Francois-Thomas La Meme

Francois-Thomas La Meme (lahia di Saint-Malo, Prancis 13 Januari 1764 - wafat di Kapal Walthershow 30 Maret 1805) adolah saurang anak lanun atau corsairs bakabangsaan Prancis nan mamimpin panduduakan Pantai Barat Sumatera dalam maso panjajahan Balando pado patangahan Desember 1793.

Ia adolah saurang nan manggaleh di Hindia pado taun 1791. Sabagai kapten Kapa Hirondelle, inyo mamulai manggaleh dari Palabuahan Mauritius, sabalah timur Madagaskar, manuju ka Jawa jo Sumatera

Kapa iko barubah jadi kapa anak lanun katiko Revolusi Prancis bagajolak di Benua Eropa. Inyo jo anak lanunnyo dapek meneror Kapa Dagang Inggris (EIC) dan Kapa Dagang Balando (VOC) di Pantai Barat Sumatera pado Juli 1793. Untuak nan itu, inyo dipromosian ka kapa Ville de Bourdeaux jo maarahan anaknyo balayie ka Padang, kota dagang VOC nan pantiang di Pantai Barat Sumatera.

Inyo jo anak lanun ko dapek manguasoi Kota Padang jo kota-kota lainnyo di Pantai Barat Sumatera salamo 16 hari pado patangahan Desember 1793. Sudah tu inyo baliak ka Mauritius manjadi croisars nan tanamo.

Inyo maningga tanggal 30 Maret 1805 di ateh Kapa Waltherrshow dalam jalan ka Inggris.^[1]

Referensi

↑ Rundjan, Rahadian (24 Juni 2015). "Saat Bajak Laut Prancis Menguasai Padang". historia.id. PT. Global Visi Media. Diakses tanggal 20 Oktober 2018.

[1] Rundjan, Rahadian (24 Juni 2015). "Saat Bajak Laut Prancis Menguasai Padang". historia.id. PT. Global Visi Media. Diakses tanggal 20 Oktober 2018.

[1]