Lompat ke isi

Jeffry Al Buchori

Wikipedia Minangkabau - Lubuak aka tapian ilimu
Infobox orangJeffry Al Buchori
Biografi
Lahia12 April 1973 Edit nilai pada Wikidata
Daerah Kusuih Ibukota Jakarta Edit nilai pada Wikidata
Kamatian26 April 2013 Edit nilai pada Wikidata (40 tahun (id) terjemahkan)
Daerah Kusuih Ibukota Jakarta Edit nilai pada Wikidata
Panyabab kamatianKecelakaan lalu-lintas (id) Terjemahkan Edit nilai pada Wikidata
Tampek dimakamkanDaerah Kusuih Ibukota Jakarta Edit nilai pada Wikidata
AgamoIslam Edit nilai pada Wikidata
Kagiatan
KarajoPalakon, pengkhotbah (id) Terjemahkan, Tukang tari jo Panyanyi Edit nilai pada Wikidata
Kaluarga
Pasangan hiduikPipik Dian Irawati (id) Terjemahkan Edit nilai pada Wikidata
AnakAbidzar Al-Ghifari (id) Terjemahkan
Adiba Khanza (id) Terjemahkan Edit nilai pada Wikidata

Jeffry Al Buchori, atau disabuik juo jo namo panggilan Ustaz Uje (lahia di Jakarta, 12 April 1973 – maningga di Jakarta, 26 April 2013 pado umua 40 taun), adolah surang pancaramah tanamo jo panyanyi lagu religi Indonesia. Sabalunnyo jadi mubalig, daulunyo baliau panah jadi pamain pilem jo panari.[1][2]

Uje lah bapulang ka rahmatullah pado tanggal 26 April 2013 pukua 2 pagi akibaik kacalakaan tungga di kawasan Pondok Indah, Jakarta Selatan. Motor nan ditompanginyo manumbuak batang kayu sasudah ilang kasaimbangannyo kutiko sadang dikandarai.[3][4][5][6]

Pendidikan jo kaiduikan pribadi

[suntiang | suntiang sumber]

Jefri Al-Buchori lahia di Jakarta, anak katigo dari Ayah, Ismail Modal (alm) nan badarah Maluku jo Ibu, Tatu Mulyana.[1] Badasaran wawancaranyo jo Gatra, maso kaciaknyo dihabihan di daerah Pangeran Jayakarta di mano lingkuangan sakitarnyo tadapek banyak bar jo diskotek.[7] Jefri indak pernah marasoan kelas 4 sikolah dasar karano pado saaik basikolah di SD 07 Karang Anyar, inyo lompek kelas dari kelas 3 ka kelas 5.[7] Sajak kaciak inyo alah manunjuakan katertarikan pado mato palajaran agamo jo kasenian.[7] Satamaik SD, Jefri jo kaduo kakaknyo basikolah di Pesantren modern di Daar el Qolam Gintung, Balaraja, Tangerang,[1] tapi inyo hanyo maikuiki pandidikan salamo ampek taun dari anam taun syaraik lulus[7] jo pindah sikolah ka Madrasah Aliyah karano parangai nan indak tapuji.[2] Sajak kaciak Jefri alah manunjuakan bakaik untuak tampil jo maraiah prestasi MTQ (Musabaqah Tilawatil Quran) hinggo tingkek provinsi.[1]

Maso mudonyo acok disamoan jo narkoba, disko, jo bamain bola bilyar.[7] "Ambo tu dulu dutanyo setan di dunie" - pangakuannyo pado saaik wawancara.[7] Salapeh Madrasah (setingkat SMA) inyo malanjuikan pado akademi Broadcasting di Rawamangun, Jakarta - tapi indak salasai kuliah dikaranoan labiah mautamoan bamain bilyar.[7]

Sabagai pacandu narkoba, Jefri batamu jo Pipik Dian Irawati nan dikenal sabagai model gadih sampul majalah Aneka taun 1995 asa Semarang, Jawa Tengah jo manikah siri pado 7 September 1999. Panikahan iko kamudian dirasmian di Semarang duo bulan kamudian.[7] Pasangan iko dikaruniai tigo urang anak, Adiba Khanza Az-Zahra, Mohammad Abidzar Al-Ghifari, jo Ayla Azuhro.[7] Babarapo taun kamudian, lahia anak kaampek Jefri, iyolah Attaya Bilal Rizkillah.

Karier

[suntiang | suntiang sumber]

Aktor jo panari

[suntiang | suntiang sumber]

Karier sabagai aktor bamulo dari kasukoan Jefri menyambangi Institut Kesenian Jakarta jo maikuki hinggo manggantian pamain sinetron nan sadang latihan, sampai akhianyo maikuiki pamiliahan pamain jo mandapek paran.[1] Inyo juo manjadi panari di sabuah kelab malam.[1] Pado taun 1991 Jefri mandapekan paran pado sinetron Pendekar Halilintar di TVRI, jo pado taun 1991 tapiliah sabagai pemeran pria tabaiak dalam Sepekan Sinetron Remaja Sayap Patah nan ditayangan TVRI.[1][7]

Panceramah, trend busano, jo panyanyi

[suntiang | suntiang sumber]

Kariernyo di bidang dakwah dimulai pado taun 2000 saaik manggantian kakaknyo nan manjadi imam di sabuah musajik di Singapura.[7] Karajo kakaknyo untuak maagiahan khotbah di musajik-musajik dakek rumah di wilayah Pangeran Jayakarta, Jakarta diagiahan pado Jefri.[7] Partamo kali manarimk honor dari karajo mandakwah barasa dari sabuah musajik di bilangan Mangga Dua sabanyak 35 ribu rupiah.[7] Pado ciek kasempatan saaik manjadi imam, jamaah musajik bubar manolak dipimpin dek tukang mabok.[7]

Jefri sabagai pandakwah mulai dikenal urang sacaro laweh pado taun 2002 untuak ceramah jo doa dalam acaro "Salam Sahur (Salsa)" di TV7, jo dikontrak untuak acaro nan samo pado taun barikuiknyo.[7] Padi taun 2004 inyo maisi acaro Tausiah di TPI jo tujuah episode acaro "Kumis Remaja" satiok Minggu pagi.[7]

Pado awanyo Jefri sempat bapakaian gamis panjang langkok jo sorban, tapi manggantinyo karano bapikia baso segmennya remaja jo indak cocok untuak pakaian tasabuik.[7] Jefri pun populer jo baju koko nyo jo manjadi merek dagang umum sabagai dayo jua padagang untuak mampopuleran baju tasabuik.[7]

Pado taun 2005 kagiatan ceramahnyo mancapai tigo sampai ampek kali dalam sahari jo pangajian rutin "I Like Monday" di rumahnyo jo jamaah tatap.[7] Pado taun nan samo inyo diminta maagiahan ceramah di Istana Negara di mano salah satu panggemarnyo adolah Presiden Susilo Bambang Yudhoyono.[7]

Juo pado taun 2005 Jefri maluncuaan album rohani "Lahir Kembali" nan komersial, kamudian pado taun 2006 inyo maluncuaan album kaduonyo "Shalawat" di mano inyo baduet jo bininyo Pipik Dian Irawati dalam duo lagu; "Shalawat Badar" jo "Thola`al Badru".[8] Pado taun 2007 Jefri juo pernah bakolaborasi dalam mini album Ungu (nan hanyo barisi limo lagu) "Para Pencari-Mu" dalam lagu "Surga Hati".[9][10] Pado taun 2009 inyo tampil langsuang baduet pado Tabligh Akbar jo Konser Musik Religi Ungu di Cilegon, Jawa Barat nan dihadiri ribuan panonton.[9][10]

Maningga dunie

[suntiang | suntiang sumber]

Uje maningga dunie dalam umua 40 taun pado tanggal 26 April 2013 dalam sabuah kacilakoan tungga di kawasan Pondok Indah, Jakarta Selatan, pado pukua 2 wakatu satampek. Inyo manumbuak batang kayu satalah kailangan kandali ateh Kawasaki ER-6n banopol B 3590 SGQ nan sadang dikandaroi.[3][4][5][6]

Inyo sempat dirujuak ka Rumah Sakik Pondok Indah jo Rumah Sakik Fatmawati, tapi nyaonyo indak tatolong.[11][12] Salanjuiknyo, janazah Uje dibao ka rumah duko di Perum Bukit Mas, Jalan Narmada III, Rempoa, Ciputat Timur, Tangerang Selatan, Ustadz Jeffry dikubuaan di TPU Karet Bivak, Tengsin, Jakarta Pusek satalah sabalunnyo disalatkan di Musajik Istiqlal.[13]

Rujuakan

[suntiang | suntiang sumber]
  1. ↑ a b c d e f g "Tempo.co: Uje dan Sosok Ustad Gaul". Diarsipkan dari versi asli tanggal 2014-07-14. Diakses tanggal 2013-05-06. 
  2. ↑ a b Kapanlagi.com: Jeffry Al Buchori
  3. ↑ a b Ustadz Jeffry Meninggal Dunia Karena Kecelakaan?, diakses dari situs DetikNews pada tanggal 26 April 2013, pukul 6:07 WIB
  4. ↑ a b SoloPos.com: Uje Meninggal, Ibunda Uje Bangga
  5. ↑ a b "Kepergian Ustadz Jefri Sedot Perhatian Masyarakat". Diarsipkan dari versi asli tanggal 2013-04-28. Diakses tanggal 2013-05-06. 
  6. ↑ a b "Jokowi Kirimkan Karangan Bunga ke Rumah Ustadz Jefri". Diarsipkan dari versi asli tanggal 2013-04-27. Diakses tanggal 2013-05-06. 
  7. ↑ a b c d e f g h i j k l m n o p q r s t "Arsip Gatra: Hitam-Putih Ustad Jeffry". Diarsipkan dari versi asli tanggal 2016-03-05. Diakses tanggal 2016-11-27. 
  8. ↑ Antaranews.com:Ustadz Jefri Luncurkan Album Shalawat
  9. ↑ a b Ungu Luncurkan Album "Para PencariMu"
  10. ↑ a b Rumah Dunia.com: KONSER MUSIK RELIGI UNGU DI CILEGON
  11. ↑ Ustadz Jeffry Diduga Pacu Motor dengan Kecepatan Tinggi, diakses dari situs Detik pada tanggal 26 April 2013
  12. ↑ http://megapolitan.kompas.com/read/2013/04/26/04324131/Ustaz.Jeffry.Al.Buchori.Meninggal.karena.Kecelakaan
  13. ↑ Disholatkan di Istiqlal, Dimakamkan di TPU Karet Bivak. Diakses pada 27 April 2013

Pranala lua

[suntiang | suntiang sumber]
Diambiak dari "https://min.wikipedia.org/w/index.php?title=Jeffry_Al_Buchori&oldid=3154627"