Handry Satriago
 | |
| Biografi | |
|---|---|
| Lahia | 13 Juni 1969  Koto Pekanbaru |
| Kamatian | 16 September 2023 (54 tahun (id)  ) |
| Kalompok etnis | Urang Minangkabau |
| Almamater | Universitas Indonesia Institut Pertanian Bogor |
| Kagiatan | |
| Karajo | Pebisnis (id) |
Dr. Handry Satriago (lahia di Pekanbaru, Riau, 13 Juni 1969 – maningga 16 September 2023 pado umua 54 taun - ) adolah surang usahawan kelas nasional Indonesia. Sasudah manjanjang karir di banyak perusahaan lokal, inyo bagabuang jo General Electric Indonesia hinggo manjadi Direktur Utamo parusahaan itusampai maningga pado taun 2023.[1]
Hiduik nan awal
[suntiang | suntiang sumber]Handry lahia di Pekanbaru dari pasangan parantau Minangkabau. Pado umua 17 taun inyo tatimpa penyakit kanker kelenjar getah bening, dan pado suatu hari, katiko salat Asar jo bundonyo, inyo tasungkua, dan hari itulah kasudahan inyo badiri[2] sahinggo bakursi rodalah inyo hinggo panutuik hiduiknyo.[3] Namun, hal itu indak mangalanginyo manjanjang hiduik nan labiah tinggi. Inyo basikolah di SMA Labschool Jakarta hinggo sarjana teknologi industri pertanian di Institut Pertanian Bogor pado taun 1993.
Handry malanjuikan pulo ka Sekolah Tinggi Manajemen IPMI sakaligus Universitas Monash pado taun 1997 sahinggo mandapek duo gala akademik. Pandidikan doktoral dilanjuikannyo dalam bidang manajemen strategis dari Universitas Indonesia pado taun 2010. Namo disertasi doktoranyo adolah "The Influence of Followers to Leader's Performance: A Reverse Pygmalion Effect". Dalam disertasi tasabuik, Handry manunjuakkan pangaruah dari ekspektasi urang bawah (pekerja) jo kinerja urang atehnyo (pemimpin), kabaliakam dari efek pigmalion (dari ateh ka bawah). Salain itu, Handry maambiak pulo pendidikan eksekutif di Sekolah Bisnis Universitas Harvard.[2]
Karir
[suntiang | suntiang sumber]Karirnyo dimulai katiko lulus IPB, awalnyo malamar sabagai tukang ketik.[4] Sasudah bara taun bakarajo di banyak perusahaan lokal sabagai Direktur Pembangunan Bisnis, Handry masuak ka GE pado taun 1997 sabagai Manager Pembangunan Usaha di GE International. Pado taun 1998, Handry pindah ka GE Lighting Indonesia jo manjabat sabagai General Manager Industrial Lighting and Systems.[5]
Tangah taun 2001, Handry bakasampatan untuak maambiak jabatan Regional Black Belt di GE Power Systems Asia Pacific sarato sabagai Quality ACFC Leader untuak GE Power SystemsAsia pado taun 2004. Dari taun 2005 sampai 2010, inyo mangarah bisnis Power Generation untuak GE Energy di Indonesia, Vietnam, Kamboja, jo Filipina. Salain itu, pado Juli 2011, Handry dipromosikan sabagai CEO GE Indonesia.[5]
Salain 15 tahun bakarajo di GE Indonesia, Handry alah manjabaik dalam babarapo tanggung jawab sarupo di GE International (Business Development Manager di Indonesia jo Singapura). GE Lighting (General Manager Industrial lighting untuak Indonesia jo Brunei), GE Power Systems (Regional Black Belt Quality Leader Asia), GE Energy (Sales Director untuak wilayah Indonesia, Filipina, Vietnam, jo Kamboja) sabalun akhirnya dipromosikan untuak karajoannyo nan kini.
Pikiran
[suntiang | suntiang sumber]Handry punyo perhatian tinggi dalam bidang pandidikan jo kasukorilaan. Maso senggangnyo diisi jo mangaja, baik di institusi pendidikan, atau di tampek lain. Cito-citonyo iolah bakontribusi mabantuak pendidikan masyarakat Indonesia untuak dapek basaing di dunia global. Di akhir pakan, Handry babagi pangalaman jo para mahasiswa dari berbagai institusi kuliah jo komunitas mudo di Indonesia, sarupo nan dibueknyo di Universitas Brawijaya.[6] Handry picayo, “the job of a leader is to create another leader”. Inyo manulih pulo pabagai pangalaman iduik suksesnyo dalam #sharing 2.
Dalam hal kepemimpinan, Handry manyabuik ado tigo pakaro nan paralu diparatian, nan patamo iolah pamimpin (leader) itu sandiri, nan keduo adalah pangikuiknyo (followers) dan nan katigo adolah lingkongannyo (situation). Dari tigo konteks nan babedo ko mangko dasar caro mamimpinpun barubah pulo. "Panyakik" nan datang dalam konteks iko iolah "penyakit narsistik", mangkasuiknyo iolah pamimpin nan bahasia dalam organisasinyo lalu inyo "tularkan panyakiknyo" ka organisasi yang lainnya. Pamimpin bantuak ko, manuruik Handry, banyak kurang bahasia dek indak mampu mambuek panyasuaian jo situation maupun followers.[7] Dalam kato lain, konsep 'anak buah' di dunia kerja modern nan harus manuruik ka leader dapek mahambek kreativitas follower itu sandiri, sadang leader itu indak buliah pulo out the date di zaman teknologi informasi ko.[8]
Kehidupan pribadi
[suntiang | suntiang sumber]Handry manikah pado bulan Mei 2001 jo rekan karajonyo, Dinar Putri Sriardani Sambodja.
Handry marupokan anggota dewan gubernur American Chamber of Commerce Indonesia jo anggota komite urusan Indonesia di US-ASEAN Business Council.[3][7] Inyo juo manjadi anggota dewan penasihat program Magister Manajemen Fakultas Ekonomi jo Bisnis Universitas Indonesia.[9]
Maningga
[suntiang | suntiang sumber]Handry bajuang malawan kanker kelenjar getah bening saumua hiduiknyo hinggo akhianyo maningga pado tanggal 16 September 2023 pukua 07.50 WIB sasudah 13 kali kemoterapi. Jasadnyo disemayamkan di rumahnyo lalu dimakamkan di TPU Menteng Pulo pado pukua 15.30.[10]
Panunjuak
[suntiang | suntiang sumber]- ↑ "CEO General Electric Indonesia, Handry Satriago, Meninggal Dunia". Kumparan. 16 September 2023. Diakses tanggal 13 Januari 2024.
- ↑ a b "Belajar Tangguh dari Handry Satriago" https://blog.tempo.co/read/1123100/belajar-tangguh-dari-handry-satriago, diakses tanggal 13 Januari 2024
- ↑ a b Wiradji, Sudibyo M. (31 Agustus 2015). "Handry Satriago: Creating leaders to pave way for growth". The Jakarta Post. Diakses tanggal 13 Januari 2024.
- ↑ Yuliawati (2023-09-16). "Profil Handry Satriago, CEO GE Termuda yang Berbisnis Out of The Box Halaman 2 - Profil Katadata.co.id". katadata.co.id (dalam bahasa Indonesia). Diakses tanggal 2024-01-19.
- ↑ a b "Handry Satriago CEO GE Indonesia Profiler", https://id.scribd.com/document/114699701/Handry-Satriago-CEO-GE-Indonesia-profiler diakses tanggal 13 Januari 2024
- ↑ "Sesi Kepemimpinan CEO General Electric Indonesia “Inspiring Talks: Leadership in Action”", https://feb.ub.ac.id/sesi-kepemimpinan-ceo-general-electric-indonesia-%E2%80%9Cinspiring-talks-leadership-action%E2%80%9D/ Archived 2024-01-13 di Wayback Machine., diakses tanggal 13 Januari 2024
- ↑ a b "One Hour University, Hadirkan Dr. Handry Satriago Presiden GE Indonesia". esdm.go.id. 29 September 2015. Diakses tanggal 13 Januari 2024.
- ↑ "Handry Sartiago, Antara Kepemimpinan dan Konsep Usang Anak Buah" https://www.ge.com/news/reports/handry-satriago-antara-kepemimpinan-dan-konsep-usang-anak-buah, diakses tanggal 18 Januari 2024
- ↑ "Advisory Board". mm.feb.ui.ac.id. Diakses tanggal 13 Januari 2024.
- ↑ "CEO General Electric Indonesia Handry Satriago Meninggal Dunia", https://www.cnnindonesia.com/ekonomi/20230916142829-92-999849/ceo-general-electric-indonesia-handry-satriago-meninggal-dunia, diakses tanggal 13 Januari 2024