Fatehpur Sikri

Wikipedia Minangkabau - Lubuak aka tapian ilimu

Fatehpur Sikri dibangun pado abaik ka-16 dek Kekaisaran Akbar. Kota iko samulo marupokan ibukota Kakaisaran Mughal, namun hanyo batahan 10 taun sajo. Kompleks kuil jo monumen, sadonyo dibangun jo arsitektur nan sarupo jo musajik tagadang di India, Musajik Jamaa.

Sijarah[suntiang | suntiang sumber]

Ide pambangunan kota iko bamulo dari petuah Salim Chisti kapado Rajo Akbar bahasonyo putra mahkota dari Rajo Akbar akan lahia di Sikri, 40 km sabalah barat daya Agra. Katiko pituah tu tabukti kabanarannyo,pado tahuin1569 Rajo Akbar mendeklarasikan Kota Sikri sabagai ibukota. Rajo Akbar juo manambahkan kato Fatehpur nan bararti "kamanangan". Sakita satu dekade, kompleks istano nan megah dibangun disiko.

Asal-usul wilayah Sikri[suntiang | suntiang sumber]

Sikri barado di tapi sabuah danau di dataran tinggi Vindhya. Situs prasejarah nan dakek jo sumber aia malimpah, hutan jo bahan matah iko sangaik ideal untuak dijadikan kawasan hunian dek manusia purba. Guo-guo jo lukisan dinding banyak ditamukan disiko. Gerabah kuniang tua kaamehan paninggalan taun 2000 SM jo pakakeh bawarna kulabu (1200-800 SM ) juo banyak ditamukan di tampek iko.

Sikri juo disabuikan di Kitab Mahabhrata sabagai Kota Saik nan diartikan " kawasan nan dikaliliangi aia". Sabuah prasati nan ditamukan tapaek pado prasati Jaina Saraswati(1067) manyabuikan tampek iko sabagai "Sekrikya"

Bangunan-bangunan di Fatehpur Sikri[suntiang | suntiang sumber]

Di Fatehpur Sikri badiri saluruah limbago-limbago Karajaan Mughal sarupo Ibadat Khanah, Din Illahi, Tarikh Illahi, Jarkha Darshan, doktrin Sulh I Kul, sarato limbago parlinduang seni jo sastra lokal. Sikri marupokan kota partamu Dinasti Mughal nan didirian sacaro tarancano. Lereng kotanyo dimanafaaikan untuak mambangun kompleks sarupo Masjid Jumat, Buland Darwaza, Pusaro Syekh Salim Chisti, Khas Mahal, Shahi Bazar, Mina Bazar, Panch Mahal, Khwabgah, Diwan I Khas, Anup Talao, Chaupar jo Diwan I Amm.

Saluruah bangunan di Fatehpur Sikri dibangundari batu kasih sirah , susunan siku panopan, tonggak-tonggak, tiang langkuang ornamental, rusuak jo chhajas, jharokhas, chhatris, chhaparkats dan lain-lain. Gaya bangunannyo mamadukan antaro elemen Islam India jo arsitekstur lokal.

Bangunan utamo dari kota iko adolah Musajik Jamaa. Arsitekturnyo banyak mamakai dekorasi dari ide Kbar sarupoi motif bungo taratai, chatris, jo pohon kahidupan. Diantaro bangunan musajik tadapek makam Syekh Salim Chisti nan bawarna putih.

Namun satalah Rajo Akbar maningga pado taun 1585, Fatehpur Sikri ditinggakan dek panduduaknyo.[1]

Rujuakan[suntiang | suntiang sumber]

  1. Agustina dkk (2008). World Heritage Nature & Culture Under the Protection of UNESCO . Volume 3: Asia Tengah & Asia Selatan. Jakarta: Batara Publishing. pp. 96-97. ISBN 978-979-15107-6-9.