Genmaicha

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Genmaicha
Genmaicha.jpg
JinihTeh ijau

AsalJapang

Info singkekGenmaicha adolah teh ijau nan dicampua nasi sirah baka.
Warna tehIjau
SuhuAntaro 80–85° C

Genmaicha (玄 米 茶?), Adolah teh ijau bareh sirah Japang nan isinyo teh ijau dicampua jo bareh sirah nan alah dipanggang.[1][2] Kadang-kadang disabuik juo "teh popcorn" samo urang dek babarapo butia bareh salamo pamanggangan bantuaknyo sarupo popcorn. Ado juo nan manyabuiknyo "teh rakyat", karano bareh nan dipakai mangurangi harago teh, mambueknyo tajangkau untuak urang Japang nan miskin. Maso kini ko kasado masyarakaik minum genmaicha.[3] Teh iko diminum samo urang-urang nan bapuaso kaagamoan atau untuak urang nan barado di antaro wakatu makan nan cukuik lamo. Gulo jo pati dari bareh mambuek teh punyo raso nan angek, jo padek. Genmaicha mudah untuak diminum jo membuek paruik labiah lamak rasonyo.[4] Teh genmaicha nan diaduk samo aia angek warnanyo kuniang mudo. Rasonyo ringan sarato manggabungan raso sajuak teh hijau jo baun nasi baka. Walau subananyo teh iko adolah teh hijau, caro manyaduah teh ini beda: aianyo harus diabuih kiro-kiro antaro 80–85° C (176–185° F), dan wakatu marandamnyo 3–5 minik tagantuang salero masiang-masiang.

Genmaicha kadang dijua jo ado campuan matcha (teh hijau bubuk) didalamnyo. Jinih teh ko disabuik matcha-iri genmaicha (抹茶 入 り 玄 米 茶?) (nan bararti: genmaicha jo tambahan teh ijau bubuak). Genmaicha Matcha-iri punyo raso nan sarupo jo genmaicha biaso, tapi rasonyo lebiah kuek jo warnanyo labiah ijau daripado kuniang mudo.

Di Korea, teh nan sarupo jo genmaicha iko disabuik hyeonminokcha (현미 녹차; "teh ijau bareh sirah"), sadangkan kato hyeonmicha (현미 차), nan merupoan sarumpun genmaicha, mangacu ka infus bareh sirah panggang dalam aia mandidiah.

Manfaaik[suntiang | suntiang sumber]

Genmaicha iko punyo banyak manfaaik untuak kasihatan;[5]

  • Mambantu mangurangi barek badan

Genmaicha manganduang EGCG, antioksidan nan maningkekan fungsi katekolamin dalam tubuah, hormon nan takaik jo stres, kontraksi otot, dan nan paliang pantiang, mangilangan lamak tubuah sarato manakan nafsu makan.

  • Manyaimbangan gulo darah

Teh genmaicha mambantu wakatu gulo darah sadang naiak, nan mambuek capek berang, latiah, sarato nio makan makanan nan indaik sehaik. Paminum teh iko biasonyo labiah mangandalian pola makan.

  • Manurunkan kolesterol jaek, maningkekan kolesterol elok jo mamparandah rasiko sakik jantuang

Panyakik kardiovaskular kiniko adolah panyabab kamatian nomor satu di babrapo nagara di dunia, jadi paralu untuak mamparatian kadar kolesterol. Selenium dalam Genmaicha meningkekan alian darah jo manurunan kamungkinan panyakik jantuang.

  • Maatua tiroid

Selenium dalam genmaicha dapek mangatua hormon tiroid. Tiroid adolah kalenjar nan talatak di dakek lihia dan manciptakan hormon pantiang. Kakurangan selenium mambuek urang berang-berang se baokannyo, panglihatan nan buruak, lamah otot, latiah, kurang lalok, kulik kariang, dan banyak lai nan lain.

  • Manilangan racun dalam tubuah

Teh hijau dalam genmaicha dikatahui mangilangan sado racun jo zat babahayo dalam tubuah. Polifenol dalam teh hijau pun mambantu hati katiko detoksifikasi sambia maagiah antioksidan nan diparaluan untuak malawan radikal bebas.

  • Mangurangi rasiko kanker

Kanker dek tumbuahnyo sel nan indak takandali marupoan salah satu panyabab utamo kamatian. EGCG, dalam genmaicha dikatahui manurunan rasiko babagai jinih kanker jo manakan sel-sel kanker nan tumbuah. Minum teh iko sabalun jo sasudah operasi kanker sacaro signifikan manurunan rasiko terulangnyo.panyakik kanker.

  • Manyihaikan gigi

Sifaik-sifaik antibakteri nan ado dalam teh iko mambunuah bakteri panyabab gigi balubang, karusakan gigi, panyakik gusi, jo bau muluik.

  • Mangurangi kambuang jo malancarkan pancernaan

Genmaicha adolah diuretik nan kuek, nan mambantu mangurangi kambuang jo manghindari retensi aia, mambantu menyingkiaan kalabiahan aia jo racun.

  • Mambantu asma

Manfaaik lain dari selenium, yang ado di genmaicha, adolah dapek mambantu panyakik asma. Manuruik Pusek Medis Universitas Maryland, satu panalitian menunjuakan bahasonyo satangah dari urang nan manggunoan selenium labiah saketek punyo masalah jo asma daripado nan menggunakan plasebo.

  • Mambuek labiah awet mudo

EGCG dalam teh hijau iko 200 kali labiah kuek daripado vitamin E dalam maancuaan radikal bebas nan marusak kulik. Jadi minum teh iko sacaro tartua dapek manghindari karusakan kulik, karipuik jo tando-tando tuo lainnyo.

  • Mambantu lalok, santai jo fokus

Genmaicha indak mambuek nan minum latiah, tapi mambantu santai jo lamak lalok malam ari. Teh iko manganduang GABA nan marupoan neurotransmitter sainggonyo mamungkinkan untuak santai. Asam amino dalam teh pun dapek mambantu santai jo fokus.

Galeri[suntiang | suntiang sumber]


Rujuakan[suntiang | suntiang sumber]

  1. Bosch, Hayley (4 February 2013). "First Look At Vegas' Exclusive New Nobu Hotel". Forbes. Diakses tanggal 28 January 2017. 
  2. "Genmaicha at ocha.tv". 
  3. "Genmaicha Tea". Diakses tanggal 2016-02-22. 
  4. "Genmaicha (玄米茶)". Diarsipkan dari versi asli tanggal 2016-03-03. Diakses tanggal 2016-02-22. 
  5. "The Benefits of Genmaicha Tea". The Herbal Toad (dalam bahasa Inggris). Diakses tanggal 2019-11-16.