Gurun Thar

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Gurun Thar
Gurun
Gurun Thar di Rajasthan, India
Nagara India, Pakistan
Provinsi India:
Rajasthan
Haryana
Punjab
Gujarat

Pakistan:
Sindh
Punjab
Biome Gurun
Plant kaktus

Gurun Thar, disabuik juo sabagai Gurun Gadang India, adolah sabuah gurun nan barado di bagian baraik lauik Subbenua India, mambantuak bateh alam antaro India jo Pakistan. Gurun iko marupoan gurun nan gadang ka-17 di dunia.[1] Sakitar 85% dari Gurun Thar barado di wilayah India,kamudian sisonyo masuak kadalam wilayah Pakistan.[2] Di India, gurun iko mampunyoi lueh 320000 km2 (120000 sq mi), dimano 60% barado di Rajasthan kamudian malueh ka Gujarat, Punjab, jo Haryana.[3] Gurun iko tadiri dari bagian nan sangaik kariang yaitunyo wilayah Marusthali di baraik, jo daerah semi gurun di timur jo bukit pasia nan labiah saketek sarato disiko hanyo tadapek saketek curah hujan.[4]

Bantanga alam[suntiang | suntiang sumber]

pamandangan gurun thar

Gurun thar mambantang di antaro Pabukitan Aravalli di timur lauik,[2] Rann Kutch di pasisia jo dataran aluvial dari Sungai Indus di baraik jo baraik lauik. Sabagian gadang gurun ditutuik dek bukik pasia nan barasa dari sedimen di dataran aluvial jo pantai. Pasia iko sangak murah bagarak karano angin kancang nan tajadi sabelum dimulainyo angin muson. Sungai Luni adolah ciek sungai nan tarintegrasi ka gurun iko.[5] Curah hujan terbatas 100–500 mm (3,9–19,7 in) per tahun, sebagian besar turun pada bulan Juli hingga September.[2]

Tadapek danau aia asin di Gurun Thar ko diantaronyo Sambhar, Kuchaman, Didwana di Rajasthan jo Kharaghoda di Gujarat. Danau iko manarimo aia hujan salamo musim hujan dan kamudian manguok salama musim kamarau. Garam iko barasal dari palapukan batuan di wilayah tasabuik.[6]

Kaadaan gurun[suntiang | suntiang sumber]

Penghijauan gurun jo caro pananaman jojoba di Fatehpur, Shekhawati

Tanah di Gurun Thar acok kariang untuak hampia sapanjang tahun dan rentan tahadok erosi angin. Angin bakacepatan tinggi maambuih tanah dari gurun pasia, kamduian malampok babarapo di tanah dilua gurun nan subur, sarato dapek manyababkan pageseran bukik pasia dalam gurun. Bukik pasia distabilkan jo caro managakan panahan angin mikro nan babahan samak baluka jo aforestasi bakalanjutan. Kanal Indira Gandhi nan mampunyoi panjang 649 km (403 mi) mambawo aia janiah untuak Gurun Thar.[2] Hal iko disusun untuak mambarantiann panyebaran gurun ka daerah-daerah nan subur nan diambuid dek angin tadi.

Hanyo saketek jinih batang kayu lokal nan cocok untuak ditanam di gurun. Dek karano itu, jinih batnag kayu eksotis dipakanakan untuak pananaman. Banyak spesies sarupo Eucalyptus, Acacia, Cassia jo genera lain dari Israel, Australia, Amerika Serikat, Rusia, Zimbabwe, Chili, Peru jo Sudan alah dicubo di Gurun Thar. Acacia tortilis alah tabukti manjadi spesies nan paliang manjanjikan untuak aforestasi gurun jo jojoba adolah spesies lain nan manjanjikan jo mampunyoi nilai ekonomis.[2]

Rujuakan[suntiang | suntiang sumber]

  1. Singhvi, A. K. and Kar, A. (1992). Thar Desert in Rajasthan: Land, Man & Environment. Geological Society of India, Bangalore.
  2. a b c d e Sinha, R. K., Bhatia, S., & Vishnoi, R. (1996). Desertification control and rangeland management in the Thar desert of India. RALA Report No. 200: 115–123.
  3. Sharma, K. K. and S. P. Mehra (2009). The Thar of Rajasthan (India): Ecology and Conservation of a Desert Ecosystem. Chapter 1 in: Sivaperuman, C., Baqri, Q. H., Ramaswamy, G., & Naseema, M. (eds.) Faunal ecology and conservation of the Great Indian Desert. Springer, Berlin Heidelberg.
  4. Sharma, K. K., S. Kulshreshtha, A. R. Rahmani (2013). Faunal Heritage of Rajasthan, India: General Background and Ecology of Vertebrates. Springer Science & Business Media, New York.
  5. Laity, J. J. (2009). Deserts and Desert Environments. John Wiley & Sons.
  6. Ramesh, R., Jani, R. A., & Bhushan, R. (1993). Stable isotopic evidence for the origin of salt lakes in the Thar desert. Journal of Arid Environments 25 (1): 117–123.

Pranala luar[suntiang | suntiang sumber]