Gulai kapalo lauak
 Gulai kapalo lauak | |
| Asa | |
|---|---|
| Namo lain | Gulai kapalo lauak |
| Nagara | Indonesia |
| Daerah | Pariaman, Sumatera Barat |
| Detail | |
| Jinih idangan | Utamo |
| Panyajian | Angek atau suhu ruangan |
| Bahan utamo | Lauak karang, santan karambia, lado, bumbu |
| Variasi | Gulai lauak karang |
Gulai kapalo lauak adolah jinih masakan bakuah gulai nan acok ditamui di Pariaman, Sumatera Barat. Bahan utamo dari masakan ko yaitu lauak lauik nan masih segar nan dimasak manggunoan rempah-rempah.[1] Di Pariaman biasonyo masyarakaik satampek mangolah lauak karang sarupo lauak kakap untuak dimasak manjadi gulai kapalo lauak. Namun ado pulo di daerah lain nan mangolah jinih lauak lain sarupo lauak sisiak atau tongkol. Gulai kapalo lauak ko biasonyo disajian basamo pucuak ubi jo lado ijau.
Caro mambuek
[suntiang | suntiang sumber]Bahan-bahan pambuek gulai kapalo lauak ko yaitu lauak, santan, asam kandih, daun limau, daun salam, daun kunyik, jo sarai. Untuak bumbu aluihnyo dipakai bawang merah, bawang putiah, sipadeh, kunyik, langkuweh, katumba, gulo, jo garam. Sabalun dimasak, lauak dibarasiahan jo dipotong. Sudah tu angekan minyak untuak manumih bumbu aluih tadi hinggo harum. Kalau alah masak jo harum, masuakan lauak jo dikacau rato. Kalau lauak alah barubah warna, masuakan santan sambia diaduak. Lauak tadi dimasak sampai masak jo bumbunyo marasok.[2][3]
Rujuakan
[suntiang | suntiang sumber]- ↑ uzer. "Web Company Profile Pemerintah Kabupaten Agam". disparpora.agamkab.go.id. Diarsipkan dari versi asli tanggal 2021-06-08. Diakses tanggal 2021-06-08.
- ↑ Redaksi. "Cara Membuat Gulai Kapalo Lauak Khas Pariaman". www.harianhaluan.com (dalam bahasa Indonesia). Diarsipkan dari versi asli tanggal 2021-06-08. Diakses tanggal 2021-06-08.
- ↑ Agency, ANTARA News. "Nikmatnya gulai kapalo lauak hadir di Festival Gandoriah". Antara News Sumbar. Diakses tanggal 2021-06-08.