Franz Wilhelm Junghuhn

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Franz Wilhelm Junghuhn
Junghuhn Pet Mitt.JPG
Lukisan Junghuhn
LahiaFriedrich Franz Wilhelm Junghuhn
26 Oktober 1809
Mansfeld, Westfalen
Wafaik24 April 1864
Lembang, Jawa Barat, Hindia Balando
KabangsaanBalando
sabalunnyo Jerman
KarajoAhli botani dan geologi
Taun aktif1835-1864
Dikana dekStudi botani jo Geologi di Hindia Balando
Karya takenalCaliak Karya
Rumah kalahiran Junghuhn
Pamandangan kota Mansfeld

Franz Wilhelm Junghuhn (lahia di Mansfeld (dakek Pagunuangan Harz), 26 Oktober 1809 – maningga di Lembang, 24 April 1864 pado umua 54 taun) adolah surang naturalis, dotor, botanikus, geolog, jo pangarang bakabangsoan Jerman (lalu Balando).

Junghuhn bajaso sabagai panaliti pulau Jawa dari suduik pandang ilimu bumi, geologi, vulkanologi jo botanik dan juo daerah Batak di Sumatera. Uraian manuruik ilimu alam baliau manuangkan pado karya utamonyo, Pulau Jawa - Bentuknya, Permukaannya dan Susunan Dalam (3 jilid, 1852-54), nan langkok jo peta partamo dari pulau itu nan taparinci dan dapek diandalkan. Junghuhn manyusun juo sajumlah herbarium, singkatan ilmiahnyo adolah Jungh. Tanamo dalam upayo-upayonyo untuak mambina pamaliharoan pohon-pohon cinchona untuak mahasilkan ubek kinine.

Ekspedisi ka Tanah Batak[suntiang | suntiang sumber]

Pandidikan Franz Wilhelm Junghuhn dulunyo adolah pandidikan dotor, dek dipaso urang gaeknyo. Pado tahun 1834, liau pindah ka Balando untuak mandaftar tantara Balando sabagai dotor Jerman, supayo dapek mangkaji ilimu alam (botani jo geologi) di Hindia-Balando nan liau sukoi. Taun 1836 liau tibo di Jawa, kudian ditugaskan di Padang pado taun 1840.[1]

Pado taun 1840 liau mandapek tugas dari Gubernur Jenderal Hindia Balando, Pieter Merkus, untuak pai manaliti ka Tanah Batak nan sangkek tu masih mardeka dan alun tanamo dek urang Eropa. Pado 2 Oktober 1841 Junghuhn tibo di Taluak Tapanuli, Sibolga. Dari situ ekspedisi di Tanah Batak dimulai dari Hurung, Humbang, inggo Lambah Silindung. Ekspedisinyo balansuang salamo 18 bulan jo didampingi kuli angkuik jo rombongan kaamanan mancapai 25 urang. Ekspedisinyo taranti samantaro dek Junghuhn sakik inggo dibaok ka Jawa. Ekspedisi kaduonyo dilanjuikan pado akhia 1941, tapi balansuang salamo duo minggu sajo. Ekspedinyo pun samakin sulik dek batapekan jo tajadinyo Parang Paderi nan mambuek urang Batak trauma jo urang lua.[2]

Dari ekspedisinyo mahasiakan buku nan bajudul Die Battaländer auf Sumatra (Tanah Batak di Sumatera) nan tadiri ateh 16 bab barisi asa usua, ras, budayo, pamainan, musik, adat, bahaso, inggo kanibalisme di Tanah Batak. Sasuai jo pamintaan pamarintah untuak manaliti kamungkinan Tanah Batak dikuasoi, Junghuhn maagiah saran baso urang Batak dapek manjadi warga nagara Hindia-Balando nan patuah asa lai dipimpin urang-urang satampek nan bisa dipacik dek Balando. Dari buku tasabuik, Junghuhn manjalehan pulo baso paralu mangenalkan agamo nan kontra-Islam ka urang Batak. Dari hal ikolah pamarintah Hindia-Balando marencanakan panginjilan ka Tanah Batak.[3]

Karya[suntiang | suntiang sumber]

  • Die Battaländer auf Sumatra (Tanah Batak di Sumatera) (1847)
  • Topographische und naturwissenschaftliche Reisen durch Java (Penjelajahan topografis dan ilmiah di Jawa) (1845)
  • Java, seine Gestalt, Pflanzendecke und Innere Bauart (Jawa - Bentuknya, Permukaannya dan Susunan Dalamnya) (3 jilid, 1852 - 54)(ed. Bah. Belanda, Amsterdam 1850 - 54)
  • Rückreise von Java nach Europa, Leipzig 1852 (ed. Bah. Belanda, Zalt-Bommel 1851)
  • Reizen door Java, voornamelijk door het oostelijk gedeelte van dit eiland, Amsterdam 1852
  • Licht- und Schattenbilder aus dem Innern von Java, 1854 (ed. Bah. Belanda, Leiden, Amsterdam 1854)
  • Java-Album, Leipzig 1856

Rujuakan[suntiang | suntiang sumber]

  1. Kozok 2010, hlm. 23.
  2. Kozok 2010, hlm. 24-25.
  3. Kozok 2010, hlm. 26-28.

Daftar pustaka[suntiang | suntiang sumber]

  • Kozok, Uli (2010). Utusan Damai di Kemelut Perang, Peran Zending dalam Perang Toba Berdasarkan Laporang L.I Nommensesn dan Penginjil RMG Lain. Jakarta: Yayasan Pustaka Obor Indonesia. ISBN 978-979-461-776-2.