Jakub Isman

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Jakub Isman
Berkas:Jakub Isman.jpg
2 Rektor IKIP Padang
Manjabat
13 November 1973 – 13 November 1982
ManggantianProf. Dr. Isyrin Nurdin
DigantianProf. H. Jamil Bakar
Profil pribadi
Lahia6 Pebruari 1933 (umua 88)
Templat:Country data Holland Sungaipenuh, Kerinci, Hindia Belanda
KabansoanBendera Indonesia Indonesia
PasanganSarmeini
AnakSuci Indriani Isman, Budi Satria Isman, dan Suci Madiarti Isman
Alma materUniversitas Indiana, Amerika Serikat
KarajoPengajar, diplomat
Tanamo dek- Atase Pendidikan dan Kebudayaan KBRI Washington DC, Amerika Serikat
- Rektor IKIP Padang

Prof. Dr. Jakub Isman (lahia di Sungaipanuh, Karinci, Jambi, 6 Februari 1933; umuah 86 tahun) marupoan pangajar Indonesia.[1] Baliau pernah manjabaik sabagai Rektor IKIP Padang nan kini baganti namo manjadiUniversitas Negeri Padang (UNP), Padang, Sumatra Barat samanjak 13 November 1973 hinggo 13 November 1982.[2]

Riwayaik singkek[suntiang | suntiang sumber]

Jakub Isman lahia pado 6 Februari 1933 di koto Sungaipanauh, Karinci. Baliau manikah jo surang padusi banamo Sarmeini Nikelas. Panikahan ko alah mandapaik tigo urang anak, nan banamo Suci Indriani Isman, Budi Satria Isman, jo Suci Madiarti Isman.[1] Anaknyo nan banamo Budi Satria Isman diingeik sabagai surang profesional nan sukses.

Baliau mandapeik gala Master of Arts di bidang Linguistik pado taun 1958 dari Universitas Indiana, Bloomington, Amerika Serikat. Untuak gala doktor (PhD) adolah bidang pandidikan sarato sertifikat bidang Pangajaran Bahaso Inggrih untuak Panutur Bahaso Lain (TESOL) baliau mandapekannyo pado taun 1973 dari universitas nan samo.[1]

Salain diingeik sabagai rektor, Jakub parnah pulo bakarajo di proyek Bank Dunia XI sarato di bidang diplomatik jo manjadi Atase Pandidikan jo Kabudayaan pado Kedutaan Besar Republik Indonesia di Washington DC, Amerika Serikat, salamo labiah dari tigo tahun, samanjak 7 April 1985 hinggo 9 September 1988. Baliau manguruih bidang akademik jo sasakali juo manguruih kapantingan pribadi sakitar 10.000 palajar jo mahasiswa Indonesia nan kuliah di situ, di wakatu nan samo sakaligus mampromosian budayao jo kesenian Indonesia di saluruh Amerika Sarikek. Salapeh batugas sabagai Atase Pandidikan jo Kabudayaan Jakub Isman di piliah manjadi Direktur SEAMEO, iyolah organisasi pandidikan nagaro-nagaro ASEAN nan ado di Bangkok, Thailand.[1][3]

Rujuakan[suntiang | suntiang sumber]

  1. a b c d "Professor Dr Jakub Isman" SEAMEO Library. Diakses 25/4/2014.
  2. "Sejarah Surat Kabar Kampus GANTO" GANTO. Diakses 25/4/2014.
  3. "Dari UNP ke Kedubes" GANTO, 20/12/2010. Diakses 25/4/2014.