Eko Alvares
Dr. Ir. Eko Alvares Z. MSA | |
|---|---|
| Lahia | 10 Maret 1965 |
| Maningga | 28 Desember 2017 (umua 52) Padang |
| Kabangsaan | Indonesia |
| Alma mater | Universitas Katolik Parahyangan Institut Teknologi Bandung Universitas Gadjah Mada |
| Karojo | Pengajar, arsitek |
| Dikana dek | Peneliti arsitektur Minangkabau Ketua Pusat Studi Konservasi Arsitektur (Pusaka) Universitas Bung Hatta |
Dr. Ir. Eko Alvares Zaidulfar, MSA (lahia di Padang Panjang, Sumatera Barat, 10 Maret 1965 – maningga di Padang, Sumatera Barat, 28 Desember 2017 pado umua 52 taun) adolah saurang arsitek jo guru Indonesia dari ranah Minang.
Kehidupan awal[suntiang | suntiang sumber]
Eko mandapek gelar sarjana arsitektur dari Universitas Katolik Parahyangan pado taun 1991 jo magister teknik arsitektur dari Institut Teknologi Bandung pado taun 1993. Inyo salapeh mandapek gelar doktor dari Universitas Gadjah Mada dengan disertasinyo "Morfologi Kota Padang" pado taun 2002.[1]
Karir[suntiang | suntiang sumber]
Eko manjadi dosen di Program Studi Teknik Arsitektur di Fakultas Teknik Sipil dan Perencanaan Universitas Bung Hatta (UBH) di Padang. Di UBH, inyo pernah manjabat sabagai Ketua Jurusan Arsitektur (2006-2007) jo Wakil Rektor Bidang Akademik dan Penjaminan Mutu (2008-2015). Salain itu, inyo juo manjabat sabagai Ketua Pusat Studi Konservasi Arsitektur (Pusaka).[2] Dari taun 2004 sampai 2007, Eko manjabat sabagai Ketua Dewan Pengurus Daerah Ikatan Arsitek Indonesia Sumatera Barat.[2]
Eko terkenal sabagai peneliti arsitektur tradisional Minangkabau jo usahnyo dalam konservasi Rumah gadang di Sumatera Barat.[2][3][4][5] Salah satu proyeknyo nan takenal iolah palastarian rumah gadang nan tabaka di Nagari Sumpur nan talatak di tapian Danau Singkarak. Proyek itu hasia karajosamo di antaro Yayasan Tirto Utomo, Badan Pelestarian Pusaka Indonesia, Yayasan Rumah Asuh, pemerintahan Kabupaten Tanah Datar, Forum Kampuang Minang Nagari Sumpur, Ikatan Keluarga Sumpur (IKES), dan Jurusan Arsitektur UBH Padang.[6] Salain mamparhatikan segi arsitektur jo kaaslian rupo rumah gadangnyo, pambangunannyo mamparhatikan adat istiadat, sarupo batagak tunggak tuo dan adat nan mangikeknyo.[7] Salain itu, inyo mamegang banyak proyek sakaliliang Sumatera Barat, sarupo rehabilitasi Masjid Rao-rao, master plan kantor gubernuran dan perencanaan ruang terpadu Kota Bukittinggi, hinggo di luar daerah di Indonesia sarupo bantuan teknis revitalisasi kampuang adat di Yogyakarta dan revitalisasi Kota Banda Neira.[8]
Pamikiran[suntiang | suntiang sumber]
Eko banyak manuangkan pikirannya mengenai arsitektur jo tata kota, tarutamo Kota Padang. Disertasinyo surang, "Morfologi Kota Padang", manggambarkan pakambangan kota itu dari zaman kolonial hinggo manjalang Reformasi. Dalam website nan dibinanyo surang, Eko mangamati banjir Kota Padang nan salalu tajadi di musim hujan. Inyo mancaliak dari dua sisi. Patamo, masyarakat indak acuah jo lingkungannyo sarupo mambuang sampah sumbarang sahinggo aliran air tasumbek, ditambuah kurangnyo pengetahuan masyarakat tentang daerah resapan air. Kaduo, Padang sandiri adolah kota nan banyak dialiri sungai jo dakek dengan lauik. Rusaknyo drainase, hancuanyo daerah aliran sungai (DAS), minimnya daerah resapan air jo daerah tangkapan air (catchment area), ligeknyo pambangunan pamukiman di lahan pertanian jo tapian sungai, mambuek banjir Padang samakin parah.[9]
Eko pahatian bana jo arsitektur Rumah Gadang. Manuruiknyo, desain rumah tradisional urang Minang itu tahan gampo, mulai dari pamakaian pasak jo sandi, hinggo dalam bantuak aslinyo indak bapaku.[1] Inyo pun perhatian jo panarapan arsitekturnyo dalam kahidupan kontemporer. Dalam International Conference on Construction Industry" (ICCI) 2009 nan digelar UBH dan Universiti Teknologi Malaysia pado 2 Agustus 2009, inyo manayoan baso perkembangan linier arsitektur Minangkabau di Kota Padang indak bakambang dengan baik. Kok ado pun usaha-usaha mangambangan sabalun taun 2009 itu, nan tajadi hanyolah pangulangan, replikasi dan konsekuensi dari panamuan material baru sarato interpretasi sejarah yang acok takuruang situasi stagnasi. Aspek modernisasi dalam arsitektur itu indak bakambang dek adonyo interupsi dari pihak nan mampunyoi kapantingan.[10]
Kamatian[suntiang | suntiang sumber]
Eko maningga di RSUP M. Djamil Padang, Kamis, 28 Desember 2017, sekitar pukul 17.00 WIB, dek panyakik tumor nan inyo derita. Sabalunnyo, inyo manarimo transfusi darah, maskipun indak cukuik kondisinyo lumayan baik sampai malamah baliak sajak pagi. Inyo dimakamkan isuaknyo di TPU Air Dingin, Koto Tangah.[1]
Rujuakan[suntiang | suntiang sumber]
- ↑ a b c https://sumbarsatu.com/berita/17513-eko-alvares-meninggal-dunia-sumbar-kehilangan-arsitek-rumah-gadang, diakses tanggal 21 Januari 2024
- ↑ a b c "Salinan arsip". Diarsipkan dari versi asli tanggal 2021-10-24. Diakses tanggal 2021-10-24.
- ↑ "Peneliti: Rumah Gadang Sambilan Ruang Rusak" Antaranews.com, 25 Maret 2011. Diakses 21 Januari 2024.
- ↑ "Arsitektur Tradisional Minangkabau tak Berkembang" Kompas.com, 3 Agustus 2009. Diakses 21 Januari 2024.
- ↑ "Nikmati Saja Keindahannya ..." Republika.co.id, 31 Agustus 2014. Diakses 21 Januari 2024.
- ↑ "Eko Alvares Z Membangun Rumah Gadang – Library" (dalam bahasa Indonesia). Diakses tanggal 2024-01-20.
- ↑ Z, Diposting oleh Eko Alvares. "Eko Alvares Z". Diakses tanggal 2024-01-21.
- ↑ Z, Eko Alvares (Minggu, 22 Juni 2008). "Eko Alvares Z: Riwayat Hidup Eko Alvares Z". Eko Alvares Z. Diakses tanggal 2024-01-21.
- ↑ Z, Eko Alvares (Rabu, 21 Maret 2012). "Eko Alvares Z: Sibuk dengan Retorika, Minim Action: Menyoal Banjir di Kota Padang". Eko Alvares Z. Diakses tanggal 2024-01-21.
- ↑ Media, Kompas Cyber (2009-08-03). "Arsitektur Tradisional Minangkabau tak Berkembang". KOMPAS.com (dalam bahasa Indonesia). Diakses tanggal 2024-01-21.