Abdul Latif Syakur

Wikipedia Minangkabau - Lubuak aka tapian ilimu
(Dialiahkan dari H. Abdul Latif Syakur)
Loncat ke navigasi Loncat ke pencarian

H. Abdul latif Syakur adolah saurang ulama nan barasa dari desa Air Mancur. Beliau dilahirkan pado tanggal 27 Ramadhan 1299 H atau pado tanggal 15 Agustus 1882 M, dari pasangan nan bakarajo sabagai pengusaha. ayahnya banamo Muhammad Amin Paduko Intan Haji Abdul Syakur dan Ibu nan banamo Fatimah. Pado taun 1890 beliau barangkek ka Makkah basamo ayahnya dan menetap di sano salamo 12 tahun. di sana, beliau baraja agamo kapado Syekh Ahmad Khatib AL-Minangkabawiy (Ulama, mufti, dan imam Masjidil Haram) dan pulang ka Indonesia pado taun 1902 M (Rabiul Awal 1319 H) dan menetap di Sawah Gadang desa Balai Gurah lalu menikah jo saurang gadis dari suku Sikumbang nan banamo Rafah dan mamiliki 2 anak, Lidin dan Kalamuddin. Dalam pengajarannya akhlak sabagai point penting, dek pado masanya masyarakaik Minangkabau nan hiduik di sekitarnyo mamiliki kebiasaan nan buruk seperti, meminum-minuman keras, menghisap ganja, mengadu ayam, dan lain sebagainya.[1]

Kehidupan awal[suntiang | suntiang sumber]

Abdul Latif Syakur lahia di desa banamo Aia Mancua pado tanggal 27 Ramadhan 1299 H atau 15 Agustus 1882 M. Waktu ketek, katiko Abdul Latif barumua 7 tahun, ibunyo alah maningga sawaktu malayian aanak kamba. Ibu Abdul Latif barasal dari nagari Simabur, Sawah Gadang (Desa Balai Gurah) samo asalnyo jo ayah Abdul Latif nan basuku Pili. Urang tuo Abdul Latif bakarajo sabagai pangusaha pamborong nan pernah mamborong pas mambuek jembatan gantung rel kareta api Padang-Bukittinggi. Disampiang itu, Abdul Latif indak malu lo untuak karajo manyabik rumpuik nan dijua ka padati nan acok lewat transportasi wakatu itu.

Abdul Latif dibaok ka Makkah dek ayahnyo satalah ibu Abdul Latif wafat, untuak dikhitan dan baraja ka Syeikh Ahmad Khatib Al-Minangkabawi. Katiko pulang dari Makkah, Abdul Latif manikah jo gadih Sikumbang banamo Rafah kamudian punyo anak banamo Lidin jo Kamaluddin nan tingga di Sawah Gadang desa Balai Gurah.

Dakwah[suntiang | suntiang sumber]

Katiko tingga di kampuangnyo, Abdul Latif maraso sadiah mancaliak panduduak kampuangnyo nan suko bamegah-megahan, adu ayam bahkan minum minuman kareh. Walau ado juo nan ta'at iyolah urang dari kalangan bawah nan hiduik sulik. Akhirnyo Abdul Latif mamikian caro untuak marubah keadaan kampuangnyo. Mulo-mulo Abdul Latif mandakek ka masyarakaik kampuangnyo sambia baraja bahaso Minang walau tasandek-sandek daripado bahaso Arabnyo nan lanca. Kiat Abdul Latif untuak mangambangan Islam di kampuangnyo sangaik payah sampai sobok jo kawannyo nan baru pulang dari Makkah, banamo Syeikh Muhammad Jamil Jambek nan dapek saliang manguekan. Kaduo tokoh ko mansosialisasian islam ka masyarakaik kampuangnyo. Lamo-lamo upayo Abdul Latif jo kawannyo mambuek masyarakaik kampuang mulai barubah parangainyo nan ka elok, kamudian mambuek surau di Sicamin nan banamo Al-Tarbiyat Al-Hasanah pado taun 1910 M (1328 H) nan maaja pangajian tantang tulih baco Al-Qur'an sambia badakwah ka masajik-masajik.

Dalam mampalueh jaringan, pengajian Islam Haji Abdul Latif Syakur ikuik maaja di Modern Islamic Collage, Diniyah Pasir IV Angkek jo Kuliyatu 1-Islamiyatu 1-'Asriyah. Abdul Latif wafat hari Sabtu malam tanggal 13 Juni 1963 di RSUP M.Jamil, Padang. Walaupun alah tiado, pengajian H.Abdul Latif Syakur banyak nan dapek diambiak suri teladan dan ilmu dari beliau. Di tangah maraknya masyarakaik nan melalaian ajaran Rasulullah SAW. namun beliau tatap gigih sampai manghasilkan karya dan tampek-tampek pengajian nan sangaik bapengaruh pado masyarakaik pado maso itu.[2]

Karya[suntiang | suntiang sumber]

Abdul Latif aktif manulis buku, karya beliau diantaronyo: (1) Mabdi' Al-Qari, (2) Akhlaqunal-Adabiyah, (3) Al-Akhlaq wal-Adab, (4) Al-Da'wah wal-Irsyad, (5) Al-Tarbiyah wal-Ta'lim, (6) Ta'lim Al-Qira'at Al-Arabiyah, (7) Al-Mabadi' Al-'Arabaiyah wa Lughatuha dan (8) Al-Fiqh Al-Akbar.

Referensi[suntiang | suntiang sumber]

  1. Tim Islamic Centre Sumatera Barat (2001). Riwayat Hidup Ulama Sumatera Barat dan Perjuangannya. Sumatera Barat: Islamic Centre (Pusat Kajian Islam). pp. 224. ISBN 979-9252-85-7. 
  2. Riwayat Hidup ULAMA SUMATERA BARAT dan Perjuangannya. Padang: Angkasa Raya. 1 Nopember 2001. pp. 121. ISBN 9799252857.