Guruh

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Guruh, guntur, atau geledek adolah kato nan digunoan untuak mandeskripsian galombang kajuik suaro nan dihasilan akibaik tajadinyo pamanasan dan pamuaian udaro nan sangaik lah capek katiko dilewati dek sambaran patuih. Sambaran tasabuik manyebaban udaro barubah manjadi plasma dan langsuang maledak, manimbulan muncuanyo suaro nan bagamuruah.

Fenomena iko tajadi pado saaik nan samo jo kilek patuih, tetapi suaro gamuruahnyo biasonyo tadanga babarapo saaik sasudah kilek tacaliak. Hal iko tajadi karano cahaya marambek labiah capek (186.000 mil / 299.338 kilometer per detik) jiko dibandingan suaro (sakitar 700 mil / 1.126 kilometer per jam, bavariasi tagantuang temperatur, kalembapan dan takanan udaro).

Fobia tahadok guruh dinamoan astraphobia

Teori tantang panyabab tajadinyo guruh[suntiang | suntiang sumber]

Panyebab guruh alah manjadi subjek spekulasi dan panalitian ilmiah salamo berabik-abaik. Teori patamo nan tacataik dikamukoan dek Aristoteles pado abaik ketigo Masehi, dan spekulasi awal nan mampakiroan bahwa inyo disebaban dek tabrakan awan. Kamudian, teori-teori lain mulai bamunculan. Pado patengahan abaik ka-19, teori nan ditarimo adolah bahwa kilek manghasilan kaadaan vakum pado jalur nan dilewatinyo, dan guruh disebaban dek pagerakan udaro nan segera mangisi ruang kosong tasabuik. Kamudian pado akhir abaik ka-19, urang aanggok bahwa guruh disebaban dek ledakan uap air katiko air nan barado di jalur kilek diangekan. Teori nan lain manyatoan bahwa material babantuak gas dihasilan dek kilek dan maledak. Baru pado abaik ka-20 diparoleh kasepakatan bahwa guruh disebaban galombang kajuik di udaro akibaik pamuaian termal mandadak plasma pado jalur kilek.

Tingkek suaro nan babahayo[suntiang | suntiang sumber]

sekitar 120 desibel, setara jo suara nan dihasilan dek sanjato api. Suaro nan kareh iko dapek menyebaban karusakan pado bagian telingo dalam.[1] Tigo minik paparan dari guruh akan manyebaban kahilangan pandengaran permanen.[2]

Maukua jarak[suntiang | suntiang sumber]

Karano suaro dan cahayo marambaik pado kacepatan nan babeda di atmosfer Bumi, kito dapeampakiroan bara jauah suatu kilek patuih jo maukua wakatu antaro kilatan nan tampak jo suaro guruh nan timbula Kacepatan suaro sakitar 340 m/detik sadangkan kacepatan cahayo sangaik capek sahinggo dapek diabaian. Dek karano itu, jarak patuih jo pandanga suara guruh sakitar 1 kilometer setiok tigo detik. Guruh jarang tadanga pado jarak labiah dari 25 kilometer.

Liek pulo[suntiang | suntiang sumber]

Rujuakan[suntiang | suntiang sumber]

  1. Dangerous Decibels.org - chart
  2. Virginia.edu - Everyday Activities Increase Risk of Noise-Induced Hearing Loss; May 1, 2003
  • P Graneau, The cause of thunder, 1989 J. Phys. D: Appl. Phys. 22 1083-1094 doi:10.1088/0022-3727/22/8/012

Pranala luar[suntiang | suntiang sumber]