Hull House
Hull House | |
 | |
Hull House pado awal abad 20 | |
| Latak: | Jalan S. Halsted No. 800, Chicago, Illinois |
|---|---|
| Koordinat: | 41°52′18″N 87°38′51″W / 41.87167°N 87.64750°WKoordinat: 41°52′18″N 87°38′51″W / 41.87167°N 87.64750°W |
| Laweh: | 1 ekar (0.40 ha) |
| Ditagakan: | gedungnyo ditagakan pado tahun 1856, institusinyo dibuek pado 18 September 1889 |
| Arsitek: | Firma Pond and Pond |
| Gaya arsitektur: | Italianate |
| Pihak pangelola: | Fakultas Arsitektur dan Seni Universitas Illinois di Chicago |
| Tangga pantiang | |
| Dimasuakan ke NRHP: | 15 Oktober 1966 |
| Ditatapan NHL: | 23 Juni 1965 |
| Ditatapan: | 12 Juni 1976 |
Hull House adolah rumah imigran di Amerika Serikat, tapeknyo talatak di wilayah barat Chicago, Illinois dan marupoan salah satu rumah imigran nan paliang patamo nan tagak di Amerika. Namo Hull House diambiak dari namo urang nan punyo rumah yaitu Charles Jerald Hull. Sabalunnyo, Hull House adolah gudang punyo Charles Hull, saurang pangambang real estat jo milioner Chicago nan tanamo.[1] Dek Jane Addams jo Ellen Gates Starr, gudang nan tun dijadian sabagai rumah imigran sajak tahun 1889.[2][3][4][5]
Latar balakang[suntiang | suntiang sumber]
Pangana mambuek rumah imigran dimulai jauh sabalun Jane Addams tibo ka Inggirih pado tahun 1888 dan berkunjung ka Toynbee Hall di London.[6][7] Sangkek baumua tujuah tahun, Jane Addams manyadari bahwa Chicago bukan hanyo tantang mambali es krim atau berkunjung ka toko mainan. Samanjak ketek, Addams acok pai raun basamo ayahnyo ka tempek usaho nan ayahnyo punyo. Sampai suatu hari pado tahun 1867, mereka berkunjung ke Freeport, tampek pangilangan minyak nan barado di dakek bagian kota nan paliang miskin. Sangkek kereta mereka menyusuri jalanan ka sinan, Addams mancaliak sisi kota nan lain. Parumahan kumuah dengan anak nan bapakian saadanyo dan tampak kumuah. Addams batanyo ka ayahnyo baa kok urang-urang nan tun tingga di rumah ketek nan mengerikan jo basampik-sampikan. Ayahnyo maagih tahu hal itu dek karano merkea indak punyo pitih cukuik untuak tingga di rumah nan labiah rancak. Dari situlah, Jane Addams mulo batekad untuak "mambali rumah nan gadang" di "tangah rumah-rumah ketek" di sinan.[7]
Tampek Hull House barado marupoan kawasan imigran nan padek panduduak. Ado 30 blok parumahan nan dihuni saindaknyo 18 warga nagara nan babedo dan mawakili 26 kalompok etnis nan babedo tamasuak Italia, Jerman, Irlandia, Polandia, Yahudi Rusia, kaum Gipsi, Parancih, Kanada, Yunani, Bulgaria, Balando, Portugal, Skotlandia, Wales, Spanyol, dan Finlandia. Raminyo panduduak badampak ka parmasalahan layanan sanitasi, pasokan aia nan tacemar, dan parmukiman kumuah.[3][4][8][3] Mangko dek itu, Jane Addams dan Ellen Starr batekad untuak manyadioan rumah nan layak bagi imigran. Dalam buku tahunan Hull House nan tabik pado tahun 1907, disabuik bahasonyo tujuan ditagakannyo rumah imigran iko iyolah "untuak manyadioan tampek bagi hak sipil jo kehidupan sosial nan labiah rancak; mambantuak jo mampartahanan pandidikan dan kagiatan kamanusiaan, sarato untuak manjajaki dan maningkekan kaadaan di distrik industri Chicago".[4][9]
Parkambangan[suntiang | suntiang sumber]
Dari tahun ka tahun, Hull House bakambang sampai punyo tigo baleh bangunan gadang dan mencapai lueh satangah blok di dalam kota, punyo taman bermain sarato kamp luas di Wisconsin.[6]
Pado tahun 1963, aula nan difungsian sabagai ruang makan dipindah basubalahan jo bangunan Hull House usali. Adapun sabaleh gedung lainnyo dicaiaan dan direlokasi ka tampek lain dek di ateh tanahnyo ka dibangun Universitas Illinois. Kaduo bangunan iko kudian dijadian museum dan marupoan bagian dari Fakultas Arsitektur dan Seni Universitas Illinois. Pado tahun 1967, dilakuan restorasi nan mancaian bangunan lantai tigo tambahan Hull House nan dibangun dek Addams. Hal iko dilakuan dalam rangka malindungi warisan lingkungan fisiknyo.[1][6][10]
Kini, Hull House (gedung usali jo gedung patamonyo) alah ditetapkan sabagai bangunan basijarah nasional. Museumnyo sacaro taratur mangadoan pameran jo acara nan relevan dengan misi awal Hull House sabagai rumah imigran.[10]
Rujuakan[suntiang | suntiang sumber]
- ↑ a b Divinity, Jone Johnson Lewis Jone Johnson Lewis has a Master of; Member, Is a Humanist Clergy; late 1960s, certified transformational coach She has been involved in the women's movement since the. "What Was Hull House? Who Lived There?". ThoughtCo (dalam bahasa Inggris). Diakses tanggal 2020-01-09.
- ↑ "Hull House". Social Welfare History Project (dalam bahasa Inggris). 2011-01-21. Diakses tanggal 2020-01-09.
- ↑ a b c "Hull-House". Immigration to the United States (dalam bahasa Inggris). Diakses tanggal 2020-01-10.
- ↑ a b c Glowacki, Peggy. "Subject & Course Guides: History of Hull-House Settlement House: Archival Resources". researchguides.uic.edu (dalam bahasa Inggris). Diakses tanggal 2020-01-10.
- ↑ "Hull House". chicagology.com. Diakses tanggal 2020-01-10.
- ↑ a b c "Hull House | History, Significance, Jane Addams, & Museum". Encyclopedia Britannica (dalam bahasa Inggris). Diakses tanggal 2020-01-09.
- ↑ a b "Jane Addams of Hull House | Scholastic.com". www.scholastic.com. Diakses tanggal 2020-01-10.
- ↑ "Hull House". Spartacus Educational. Diakses tanggal 2020-01-10.
- ↑ Trustee Board, Hull House (1907). Hull House Year Book. Chicago: Chicago Publisher. pp. 7.
- ↑ a b "128 Years of Justice: Jane Addams and Chicago's Hull-House | National Trust for Historic Preservation". savingplaces.org (dalam bahasa Inggris). Diakses tanggal 2020-01-09.