satu jinih banchan nan paliang umum. Kimchi juo digunoan sabagai bumbu sawaktu mamasak sup kimchi (kimchi jjigae), nasi goreng kimchi (kimchi bokkeumbap), dan banyak jinih masakan lain.

Sijarah

Kimchi zaman kuno

Literatur nan paliang utamo tantang kimchi adolah buku puisi Tiongkok bajudul Sikyeong (hangul:시경 hanja:詩經). Pado waktu itu, kimchi disabuik "Ji" sabalun dikanan jo "chimchae".

Asinan bawarna ijau marupoan jo bantuak awal kimchi sawaktu lado alun dikana di Korea. Satalah dicampuan jo garam, sayuran, sarupo kubis dimasuakan dalam balango tanah liek sasudah diagiah garam, jo dipandam di dalam tanak sabagai pasadion sawaktu sayuran segar nan indak tasadio wakatu musim dingin. Urang Korea baru mangana lado berkat jaso padagang Portugis dari Jepang nan datang ka Korea pado abaik ka-16.

Padagang Portugis mambaok lado ka seluruh dunia. Kapa-kapa Portugis balayar lewaik Tanjung Harapan di Afrika inggo sampai di India pado taun 1498. Salanjuiknyo, lado asa Amerika Selatan dibaok ka Asia lewaik babagai pelabuhan di Afrika atau lansuang manyubarang Samudra Pasifik. Pado taun 1540, padagang Portugis alah badagang di Indonesia jo lado dibaok ka Tiongkok bara bulan sudah tu. Padagang Portugis baru sampai di Japang jo Korea pado taun 1549.

Resep asinan sayuran jo labu alah dimuek pado buku resep makanan nan tabik pad taun1670, tapi indak mamakai lado. Di dalam catatan sijarah abaik ka-17 ditulih manganai 11 jenis kimchi, sadangkan lado sabagai bahan kimchi mungkin baru dikana pado maso kudian (manuruik pakiroan 200 tahun kudian). Sabalun abaik ka-19, kimchi anyo dibuek dari sayuran asli Korea karano sawi putiah dikana di Korea pado abaik ka-19.