Lompat ke isi

Gunuang Sangay

Wikipedia Minangkabau - Lubuak aka tapian ilimu
Sangay
Katinggian5,300 m (17,400 ft)[1][2]
Puncak1,588 m (5,210 ft)[3]
DaftarUltra
TajamahanThe Frightener[4] (Quechua)
Pengucapan[saŋˈɡai]Templat:Needs IPA
Geologi
JinihStratovolcano
Busur/Sabuk vulkanikNorth Volcanic Zone
Latuih taakia1934 to present
Pandakian
Pandakian patamoAugust 4, 1929[4]
Rute mudahRock/Snow climb

Gunuang Sangay (disabuik pulo sabagai Macas, Sanagay, atau Sangai) marupoan gunuang api aktif di Provinsi Morona Santiago, Ekuador, Amerika Selatan. Gunuang ko marupoan gunuang api paliang aktif di Ekuador, maskipun hanyo malatuih tigo kali dalam sijarah, dek karano letusan nan dimulai pado taun 1934 masih balangsuang. Gunung ko aktif taruih salamo 94 tahun. Aktivitas erupsi awal ditamuan pado tahun 1628. Aktivitas erupsi sacaro bakalanjuikan tacataik dari tahun 1728 sampai 1916 jo taun 1934 sampai kini. Katinggian gunung ko 5.230 meter.[5][6]

Dek lataknyo nan tasuruak, gunuang Sangay jadi tampek komunitas biologis fauna barupo tapir gunuang, berang-berang raksasa, buruang Andes, jo lain sabagainyo. Sajak taun 1983, komunitas ekologisnyo alah dilindungi sabagai bagian dari Taman Nasional Sangay.[7] Sajak 1983, komunitas ekologisnyo alah dilindungi sabagian dek Taman Nasional Sangay. Walaupun pandakian ka gunuang sulik dek cuaca buruak, banjir di sungai, sarato material-material nan jatuah, tacataik pandaki patamo nan dapek mandaki gunuang tu nan banamo Robert T. Moore pado taun 1929.[8]

Geologi

[suntiang | suntiang sumber]

Gunuang Sangay barasa dari proses vulkanik nan takaik jo subduksi Lempeng Nazca di bawah Lempeng Amerika Selatan di Palung laut Peru-Chili. Gunuang Sangay talatak di ateh lempengan tektonik seismogenik nan talatak sakitar 130 km (80 mil) di bawah Sabancaya. Dek baitu manggambaran pabedaan karakter terestrial antaro batuan samudera nan miriang, antaro batuan nan labiah tuo di Ekuador jo Peru (labiah dari 32 juta tahun), jo batuan nan labiah mudo di Ekuador utara jo Kolombia (baumua kurang dari 22 juta tahun). Batuan selatan nan labiah tuo jauah labiah lambek daripado batu utara, dek akrano aktivitas vulkanik nan labiah lambek.[9]

Gunuang ko bakambang dalam tigo fase nan babeda. Fase patamo gunuang tabantuak antaro 500.000 jo 250.000 taun nan lalu, nan dibuktian dek lueh panyebaran material ka bagian timur sakitar 4.000 m (13.120 kaki). Fase patamo ditandoi jo punggungan sekunder nan badiameter sakitar 15-16 km (9-10 mil) jo kamiriangan 2 inggo 3 km ka tenggara. Panggalian siso-siso material gunuang manunjuakan basonyo sabagian gadang gunuang alah runtuah, materialnyo hancua jo jatuah ka hutan di dataran randah dakek gunuang, sarato tapi-tapi kawah gunuang hancua pulo. Tadapek blok sataba 400 m nan marupoan bagian nan dilindungi dari fase awal gunuang Sangay. Blok tu tadiri dari batu bata, minyak piroklastik, jo lava. Asam-asam sekitar 60% dosis silikon mandominasi aliran ko, tapi andesit murni dapek pulo ditamuan.[10]

Fase kaduo gunuang Sangay tabantuak sasudah runtuahnyo bagian-bagian di fase patamo sakitar 100.000 jo 50.000 taun nan lalu. Siso-siso struktur gunuang fase kaduo ko talatak di bagian salatan jo timur dari karuntuhannyo nan patamo sarato tadapek pulo siso-sisonyo di bagian barat jo utara. Puncak gunuang Sangay di fase kaduo ko mamanjang dari timur ka barat sarupo puncak di fase patamo. Namun puncak tu mangalami karuntuhan nan mambuek longsoran puing-puing inggo panjangnyo longsoran 20 km (12 mil) jo leba 5 km (3 mil).[10]

Manuruik laporan, gunuang Sangay patamo kali malatuih pado taun 1528 nan abunyo sampai ka Riobamba nan talatak 50 km (31 mil) barat laut Sangay sarato cukuik parah manutuik padang rumpuik jo mambuek taranak warga kalaparan. Sasudah itu gunuang Sangay malatuih baliak pado taun 1728, 1934 inggo tetap aktif di taun-taun salanjuiknyo. Erupsi di gunuang Sangay manunjuakan aktivitas strombolian nan mangasilan abu, aliran lava, aliran piroklastik jo lahar. Sadolah letusan dari gunuang ko punyo Volcanic Explosivity Index (VEI) 3. Gunuan Sangay talatak di daerah nan tasuruak nan indak bapanghuni, sarato akses kasinan sulik dek kaadaan erupsi nan taruih manaruih.[10]

Pado bulan Agustus 2018, pariode intensitas nan digambaran dek staf dari Taman Nasional Sangay, gunuang Sangay mangasilan abu haluih inggo 2,5 km di ateh tapi kawah, jo aliran lava sarato aliran piroklastik di lereang timur jo selatan. Sedimentasi atipikal nan tabuek dari material vulkanik diamati pado patamuan Sungai Upano jo anak sungainyo, Sungai Volcan, 23 km tenggara dari puncak. Pado Desember 2018, aktivitas manurun, tapi diintensifan baliak pado 7 Mei 2019.[11]

Ekologi

[suntiang | suntiang sumber]

Gunuang Sangay marupoan gunuang api aktif nan talatak di dalam Taman Nasional Sangay. Salain itu gunuang ko tadaftar sabagai Situs Warisan Dunia UNESCO sajak taun 1983. Kawasan sakitar gunuang dibatasi untuak aktivitas manusia nan intens supayo tetap tajago ekologinyo nan murni. Salain itu gunuang Sangay manjadi tuan rumah bagi sabuah bioma mulai dari gletser alpine di puncak gunuang inggo hitan tropis di sisi gunuang. Ekosistem paiang subur talatak di bagian nan labiah basah dari lereang timur gunuang.[12]

Tingkek paliang tinggi dibawah garis salju didominasi dek lichen jo bryophytes. Di bawah itu tadapek zona pohon ketek jo samak-samak nan bakambang manjadi hutan pagunuangan tarutamo di lambah barat jo di lereang timur nan dialiri irigasi nan elok di bawah 3.750 m (12.303 kaki). Tinggi pohon nan bakambang di gunuang Sangay mulai dari 5 m (16 kaki) inggo 12 m (39 kaki). Salain itu tadapek pulo hutan hujan subtropis nan suhunyo antaro 18 - 24° C (64 - 75° F) sarato curah hujan inggo 500 cm (196,9 in).[12]

Di katinggian tatinggi gunuang tadapek pulo tapir gunuang nann tarancam punah (Tapirus pinchaque), puma (Puma concolor), marmut (Cavia porcellus), jo sarigalo (Lycalopex culpaeus). Turun saketek ka bawahnyo tadapek beruang bakacomato (Tremarctos ornatus), jaguar (Panthera onca), macan tutul kurcaci (Leopardus pardalis), kuciang tutul (Leopardus wiedii), rusa ikua putiah (Odocoileus virginianus), rusa brokat (Mazama sp.), rusa utara ketek (Pudu mephistophiles), jo berang-berang raksasa nan tarancam punah (Pteronura brasiliensis). Spesies buruangnan umum di daerah ko adolah condor Andean (Vultur gryphus), Andes (Rupicola peruvianus), buruang kolibri raksasa (Patagona gigas), itiak torrent (Merganetta armata), buruang hering (Sarcoramphus papa),jo buruang layang-layang (Elanoides forficatus).[12]

Pandakian ka gunuang Sangay

Pandakian

[suntiang | suntiang sumber]

Pado taun 1929 Robert T. Moore marupoan urang patamo nan bisa mandaki gunuang Sangay sabalun gunuang malatuih pado taun 1934. Sasudah tu kaadaan gunuang indak mamungkinan untuak didakii dek kaakifan gunuang sarato material-material gunuang nan jatuah. Salain itu gunuang Sangay talatak di daerah nan tasuruak jo jalan nan sulik diakses, ditambah periode hujannyo nan dareh dapek membuek banjir sungai jo mambuek longsor.[13]

Sasudah itu, Instituto Ecuatoriano Forestal y de Naturales Area nan mampatahanan kantuanyo di kawasan sakitar gunuang mamfasilitasi kagiatan pandakian ka gunuang Sangay. Disadioan pamandu lokal jo kamar nan bisa disewaan ka pangunjuang. Pandakian mambutuhan wakatu 7 sampai 10 hari. Kondisi gunuang biasonyo sangaik basah jo bakabuik nan dapek maambek jarak pandang salamo pandakian.[13]


Galeri

[suntiang | suntiang sumber]
  • Taman Nasional Sangay
    Taman Nasional Sangay
  • Salimuik salju di puncak gunuang Sangay
    Salimuik salju di puncak gunuang Sangay
  • Erupsi Sangay tampak dari punggungan selatan
    Erupsi Sangay tampak dari punggungan selatan

Rujuakan

[suntiang | suntiang sumber]
  1. ↑ "Ecuador: 15 Mountain Summits with Prominence of 1,500 meters or greater". Peaklist.org. Diakses tanggal 2020-03-22. 
  2. ↑ Estimate based on SRTM and ASTER data, which agree that the often quoted elevation of 5230 metres is too low.
  3. ↑ Jonathan de Ferranti and Aaron Maizlish. "Ecuador". Diakses tanggal 16 February 2020. 
  4. ↑ a b Jason Wilson (2009). The Andes: A Cultural History. Oxford University Press. p. 103. ISBN 978-0-19-538636-3. https://archive.org/details/andesculturalhis0000wils. Diakses pado 16 Pebruari 2020. "Sangay quechua." 
  5. ↑ "Ecuador Ultra-Prominences - peaklist.org". www.peaklist.org. Diakses tanggal 2020-03-26. 
  6. ↑ "Sangay". www.volcanodiscovery.com. Diakses tanggal 2020-03-22. 
  7. ↑ "Global Volcanism Program | Sangay". Smithsonian Institution | Global Volcanism Program (dalam bahasa Inggris). Diakses tanggal 2020-03-22. 
  8. ↑ Wilson, Jason (2009-09-03) (dalam bahaso en). The Andes. Oxford University Press. ISBN 978-0-19-974583-8. https://books.google.co.id/books?id=FtIy_oAEbLwC&lpg=PA103&dq=Sangay+quechua&pg=PA103&redir_esc=y&hl=id#v=onepage&q=Sangay%20quechua&f=false. 
  9. ↑ Richards. "The Llullaillaco Volcano, northwest Argentina: comstruction by Pleistocene volcanism and destruction by sector collapse". Elsevier. 
  10. ↑ a b c "Ecuador Ultra-Prominences - peaklist.org". peaklist.org. Diakses tanggal 2020-03-22. 
  11. ↑ "Global Volcanism Program | Sangay". Smithsonian Institution | Global Volcanism Program (dalam bahasa Inggris). Diakses tanggal 2020-03-22. 
  12. ↑ a b c Centre, UNESCO World Heritage. "Sangay National Park". UNESCO World Heritage Centre (dalam bahasa Inggris). Diakses tanggal 2020-03-22. 
  13. ↑ a b Wilson, Jason (2009). The Andes : a cultural history. Oxford ; New York : Oxford University Press. http://archive.org/details/andesculturalhis0000wils. 
Search Wikimedia Commons Wikimedia Commons mampunyoi
media nan bahubuangan jo
Gunuang Sangay
Diambiak dari "https://min.wikipedia.org/w/index.php?title=Gunuang_Sangay&oldid=2050490"