Kabudayaan Shijiahe
 | |
| Jangkauan geografis | Yangtze tengah |
|---|---|
| Pariode | Neolitikum |
| Wakatu | skt. 2500 – skt. 2000 SM |
| Bamulo dek | Kebudayaan Qujialing |
| Kabudayaan Shijiahe | |||||||
|---|---|---|---|---|---|---|---|
| Hanzi: | 石家河文化 | ||||||
| |||||||
Kabudayaan Shijiahe (2500–2000 SM) marupoan sabuah kabudayaan Neolitikum akhia yang bapusat di wilayah Sungai Yangtze tangah di Kota Shijiahe, Tianmen, Provinsi Hubei, Tiongkok. Kabudayaan tasabuik manggantian Kabudayaan Qujialing di wilayah yang samo dan mawarisi artefak unik dari lingkaran poros dicat. Patuang-patuang tambika dan batu giok babeda yang dikarajoan dengan teknik-teknik canggiah jugo umum untuak budayo.
Ikhtisar
[suntiang | suntiang sumber]Kabudayaan iko dinamoan badasarkan jenih situsnyo, kluster situs Shijiahe, di Tianmen, Hubei, di Lambah Yangtze Tangah. Lapisan bawah situs miliak Kabudayaan Qujialing. Situs kota iko dikatoan sabagai "hamparan yang hampia sampurna" salueh 120 hektares (300 ekars) di daerah itu dan bapanduduak padek. Itu mungkin manampuang antaro 15.000 dan 50.000 panduduak di dalam tembok pamukiman. Di Dengjiawan, dalam kluster situs Shijiahe, babarapo potongan tambago ditamoan, manjadiannyo barang tambago paliang awal yang ditamuan sajauh iko di Tiongkok salatan.[1]
Moda utamo pajalanan dianggap parahu aia. Urang bahkan mambangun saluran sabagai sungai daruret untuak manghubuangkan daerah inti pakotaan ka sungai yang badakekan atau dari kota ka sungai utamo. Salain dindiang, parit juo digali di sakita kota dan pusek kota dengan caro yang samo mode saluran yang dibangun.[1] Di situs kota di Chengtoushan, banda itu lebanyo sakitar 40–50 m. Urang-urang panaliti mampakiroan bahwo tota tanago karajo 200.000 hinggo 470.000 urang diparaluan untuak mambangun banda dan dindiang di situs iko.[2] Urang-urang dari kabudayaan Shijiahe manumbuahkan padi dan jawawut.
Babarapo ahli baspekulasi bahwo Shijiahe bisa dianggap sabagai nagari kuno karano struktur sosial-politiknyo yang ralatif majua.[1][3] Shijiahe dikatoan mamiliki ukuran populasi dan lueh daratan labiah gadang dari pado Erlitou, namun indak jaleh apokah inyo mamiliki tingket kontrol terpusek yang samo ateh wilayah-wilayah iko yang dilakuan oleh Erlitou.[4] Urang sarjana lain mancataik bahwo Shijiahe dan kabudayaan lain di sapanjang Yangtze labiah kompleks dan bakambang secaro sosial dari pado urang-urang sazaman inyo di utara di Lambah Han.[3]
Artefak batu giok
[suntiang | suntiang sumber]Banyak artefak giok alah ditamuan dari situs Shijiahe, tarutamo barasal dari fase akhia. Kabanyakan jades mamiliki kesataroan dalam Kebudayaan Liangzhu, dan dalam banyak hal kompleks situs Shijiahe sarupo jo kompleks Mojiaoshan dari Liangzhu, manunjukkan pengaruah kuet dari wilayah Yangtze yang lebiah randah ka timur.[5]
Pado tahun 2015, urang arkeolog manggali situs Tanjialing, barasa dari kabudayaan Shijiahe akhia. Inyo manamuan labiah dari 250 buah batu giok di limo makam. Teknologi ukiran batu giok yang dipameran oleh artefak iko tampaknyo alah malampaui kabudayaan Liangzhu dan Hongshan, kaduonyo terkenal karano batu giok inyo.[6]
Kamunduran
[suntiang | suntiang sumber]Budayo Shijiahe barakhia sakita 2000 SM, kiro-kiro pado sa aik nan samo dengan Liangzhu. Namun, indak mode budayo Liangzhu, yang iyo bana manghilang, Shijiahe mode e mangalami panurunan papulasi yang drastis. Babarapo ahli pacayo bahwo kamunduran iyolah hasil dari paparangan jo Kebudayaan Longshan,nan bakambang dari utara.[7] Kamungkinan panyabab lainnyo iolah banjir, runtuhnyo tatanan sosial atau kombinasi dari faktor-faktor iko.[4] Dari 4200 BP, kakariangan yang parah mangikiah pondasi ekonomi dari pananaman padi.[8]
Caliak Pulo
[suntiang | suntiang sumber]Catatan Kaki
[suntiang | suntiang sumber]- ↑ a b c Zhang (2013), hlm. 524.
- ↑ Zhang (2013), hlm. 516–520.
- ↑ a b Zhang & Hung (2008), hlm. 309.
- ↑ a b ().
- ↑ Liu & Chen (2012), hlm. 244.
- ↑ 湖北出土玉器彰显史前中国玉文化最高成就 (dalam bahasa Chinese). Institute of Archaeology, Chinese Academy of Social Sciences. 2015-12-21.
- ↑ Zhang & Hung (2008), hlm. 309–310.
- ↑ Zhu, Xiao Hong; Li, Bing; Ma, Chun Mei; Zhu, Cheng; Wu, Li; Liu, Hui (2017). "Late Neolithic phytolith and charcoal records of human activities and vegetation change in Shijiahe culture, Tanjialing site, China". PLOS ONE. 12 (5): e0177287. doi:10.1371/journal.pone.0177287. PMC 5438134
. PMID 28542219.
Karya-karya kutipan
- Liu, Li; Chen, Xingcan (2012), The Archaeology of China: From the Late Paleolithic to the Early Bronze Age, Cambridge University Press, ISBN 978-0-521-64310-8.
- Zhang, Chi (2013), "The Qujialing–Shijiahe culture in the middle Yangzi River valley", dalam Underhill, Anne P., A Companion to Chinese Archaeology, John Wiley & Sons, hlm. 510–534, ISBN 978-1-118-32578-0.
- Zhang, Chi; Hung, Hsiao-chun (2008), "The Neolithic of Southern China-Origin, Development, and Dispersal", Asian Perspectives, 47 (2): 299–329, doi:10.1353/asi.0.0004, hdl:10125/17291.
Bacoan salanjuiknyo
[suntiang | suntiang sumber]- Allan, Sarah (ed), The Formation of Chinese Civilization: An Archaeological Perspective, ISBN 0-300-09382-9
- Lui, Xujie (2002), "The Origins of Chinese Architecture", dalam Steinhardt, Nancy Shatzman, Chinese Architecture, Yale University Press, hlm. 11–32, ISBN 978-0-300-09559-3.