Fachrul Razi

Wikipedia Minangkabau - Lubuak aka tapian ilimu
Fachrul Razi
Poto taun 2019 sabagai menteri agamo
Lahia26 Juli 1947 (umua 76)
Kutaradja, Sumatra, Indonesia
KantuaMenteri Agamo ke-23
PandahuluLukman Hakim Saifuddin
PanaruihYaqut Cholil Qoumas
Partai politikHanura

Fachrul Razi (lahia 26 Juli 1947; umua 76 taun) adolah saurang politikus jo pansiunan tantara Indonesia nan manjabek sabagai Menteri Agamo sajak 23 Oktober 2019 sampai 23 Desember 2020. Inyo adolah urang militer katigo nan ditunjuak sabagai menteri agamo, satalah Tarmizi Taher (1993–1998) jo Alamsyah Ratu Perwiranegara (1978–1983).[1] Karano Tarmizi bapangkek laksamana bintang duo jo Alamsyah adolah saurang jenderal bintang tigo, Fachrul nan bapangkek jenderal bintang ampek adolah eks militer nan pangkeknyo paliang tinggi nan parnah manjabek sabagai menteri agamo.

Fachrul adolah Wakil Panglima TNI (1999–2000) tarakhir nan manjabek sabalum jabatan tu diapuih sarato salah saurang pandiri partai Hanura.

Latar balakang[suntiang | suntiang sumber]

Fachrul Razi lahia di Kutaradja (kini Banda Aceh) pado tanggal 26 Juli 1947. Inyo adolah anak dari parantau Minangkabau nan barasa dari Maninjau, Sumatra Barat.[2] Fachrul adolah lulusan akademi militer taun 1970.[3]

Karier[suntiang | suntiang sumber]

Militer[suntiang | suntiang sumber]

Sapanjang kariernya di TNI AD, Fachrul batugas di infanteri, jo dipromosian manjadi pangkek bintang tigo pado taun 1995–1996.[4] Inyo mamimpin Kontingen Garuda Indonesia pado bulan Agustus 1989 sampai September 1990 sabagai bagian dari Kalompok Pengamat Militer Iran-Irak PBB, katiko itu inyo bapangkek letnan kolonel.[5]

Inyo manjadi kapalo akademi militer (1996–1997) jo asisten operasional kapalo staf TNI AD (1997–1998), nan akhianyo manjadi kapalo staf TNI pado taun 1998 sampai 1999. Pado taun 1999, inyo diangkek manjadi wakil panglima TNI di bawah pimpinan Laksamana Widodo Adi Sutjipto. Tapi, Presiden Abdurrahman Wahid mamarentahkan jabatan Razi diapuihan, dan pado taun 2000, Razi dicopot dari jabatannyo. Inyo pansiun dari militer pado taun 2002.[6][7]

Dalam sabuah wawancara taun 2004, Razi mambela tindakan Wiranto (katiko itu Panglima TNI) salamo tajadinyo karusuahan Jakarta 1998. Katiko itu Razi manjabek sabagai kapalo staf.[8] Razi adolah anggota dewan militer pado taun 1998 nan mamecat Prabowo Subianto dari jabatannyo. Katiko sabuah surek nan diklaim sabagai surek resmi pamecatan Prabowo baredar pado taun 2014, Razi manegaskan kaabsahannyo.[9]

Menteri Agamo[suntiang | suntiang sumber]

Razi ditunjuak manjadi Menteri Agamo pado Kabinet Indonesia Maju pado tanggal 23 Oktober 2019 dek Presiden Joko Widodo manggantian Lukman Hakim Saifuddin.[10] Idak lamo satalah diangkek, Razi mangajuan kamungkinan paraturan nan malarang pamakaian cadar jo sirawa cingkrang–pakaian nan acok dipakai dek umat Islam–untuak dipakai di lingkuangan pamarentahan.[11]

Pado bulan September 2020, inyo dikritik dek DPR satalah inyo mangatoan baso radikalisme disebaran dek urang-urang nan rancak nan marupoan panghafal Alquran nan fasiah babahaso Arab. Pado Desember 2020, inyo majadi salah saurang dari anam menteri nan diganti dalam parombakan kabinet.[12]

Rujuakan[suntiang | suntiang sumber]

  1. ↑ Muhammad Subarkah (23 Oktober 2019). "Pancasila, Radikalisasi: Dari Alamsyah Hingga Fachrul Razi". Republika.co.id (dalam bahasa Indonesia). Diakses tanggal 15 Januari 2024. 
  2. ↑ Irwanda Saputra (23 Oktober 2019). "Menteri Agama Fachrul Razi, Jenderal Asal Maninjau di Kabinet Jokowi-Ma'ruf". langgam.id (dalam bahasa Indonesia). Diakses tanggal 15 Januari 2024. 
  3. ↑ Ratya, Mega Putra (2 September 2015). "Ini Profil Johny Lumintang dan Fahrul Razi yang Disebut Calon Pengganti Luhut". detiknews (dalam bahasa Indonesia). Diakses tanggal 15 Januari 2019. 
  4. ↑ "Current Data on the Indonesian Military Elite, September 2005–March 2008". Indonesia. 85 (85): 79–121. April 2008. JSTOR 40376445. 
  5. ↑ "DAFTAR MILITARY OBSERVER YANG TELAH BEROPERASI DALAM PEMELIHARAAN PERDAMAIAN INTERNASIONAL" (PDF) (dalam bahasa Indonesia). Defense Ministry of Indonesia. Diakses tanggal 16 Januari 2024. 
  6. ↑ Suriyanto (2 September 2015). "Fachrul Razi: Korban Penghapusan Jabatan Wakil Panglima TNI". CNN Indonesia (dalam bahasa Indonesia). Diakses tanggal 16 Januari 2024. 
  7. ↑ Putri, Aditya Widya (2 Agustus 2016). "Uang Pensiun Saya Sebagai Jenderal Rp4,5 Jutaan". tirto.id (dalam bahasa Indonesia). Diakses tanggal 16 Januari 2024. 
  8. ↑ "Fachrul: Pangdam Jaya Tidak Memerlukan Penambahan Pasukan". liputan6.com (dalam bahasa Indonesia). 14 May 2004. Diakses tanggal 16 Januari 2024. 
  9. ↑ William, Anton (10 June 2014). "Ini Alasan Prabowo Dipecat sebagai Perwira". Tempo (dalam bahasa Indonesia). Diakses tanggal 16 Januari 2024. [pranala nonaktif permanen]
  10. ↑ "Indonesian President Jokowi announces new Cabinet". The Straits Times. 23 October 2019. Diakses tanggal 16 Januari 2024. 
  11. ↑ "Indonesia's religious minister sparks debate over veil and trousers worn by Muslims". The Straits Times (dalam bahasa Inggris). 2 November 2019. Diakses tanggal 16 Januari 2024. 
  12. ↑ "Rapat Dengan DPR, Menag Fachrul Razi Diprotes Sering Komentar Bikin Gaduh". Merdeka (dalam bahasa Indonesia). 8 September 2020. Diakses tanggal 16 Januari 2024. 
Diambiak dari "https://min.wikipedia.org/w/index.php?title=Fachrul_Razi&oldid=3149570"