Jarum jaik

Wikipedia Minangkabau - Lubuak aka tapian ilimu
Jarum jaik
Jarum jaik tatutuik tampek kemasan
Media: Jarum jaik

Jarum jaik adolah alat manjaik babantuak batang biaso tabuek dari logam nan ciek dari ujungnyo runciang, dan mamiliki mato jarum sabagai lubang masuak banang. Pado zaman kuno, jarum dibuek dari tulang hewan atau kayu. Jarum jaik moderen dibuek dari kawat baja karbon tinggi balapiah nikel atau ameh maupun platina untuak mancagah korosi.

Jarum untuak manjaik dangan tangan (jarum tangan) punyo mato jarum pado bagian pangkegh. Jarum pentul paguno untuak manyomatkan pola pado bahan. Katiko indak sadang digunakan, jarum pentul dan jarum tangan ditusuakkan ka bantal jarum untuak mancagah cidera basobok jarum tacecer.

Ukuran jarum jaik dinyatokan dangan nomor pado kotak jarum atau kemasan. Manuruik konvensi, makin ketek nomor jarum, makin bosegh pulo ukuran jarum. Jarum nomor 1 lobiah panjang dan badiameter jauah lobiah bosegh dibanding jarum nomor 10 nan lobiah pendek dan badiameter lobiah ketek.