Lompat ke isi

Homophobia (film)

Wikipedia Minangkabau - Lubuak aka tapian ilimu
Homophobia
SutradaraGregor Schmidinger
ProduserGregor Schmidinger
Julian Wehl
PanulihGregor Schmidinger
PamainMichael Glantschnig
Josef Mohamed
Günther Sturmlechner
Harald Bodingbauer
PanyuntiangGregor Schmidinger
Parusahaan
produksiy
Irrational Realm
Tangga rilis
2012
Durasi
23 menit
NagaraAustria
BahasoJerman

Homophobia adolah film pendek nan mamiliki durasi 23 minik, dirilis tahun 2012 dari Austria. Naskah film ko ditulih jo sakaligus disutradarai jo Gregor Schimidinger.[1] Film ko dibintangi jo aktor-aktor nan hebat yaitu Michael Glantsching, Josef Mohamed, Gunther Sturmlecher, dan Harald Bodingbauer. Film ko awalnyo di rilis di Wina pado 11 Mei 2012, salanjuiknyo dirilis pulo sacaro online pado 14 Mei 2012. [2]

Film iko mancaritoan tantang saurang anak laki-laki nan alah remaja banamo Michael. Michael ko masuak ka dalam Pasukan Militer Austria basamo remaja laki-laki lainnyo. Tapi, dalam pasukan tasabuik, Michael mangalami parasaan menyukai sasamo jinih jo biaso disabuik homoseksual. Hal ikolah nan mambuek Miachael di bully jo kawan-kawannyo karano inyo "berbeda". Dalam film dicaritoan baa kondisi Michael jo urang nan inyo sukoi di malam tarakhir di pabatehan Austria-Hongaria sarato taisolasi sacaro sosial. Salain itu, urang baduo ko diagiahan sanjato nan panuah jo anak tembakan. [3]

Film Homophobia ko dirilis batapekan jo "International Day Against Homophobia" sahinggo sukses promosinyo sarato ditampilan di platform internet utamo jo media cetak. Homophobia mangandung aspek-aspek kahidupan nan banyak yaitu kekerasan, penganiayaan sarato katakuikan nan sadonyo muncua walaupun durasi film hanyo 23 minik. Homophobia dicaritoan jo tampilan nan dramastis sarato fokus pado pamaran utamo namun tetap apik. [4]

Plot[suntiang | suntiang sumber]

Film ko dibuek pado tahun 1990-an salamo titik balik matahari musim dingin sarato manunjukan tantang dunia layanan militer nan maskulin. Hal iko diawali jo Raphael (nan diperankan dek Josef Mohamed) nan manodong pistol ka muluik Miachael (nan diperankan dek Michael Glantsching), kaduonyo manggunokan saragam militer. [5] Salanjuiknyo film iko manganalan Michael sabagai prajurit mudo nan barasa dari Austria. Malam hari Michael terbangun, muntah lalu manuju toilet dan manangih akan kadaannyo saat itu.

Michael kemudian menuju kamar mandi untuak mandi, dan disikolah tajadi sasuatu nan manyadihan. Saat mandi, Micahel melihat ke arah bawah tubuh Raphael. Jürgen (nan diperankan dek Günther Sturmlechner) mandatangi Michael langsung mamegang punggungnyo samantaro Raphael mambelokan aia dingin kapadonyo. Maraso marah, Michael langsuang malempa tubuh Jürgen hingga Jürgen tajatuah, Michael pun langsuang manuju ruang ganti. Di ruang ganti, Jürgen mandatangi Michael sarato mangaku bahwa inyo tau "sadonyo tantang rahasia keteknyo", nan sabatuanyo homoseksualitas nan dimiliki Michael. Sambil berkata begitu, Jürgen maraba bagian vital Michael dan Michael pun diluar kendali. Saat di luar kendali itulah, Jürgen malempa Michael ka pintu loker hinggo bagian alis Michael terluka. [2] Katiko ditanyo Komandan takaik luko tasabuik, Michael babohong ka komandannyo (nan diperankan dek Harald Bodingbauer) dan mangatakan kalau inyo tajatuah di kamar mandi. Michael kalua dari ruangan untuak mangisi peluru di senjatanyo, dan mandanga Jürgen beserta duo teman pletonnyo manggunjingan Michael karano homoseksualitas.

Di hutan, Michael dan Rapahel duduak basamo. Raphael mancaritoan tentang kekasihnyo, namun indak yakin hal tasabuk berorientasi seksual. Raphael juga maminta maaf ka Michael atas sado kasalahan nan alah dilakukannyo. Mereka kamudian marokok ganja untuak saling menghibur diri. Namun, Michael mulai mancubo untuak mancium Raphael, namun langsung didorong oleh Raphael dan mengatakan bahwa dirinya tidak gay. Michael terkejut dan manjauh dari Raphael, dan Michael jatuh ke tanah serta manangih karano perbuatan tasabuik. Akhirnyo, Raphael mamaluak Michael dan malam itu adolah malam tarakhia mereka basamo. [3]

Latar belakang dan produksi[suntiang | suntiang sumber]

Gregor Schmidinger sabalum marilih film Homophobia, inyo marilis film pendek nan batema gay, yaitu The Boy Next Door pado tahun 2008. Salah satu inspirasi inyo mambuek Homophobia karano bunuh diri Jamey Rodemeyer pado tahun 2011, nan dibaritakan dikaitkan jo initimidasi karano homoseksualitasnyo. Sabalumnyo, Jamey merekam video untuak kampanye "It Gets Better" pado bulan Mei, namun inyo mangakhiri iduiknyo babarapo bulan satalah perekaman video tasabuik. [6] Walaupun banyak nan baanggapan kalau judul film iko biaso, tapi Schmidinger barusaho mambela karano "manyadiakan caro untuak manjangkau penonton nan labiah lueh jo ciek kalimat : optimasi mesin pencari memenuhi seni". [5]

Produksi film iko dilakukan di hutan bagian lua jo bagian dalam bakeh pabrik tembakau di Linz, Austria manggunokan kamera Canon EOS C300. Takaik uang produksi, uang tasabuik dikumpulan tautamo malalui crowdfunding di Indiegogo, sarato dijanjian dalam 69 hari sajo. Urang-urang nan manyumbang untuak proses film ko diundang untuak manjadi bagian dari proyek sarato mangunjungi forum Facebook, dan urang tasabuik bisa mancaliak baa proses pembuatan film jo maagiah saran untuak labiah ancaknyo.[5] Proyek ko didukung juo jo organisasi Queeren Kleinprojektetopf di Wina. [6] Panggunon kamera Canon EOS C300 tasabuik diparuntuikan karano kamampuannyo untuak marekam adegan cahaya randah sarato katajaman kameranyo. Salain itu, untuak lokasi nan cahaya randah, dibutuhan generator listrik untuak mambantu proses produksi. [7]

Pada awalnyo, Schmidinger ingin membuat akhir film nan bahagia, namun langsuang diralatnyo karano manuruik inyo akhir film nan bahagia indak sasuai dalam kahidupan nyato.[8] Adegan tarakhia nan direncanakan adolah manampilan pertemuan antaro Michael jo Raphael sabagai kawan di stasiun kereta satalah dinas militer mereka.[9] Namun, inyo tetap baharap kalau maksud positif di akhir film tasabuik tasampaian. Untuak manyampaian makasuik film ka dunia nyata, film iko di rilis sacaro offline jo online di festival film. Salain itu, film iko ditayangkan pulo di sakolah-sakolah untuak mambahas lebih lanjuik takaik homophobia sarato penerimaan diri malalui film tasabuik. [8]

Homophobia adalah kisah nan ingin awak caritoan salamo babarapo tahu. Awak ingin berkontribusi pado tema "Gay Bullying" saat iko. Awak tau bahwa sekarang ini adolah wakatu nan tapek untuak maluncuran proyek. Bukan hanyo karano materi pelajaran nan relevan, tapi karano awal sakarang alah mancapai kedewasaan emosional jo artistik nan diperlukan untuak malaksanakan proyek iko.

Kontroversi[suntiang | suntiang sumber]

Februari 2017, pado adegan kamar mandi kemungkinan manampilan saurang laki-laki nan barusia 25 tahun, dikenal jo Harald Z. Namun, di bawah namo alias tasabuik adolah Harald Hitler, marupoan urang nan mamuliakan Adolf Hitler. Meskipun halaman nan manampilan hal tasabuik alah dihapuih, tapi masih ado babarapo foto di Facebook. Salah ciek foto tasabuik diposting dek Gleinchlaut tahun 2012, dalam sabuah majalah gay. Takaik hal iko, Gregor Schmidinger penulis sakaligus sutrada mangaku satalah pemutaran perdana film tasabuik, inyo indak malakukan kontak apopun dengan Harald. [10]

Daftar Pamain[suntiang | suntiang sumber]

Aktor Film Homophobia [1]
Namo Peran
Michael Glantschnig Michael
Josef Mohamed Raphael
Günther Sturmlechner Jürgen
Harald Bodingbauer Komandan
Matthias Buchegger
Marc Dejenyitchi
Marco Lehner
Harald Zenz
Lukas Neumüller
Velizar Lytvynets

Rujuakan[suntiang | suntiang sumber]

  1. a b "Homophobia". imdb.com. imdb. 
  2. a b "Homophobia". YouTube (dalam bahasa Inggris). Diakses tanggal 2020-03-01. 
  3. a b Schmidinger, Gregor. "HOMOPHOBIA (Gay Themed Short Film)". youtube. Diakses tanggal 4 Maret 2020. 
  4. "Homophobia by Gregor Schmidinger | Short Film". Short of the Week. Diakses tanggal 2020-03-04. 
  5. a b c "VANGARDIST Issue 24". Issuu (dalam bahasa Inggris). Diakses tanggal 2020-03-06. 
  6. a b Mader, Herwig Hakan (2012-05-10). "[Video] 'Project Homophobia': Kurzfilm feiert Weltpremiere". GGG.at (dalam bahasa Jerman). Diakses tanggal 2020-03-06. 
  7. Schmidinger, Gregor (29 Februari 2012). "HOMOPHOBIA-Making of Part 2". youtube.com. youtube. Diakses tanggal 6 Maret 2020. 
  8. a b martin.stepanek. "Homophobia: Netz-Erfolg für Film aus Österreich". futurezone.at (dalam bahasa Jerman). Diakses tanggal 2020-03-06. 
  9. Schmidinger, Gregor (27 februari 2012). "HOMOPHOBIA Making of Part 1". youtube.com. youtube. Diakses tanggal 6 Maret 2020. 
  10. Bogner, Verena (2017-02-14). "Alles, was wir über "Harald Hitler" wissen". Vice (dalam bahasa Jerman). Diakses tanggal 2020-03-06.