Lompat ke isi

Harimau Jawa

Tambah pautan
Wikipedia Minangkabau - Lubuak aka tapian ilimu
Harimau Jawa
Periode Late Pleistocene–Holocene
↓

Harimau Jawa yang difoto oleh Andries Hoogerwerf di Taman Nasional Ujung Kulon, 1938
Status konservasi
Punah (id) Terjemahkan
UICN41681[1]

Harimau Jawa (Panthera tigris sondaica) adolah subspesies harimau nan iduik tabateh (endemik) di Pulau Jawa.[2] Harimau iko alah dinyatokan punah pado sekitar 1980-an, akibat dari paburuan jo pangambangan lahan patanian nan mangurangi habitat binatang iko sacaro drastis.[3]

Pangenalan

[suntiang | suntiang sumber]

Dibandiangkan jo spesies hariamau di Banua Asia, harimau jawa tagolong nan babadan ketek. Tapi harimau iko punyo ukuran badan nan labiah gadang dari harimau bali jo labiah kurang samo gadang jo harimau sumatra. Harimau jawa punyo barek badan 100-140 kg, samantaro harimau nan batino punyo barek labiah ringan, antaro 75-115 kg.[4] Panjang kapalo sampai ka badan harimau jantan sakitar 200-245 cm; harimau batino agak pendek.[5]

Habitat jo saberan

[suntiang | suntiang sumber]

Harimau jawa dicatat mauni hutan dataran rendah, hutan belukar, jo mungkin juo bakaliaran sampai ka taman-taman wanatani di sakitar padesaan, karano pado maso nan dulu binatang iko dianggap sabagai hama sahinggo banyak diburu atau diracun dek manusia.[5][6][7] Daerah pajalanannyo indak malabihi tinggi 1.200 mdpl.[8] Harimau iko biasonyo mamangsa babi hutan, ruso jawa, banteng, jo kadang-kadang juo reptil sarato buruang aia.[9] Harimau jawa dikatahui hanyo ditamui di Pulau Jawa.[10]

Kapunahan

[suntiang | suntiang sumber]

Pado awal abaik ka-19, harimau iko masih banyak bakaliaran di Pulau Jawa. Pado taun 1940-an, harimau jawa hanyo dapek ditamui di hutan padalaman. Ado upayo untuak manyalamaikkan harimau iko jo mambukak babarapo taman nasional. Namun, taman ko ketek sangaik jo mangsa harimau nan hanyo sakatek. Pado taun 1950-an, pado maso jumlah harimau jawa hanyo ado 25 ekor, sakitar 13 ekor ado di Taman Nasional Ujuang Kulon. Pado sapuluah taun kamudian jumlah iko indak batah lai. Pado taun 1972, hanyo sakitar 7 macan nan tingga di Taman Nasional Meru Betiri.

Mungkinnyo kapunahan iko tajadi sakitar taun 1950-an, pado wakatu sakitar 25 ekor harimai ko sajo nan ado. Tarakhir kali ado sinyalemen dari harimau jawa adolah pado taun 1972. Pado taun 1979, ado tando-tando baso ado tigo ikua harimau nan iduik di Pulau Jawa. Kamungkinan keteknyo binatang iko alun punah. Pado taun 1990-an ado babarapo laporan tantang kabaradoan binatang iko, walaupun hal iko indak dapek dibuktikan.[11][12]

Namun banyak laporan panampilan harimau jawa di hutan Jateng jo Jatim.

Pado akhia taun 1998 alah digadang Seminar Nasional Harimau Jawa di UC UGM nan berhasil manyatujui untuak malakuan "paninjauan ulang" pado klaim hilangnyo satwa ko. Hal iko karano bukti-bukri tamuan tabaru barupo jajak, guratan di batang, jo rambut, nan ditandokan sabagai milik harimau jawa. Sacaro mikroskopis, struktur morfologi rambut harimau jawa dapek dibedakan jo macan tutul. Dek karano itu sampai kini masih dilakuan usaho untuak mambuktikan eksistensi satwa nan punyo status punah ko.

Salain harimau jawa, ado duo spesies harimau nan maningga pado abaik ka-20, iyolah harimau bali jo harimau kaspia.

Catatan taksonomis jo etimologis

[suntiang | suntiang sumber]

Sacaro tradisional, harimau jawa ditampekan sabagai ciek dari sambilan anak jenis Phantera tigris, iolah P.t. sondaica. Tapi, kajian baru-baru iko untuak babarapo ciri tengkorak harimau jawa, dibandiangkan jo babarapo sanak karabat dakeknyo, manyimpulkan baso inyo adolah spesies nan tapisah; jo namo ilmiah Panthera sondaica. Salain itu, kajian juo manyatokan baso harimau sumatra juo marupokan spesies nan panuah, P. sumatrae; samantaro harimau bali adolah anak dari spesies harimai jawa jo namo trinomial P. sondaica balica.[13]

Nan menarik, walaupun dalam binomial nomenklatur panamoan harimau iko ditandarai xsabagai P.T. sondaica nan aratinyo Macan sunda, namun dalam istilah sadonyo labiah dikenal sabagai macan jawa tarutamo dalam surat kabar jo pemberitaan di media, walaupun pado mulonyo memang pernah digunokan istilah Macan sunda untuak marujuak kapado spesies macan iko, alun diketahui alasan perubahan istilah iko dapek tajadi.[14]

Epitet spesifik sondaica marujuak ka pulau-pulau Sunda Besar, iyolah Sumatera, Jawa, jo Bali nan dima harimau ditamui. Kutiko namo iko ditamukan (1844), alun juo dikatahui baso taksa dari Sumatra jo Bali babeda jo nan dari Jawa.[15]

Pado taun 2017, Satuan Tugas Klasifikasi Kucing dari Cat Specialist Group marevisi taksonomi kuciang sahinggo populasi harimau nan iduik jo punah di Indonesia (macan sumatra, jawa, jo bali) diklasifikasikan sabagai P. t. sondaica.[16]

Panalitian nan tarakhir

[suntiang | suntiang sumber]

Sensus paliang taakhir tantang eksistensi harimau jawa dilakukan salamo 1 tahun, iyolah dari taun 1999-2000. Survei nan salamo 12 bulan iko tajadi di Taman Nasional Meru Betiri, Jawa Timur, ateh pamintaan langsuang dari kepalo taman nasional, Indra Arinal, jo didukung dek Direktur Konservasi Flora jo Fauna, Ir. Koes Saparjadi, dek ado laporan dari babarapo staf taman nasional sarato jo warga setempat nan menduga bahwa harimau jawa masih ado.

Sabanyak 12 staf taman nasional dilatih jo 20 unit kamera, salain itu inyo juo mandapek bantuan dari "The Tiger Foundation" dari 15 unit kamera inframerah untuak mempermudah usaho sensus. Hasil sensus manyabuik baso indak ado harimau jawa, hanyo saketek mangsa, banyak pamburu liar.[17]

Dugaan panampakan

[suntiang | suntiang sumber]

Sasakali, laporan indak rasmi dari harimau jawa masih muncua dari penggemar nan picayo harimau masih ado di Jawa.[18]

Pado bulan November 2008, mayat saurang padusi nan indak dikenal dari pandaki gunuang nan ditamukan di Taman Nasional Gunung Merbabu, Jawa Tengah, nan dikira mati dek serangan harimau. Panduduak kampuang nan manamukan mayatnyo juo manyatokan babarapo panampakan harimau di sekitarnyo.[19]

Dugaan panampakan lain tajadi di Kabupaten Magetan, Jawa Timur, pado Januari 2009. Babarapo panduduak mangaku alah maliek harimau batino jo duo anaknyo sadang bajalan di parak kampuang nan dakek Gunuah Lawu. Kabar iko mamuncuakan kapanukan di tangah masyarakaik. Pamarentah satampek manamuan babarapa jajak baru di lokasi. Namun, pado wakatu itu, binatang-binatang nan dimaksud alah hilang.[20]

Sasudah letusan Gunung Merapi pado Oktober 2010, duo urang Indonesia mangklaim panampakan bakeh cakar kucing gadang di dalam abu sisa, nan manimbulkan rumor baso harimau atau macan tutul bajalan di ladang nan ditinggakan untuak mancari makanan. Anggota dari taman nasional dakek indak bapikia baso itu bekas cetakan kaki dari macan.[21]

Pado akhir November-Desember 2020, babarapo panduduak magaku maliek panampakan satwa liar nan diduga harimau jo kulik loreng sakir duo ekor di sakitar bukik Gunuang Wilis, Kecamatan Sendang, Kabupaten Tulungagung, Jawa Timur.[22] Manuruik informasi nan tarimo Balai Konservasi Sumber Daya Alam (BKSDA), ado kiro-kiro limo urang warga nan mancaliak panampakan iko. Salain itu, panduduak juo manamukan jajak kaki sarato usus binatang nan diduga hasil dari buruang harimau.[23] Untuak manjawek laporan dari panduduak, BKSDA mamasang kamera panjagoan di babarapo tampek pado Januari 2021 untuak mamastikan eksistensi harimau jawa.[24]

Galeri

[suntiang | suntiang sumber]

Liek juo

[suntiang | suntiang sumber]

Rujuakan

[suntiang | suntiang sumber]
  1. ↑ Goodrich, J.; Lynam, A.; Miquelle, D.; Wibisono, H.; Kawanishi, K.; Pattanavibool, A.; Htun, S.; Tempa, T.; Karki, J.; Jhala, Y.; Karanth, U. (2015). "Panthera tigris": e.T15955A50659951. 
  2. ↑ "Panthera Tigris Sondaica: Javan Tiger". ThoughtCo (dalam bahasa Inggris). Diakses tanggal 2024-10-13. 
  3. ↑ Seidensticker, J. (1986). "Large Carnivores and the Consequences of Habitat Insularization: ecology and conservation of Tigers in Indonesia and Bangladesh". di dalam Miller. Cats of the world: biology, conservation and management. Washington DC: National Wildlife Federation. pp. 1−41. https://repository.si.edu/bitstream/handle/10088/8206/71440cc3-e3f8-487f-981f-2c9a3309783e.pdf. Diakses pado 13 Oktober 2024. 
  4. ↑ Tiger Home: The Javan Tiger - Panthera tigrkarfica
  5. ↑ a b Tiger Tribe: Javan Tiger
  6. ↑ The Sixth Extinction: Panthera tigris sondaica
  7. ↑ Tilson, Ronald Lewis; Seal, Ulysses S. (1987-01-01) (dalam bahaso en). Tigers of the World: The Biology, Biopolitics, Management, and Conservation of an Endangered Species. Noyes Publications. ISBN 978-0-8155-1133-5. https://books.google.com/books?id=YdC-wfyZwZEC&lpg=PA1&ots=YHBRTiebpA&lr=&pg=PA1&hl=min. 
  8. ↑ Temminck, C. J. (1844). "Aperçu général et spécifique sur les mammifères qui habitent le Japon et les iles qui en dépendent". di dalam von Siebold, F.. Fauna Japonica sive Descriptio animalium, quae in itinere per Japoniam, jussu et auspiciis superiorum, qui summum in India Batava imperium tenent, suscepto, annis 1825 - 1830 collegit, notis, observationibus et adumbrationibus illustravit Ph. Fr. de Siebold. Mammalia. Lugduni Batavorum: Arnz et Socius. pp. 1–59. https://archive.org/stream/faunajaponicasi00sieb#page/n9/mode/2up. 
  9. ↑ Tiger Tribe: Javan Tiger
  10. ↑ Mazák, J. H.; Groves, C. P. (2006). "A taxonomic revision of the tigers (Panthera tigris)" (PDF). Mammalian Biology. 71 (5): 268–287. doi:10.1016/j.mambio.2006.02.007. Diarsipkan dari versi asli (PDF) tanggal 2023-05-31. Diakses tanggal 13 Oktober 2024. 
  11. ↑ "Bambang M. 2002. In search of 'extinct' Javan tiger. The Jakarta Post (October 30)". Diarsipkan dari versi asli tanggal 2007-09-29. Diakses tanggal 13 Oktober 2024. 
  12. ↑ "Harimau jawa belum punah! (Indonesian Javan Tiger website)". Diarsipkan dari versi asli tanggal 2006-12-28. Diakses tanggal 13 Oktober 2024. 
  13. ↑ Mazák, J. H.; Groves, C. P. (2006). "A taxonomic revision of the tigers (Panthera tigris)" (PDF). Mammalian Biology. 71 (5): 268–287. doi:10.1016/j.mambio.2006.02.007. Diarsipkan dari versi asli (PDF) tanggal 2023-05-31. Diakses tanggal 22 Oktober 2024. 
  14. ↑ Rosidi, Ajip (2011). BADAK SUNDA DAN HARIMAU SUNDA Kegagalan Pelajaran Bahasa. Jakarta: PT Dunia Pustaka Jaya. pp. 21. ISBN 978-979-419-377-8. https://books.google.co.id/books?id=27-lDwAAQBAJ&pg=PA7&hl=id&source=gbs_selected_pages&cad=2#v=onepage&q&f=false. Diakses pado 22 Oktober 2024. 
  15. ↑ "Harimau Jawa Panthera Tigris Sondaica". PEDULI KARNIVOR JAWA (dalam bahasa Indonesia). 2024-02-20. Diarsipkan dari versi asli tanggal 2024-03-21. Diakses tanggal 22 Oktober 2024. 
  16. ↑ Kitchener, A.C.; Breitenmoser-Würsten, C.; Eizirik, E.; Gentry, A.; Werdelin, L.; Wilting, A. & Yamaguchi, N. (2017). "A revised taxonomy of the Felidae: The final report of the Cat Classification Task Force of the IUCN Cat Specialist Group" (PDF). Cat News. Special Issue 11.
  17. ↑ "Javan Tigers". Diarsipkan dari versi asli tanggal 2022-03-26. Diakses tanggal 22 Oktober 2024. 
  18. ↑ "In search of 'extinct' Javan tiger | The Jakarta Post". web.archive.org. 2011-06-07. Diakses tanggal 2024-10-22. 
  19. ↑ "DetikNews Nov 17, 2008: Pendaki Wanita Tewas di Gunung Merbabu, Diduga Diterkam Harimau". Diarsipkan dari versi asli tanggal 2009-02-01. Diakses tanggal 22 Oktober 2024. 
  20. ↑ "JawaPos 24 Januari 2009: Harimau Teror Warga Ringin Agung". Diarsipkan dari versi asli tanggal 2009-02-18. Diakses tanggal 22 Oktober 2024. 
  21. ↑ "Tiger rumours swirl below Indon volcano". web.archive.org. 2014-10-15. Diakses tanggal 2024-10-22. 
  22. ↑ "Jejak Harimau Jawa di Gunung Wilis Tulungagung Bikin Warga Resah - Surabaya Liputan6.com". web.archive.org. 2022-03-26. Diakses tanggal 2024-10-22. 
  23. ↑ "Harimau Jawa Dilaporkan Terlihat di Hutan Tulungagung". web.archive.org. 2022-05-03. Diakses tanggal 2024-10-22. 
  24. ↑ "BKSDA Tambah 4 Kamera Pengintai Harimau Jawa di Tulungagung - FaktualNews.co". web.archive.org. 2022-03-26. Diakses tanggal 2024-10-22. 
Diambiak dari "https://min.wikipedia.org/w/index.php?title=Harimau_Jawa&oldid=3156979"