Herman Darmo
Herman Darmo lahia di Padang,Sumatera Barat, 11 Juni 1954. Inyo adolah pamimpin proyek (pimpro) Kompas Gramedia (KKG). Inyo mulai suko jo dunia jurnalistik sajak kuliah S1 di Fakultas Ilmu Sosial dan Politik (FISIP) Universitas Indonesia, Jakarta pado 1977. Sasudah lulus kuliah, Pado tahun 1981 Herman Darmo sampat bakarajo sabagai peneliti di Direktorat Analisis Sistem, Badan Pengkajian dan Penerapan Teknolo(gi BPPT). Tigo tahun kamudian inyo hijrah ka surek kaba Kompas, indak lamo di posisi itu, inyo baliak ka jurnalistik. Pado tahun 1987 inyo baralih profesi dari Kapalo Dokumentasi Perpustakaan manjadi Reporter Harian Kompas.[1]
Pado tahun 1987 kompas mulai mangambangkan sayok ka daerah-daerah di Indonesia. Inyo tarpilih dalam tim persiapan penerbitan koran-koran di daerah tu. Pado wakatu itu inyo ditunjuk sabagai Wakil Pamimpin Proyeksi sekaligus Pamimpin Proyeksi Penerbitan Koran Sriwijaya di Palembang, Sumatera Selatan. Satahun kamudian, inyo di picayo sabagai Pamimpin Proyeksi Panerbitan Serambi Indonesia di Banda Aceh. Pado tahun 1989, inyo balanjuik ka Surabaya, Jawa Timur untuak malahirkan Harian Surya.[1]
Selanjutnyo pado tahun 2000 an, inyo dan tim malahirkan koran Metro Bandung di Kota Bandung, Jawa Barat yang kamudian baralih nama manjadi Tribun Jabar pada tahun 2005. Sajak tahun 1999, inyo diagih amanah sabagai Direktur Kalompok Koran Daerah ato dikana sabagai persda (Pers Daerah) Kompas Gramedia. Bukan hanyo platform cetak, inyo jugo mangambangkan platform digital malalui portal payuang barnamo Tribunnews.com yang maluncu pado tahun 2010.Tribunnews.com manjadi news portal nomor satu di Indonesia versi Alex.com. Pado tahun 2016, inyo mamutuihan untuk mamusatkan sadolahan kagiatan digital di Kota Solo, Jawa Tengah. Di kota itu lahia portal baru antaro lain TribunSolo.com, TribunStyle.com, Tribun Wow.com, TribunVideo.com, dan TribunJualbeli.com. Inyo marangkai saluruh wilayah Indonesia dengan brand Tribun yang di kana lueh hinggo saat kini. [1]