Lompat ke isi

Bulgaria

Wikipedia Minangkabau - Lubuak aka tapian ilimu
Bendera Bulgaria

Bulgaria (Bahaso Bulgaria: България, diromanisasi: Bǎlgariya), sacaro rasmi Republik Bulgaria, adolah sabuah nagara di Eropa Timur. Nagara ko talatak di sisi timur Balkan, sarato babatehan jo Rumania di utara, Serbia jo Makedonia Utara di barat, Yunani jo Turki di selatan, jo Lauik Hitam di timur. Bulgaria mancakuik wilayah salueh 110.994 kilometer persegi, dan marupokan nagara tagadang ka-16 di Eropa.[1] Ibu kota jo kota tagadangnyo iolah Sofia; kota gadang lainnyo adolah Plovdiv, Varna jo Burgas.

Fitur topografi nagara nan paliang manonjol adolah Dataran Danubian, Pagunungan Balkan, Dataran Thracian, jo Pagunungan Rila-Rhodope. Tapi selatan Dataran Danubian miriang ka ateh ka kaki bukik Balkan, sadangkan Danube mambatehi perbatasan jo Rumania. Dataran Tracian kiro-kiro babantuak sagitigo, dimulai dari tenggara Sofia jo maleba ka pantai Lauik Hitam.[2] Maingek wilayahnyo nan relatif ketek, Bulgaria punyo iklim nan bavariasi jo kompleks. Nagara ko manampek i bagian paliang selatan dari zona iklim kontanental, sarato area ketek di selatan nan tamasuak dalam zona iklim Mediterania.[3] Koordinat geografis Bulgaria adolah 43° LU 25° BT.

Bulgaria adolah nagara demokrasi parlementer dimano pardano menteri adolah kapalo pamarentahan jo posisi eksekutif paliang bakuaso. Sadangkan presiden hanyo punyo kuaso nan tabateh.[4]

Populasi Bulgaria adolah 6.447.710 orang menuruik pakiroan rasmi pamarentah tahun 2022.[5] Mayoritas penduduak, 72,5%, tingga di daerah perkotaan.[6] Pado 2019, Sofia adolah pusek kota tapadek jo 1.241.675 urang, diikuti oleh Plovdiv (346.893), Varna (336.505), Burgas (202.434) jo Ruse (142.902).[7]

Rujukan[suntiang | suntiang sumber]

  1. Penin, Rumen (2007) (dalam bahaso bg). Природна география на България. Bulvest 2000. p. 18. ISBN 978-954-18-0546-6. 
  2. "Explore all countries–". World Fact Book. Diakses tanggal 3 Juni 2023. 
  3. Donchev & Karakashev 2004, p. 52
  4. Library of Congress 2006.
  5. "Population and demographic processes in 2022" (PDF). 
  6. NSI Census data 2011.
  7. NSI Census data 2017.

Bibliografi[suntiang | suntiang sumber]