Kantua Bukik Asam Sawahlunto
Kantua Bukik Asam Sawahlunto adolah bangunan tuo Unit panambangan Ombilin nan dibangun pado taun 1916, nan talatak di Kota Sawahlunto. Kantua nan masih berarsitektur Bulando, dibangun dijantuang kota sakaliguih sabagai ikon Sawahlunto.
Sajarah
[suntiang | suntiang sumber]Dalam panalitian De Greve, dikatahui bahwa tadapek 200 juta ton batu bara nan takandung di sakitar aliran Batang Ombilin, Salah ciek batang aia nan ado di Sawahlunto. Sajak panalitian tasabuik diumumkan ka Batavia pado taun 1870, pamarintah India Balando mulai marancanoan pambangunan sarana jo prasarana nan dapek mamudahkan eksploitasi batu bara di Sawahlunto. Salanjuiknyo Sawahlunto dijadikan sabagai kota pado taun 1888.
Sajarah partambangan batu bara di Tanjuang Enim dimulai samanjak zaman kolonial Balando taun 1919 jo manggunokan metode panambangan tabukak (open pit mining) di wilayah operasi partamo, yaitu di Tambang Air Laya. Salanjuiknyo mulai 1923 beroperasi jo metode panambangan bawah tanah (underground mining) hinggo 1940, sadangkan produksi untuak kapentingan komersial dimulai pado 1938.
Sairiang jo barakhianyo kakuasaan kolonial Balando di tanah aia, para karyawan Indonesia kamudian bajuang manuntuik parubahan status tambang manjadi partambangan nasional. Pado 1950, Pamarintah RI kamudian mangesahkan pambentukan Parusahaan Negara Tambang Arang Bukit Asam (PN TABA).
Pado 1981, PN TABA kamudian barubah status manjadi Perseroan Tabateh jo namo PT Tambang Batubara Bukit Asam (Persero) Tbk, nan salanjuiknyo disabuik Parseroan. Dalam rangka maningkekan pangembangan industri batu bara di Indonesia, pado 1990 Pamarintah manetapkan panggabuangan Perum Tambang Batubara jo Perseroan.
Sasuai jo program pangambangan katahanan energi nasional, pado 1993 Pamarintah manugaskan Perseroan untuak mangembangkan usaho briket batu bara.
Pado 23 Desember 2002, Parseroan mancatatkan diri sabagai parusahaan publik di Bursa Efek Indonesia jo kode “PTBA”.
Peresmian Museum Tambang Batubara Ombilin
[suntiang | suntiang sumber]Museum nan talatak di Sawahlunto Ombilin, Sumatera Barat iko diresmian dek Wakil Menteri Pariwisata jo Ekonomi kreatif Dr. Sapta Niwanda. Kahadiran museum iki diharokan dapek manjadi palengkap mutakhir daghi babagai objek wisata nan ado di Sawahlunto.
Rujuakan
[suntiang | suntiang sumber]- wikipedia.org/wiki/kota_Sawahlunto
- travel.kompas.com
- ptba.co.id