Djanan Tajib
| Biografi | |
|---|---|
| Lahia | 1891  |
| Kamatian | 11 Pebruari 1946 (54/55 tahun (id)  ) |
| Kalompok etnis | Urang Minangkabau |
Djanan Tajib atau Djanan Thaib (lahia di Kampung Sarik, Padang, Sumatera Barat, 1891 - Mekah, Arab Saudi, 1946) adolah saurang ulama, wartawan, jo guru nan barasa dari ranah Minang tapi banyak manghabisakan iduiknyo di Arab Saudi jo Mesir. Inyo marupokan pamimpin Jamaah al-Chairiyah, Mesir dan juo pandiri sikolah Islam Indonesia patamo di Mekkah.
Riwayaik
[suntiang | suntiang sumber]Djanan nan alah baraja agamo di kampuang halamannyo Sungai Sarik, pai ka Makkah pado taun 1911 untuak mandalami kaji agamonyo, dibiayai oleh saudaronyo Yahya. Pado 1919, Djanan pai ka Kairo untuak malanjuikan pandidikannyo di Universitas Al-Azhar. Pado taun 1923, jo mahasiswa Indonesia lainnyo inyo mandirikan al-Jamiyah al-Khairiyah dan ditunjuak sabagai kapalonyo nan patamo.[1] Pada taun 1923 inyo jo kawan-kawannyo mandirian pakumpulan nan banamo al-Jam’iyyah al-Khairiyyah al-Jawi (Perhimpunan Kebajikan Jawi/Nusantara). Sabagai senior di antaro mahasiswa lain, inyo dipiliah sebagai kapalonyo. Pado taun 1925, surek kaba banamo Seroean Al-Azhar didirikan, inyo pulo nan manjadi kapalonyo.[2] Redakturnyo, di antaronyo iolah Iljas Jacub, Idris Marbawi, Abdul Wahab dan Mahmud Yunus. Salah satu misi percetakan nan manabikkan materi agamo jo budaya itu adolah ikuik sarato manumbuahan nasionalisme untuak bangsonyo nan sadang dijajah dek Balando. Di tahun iko, jumlah mahasiswa dari Asia Tenggara nan kuliah di Al-Azhar kurang labiah mancapai 200 orang. Malalui majalah iko juo inyo maundang urang-urang di Kapulauan Nusantara untuak malawan penjajahan bangsa-bangsa Eropa.[3][4]
Dek dianggap sabagai gerakan politik, Jam’iyyah al-Khairiyyah akhianyo dibubarkan pado taun 1937. Sabagai pangganti, didirikanlah Perhimpunan Pemuda Indonesia dan Malaya, nan batujuan agar mahasiswa labiah fokus pado pelajaran akademik dan indak ikuik berpolitik. Tapi tetap sajo organisasi itu indak bisa talapeh dari pergerakan politik.[5] Salain itu, untuak manggantian Seroean Al-Azhar nan tutuik, didirikanlah Oesaha Pemoeda.[2]
Djanan Tajib adolah urang Indonesia patamo yang mendapatkan ijazah "Al Alimiyah" dari Al-Azhar pado tahun 1926. Sasudah lulusnyo itu, inyo pai ka Balando dan basobok jo Mohammad Hatta, nan wakatu itu manjadi kapalo Perhimpoenan Indonesia.[5] Sasudah di Balando inyo pai ka Mekkah dan bamukim di sinan.[4] Inyo maminta izin ka Rajo Abdul Aziz bin Saud untuak mandirikan sekolah Islam Indonesia di Mekkah. Pado taun 1928, Rajo Abdul Aziz mangizinan pandirian sikolah nan dinamoan "Al Madrasah Al Indunisiyah" atau "Sekolah Indonesia". Sikolah ko iolah sikolah asiang patamo nan didirikan di Arab Saudi sejak tagaknyo negara itu pado taun 1923.[4] Sikolah ko batujuan untuak manyadiokan pandidikan balatar Indonesia kapado murid asal Indonesia dan Malaysia dan katiko pulang ka kampuang halamannyo diharokkan manjadi pambela Islam.[6]
Sekolah Indonesia iko talatak di Al Gararah, di Gedung Minangkabau, rumah Syekh Muhammad Nur Salim Al Khalidi. Di pambukaan sikolah iko, banyak tokoh-tokoh, ulama, sastrawan Mekkah, jo pejabat-pejabat hadir. Pado taun 1929, Djanan Thaib sarato sambilan ulama di Masjidil Haram diangkek manjadi anggota pengawas Hai'ah Muraqabah Ad Durus Wat Tadris Fil Haram Asy Syarif (kurang labiah "Biro Pengawas Pelajaran-Pelajaran dan Pengajaran di Masjidil Haram") nan dipimpin oleh Syeikh Abdullah bin Hasan Aal Syeikh. Malalui keputusan itu pula inyo diangkek sabagai pengajar resmi di Masjidil Haram dan hal itu dimuek dalam surek kaba "Ummul Qura" di Mekkah edisi 185, hari Jum'at 18 Muharram 1347 H. Di sampiang itu Pengadilan Tinggi Agama Mekkah Al Mukarramah mangangkeknyo sabagai penghulu (ma'dzun syar'i) bagi urang-urang Nusantara (Jawi).[6][7]
Syeikh Djanan Tajib mangambangan sikolah itu hinggo inyo maningga pado taun 1959, kudian ditaruihan oleh Syeikh Abdul Jalil Al Maqdisy hinggo akhianyo ditutuik pado taun 1390 H dek kalah basaiang jo sikolah lainnyo di Arab Saudi. Padahal, sikolah Indonesia di Mekkah iko banyak bantuannyo dari Rabithah Alam Al Islamy nan bapusek di Mekkah. Sikolah iko alah banyak meluluskan murid-murid nan kudian manjadi ulama sarato memegang jabatan penting di Indonesia dan Malaysia. Djanan Tajib maningga pado ari Senin, 10 Rabi'ul Awwal 1365 H (1959 M) di An Naqa, Mekkah, pado umua 68 taun. Jasadnyo dimakamkan di pekuburan Al Ma'la.[6] Salah saurang cucunyo, Nursham Abidin, arsitek lulusan Jerman, diangkek manjadi kapalo tata kota Jeddah, lancar bana babahaso Minang jo suko bana jo randang.[7]
Catatan kaki
[suntiang | suntiang sumber]- ↑ Zuhairi Misrawi, Al-Azhar: Menara Ilmu, Reformasi, dan Kiblat Keualamaan; Kompas Media Nusantara, 2010
- ↑ a b "Kilas Balik: Himpunan pelajar muslim dari dunia Melayu di Mesir (1930)". Dr. Suryadi | LIAS - SAS Indonesië, Universiteit Leiden, Belanda (dalam bahasa Inggris). 2018-01-03. Diakses tanggal 2024-01-22.
- ↑ Alberta Joy Freidus, Sumatran Contributions to the development of Indonesian Literature, 1920-1942; Asian Studies Program, University of Hawaii, 1977
- ↑ a b c "Peraih Derajat Tertinggi dari Universitas Al-Azhar". Historia - Majalah Sejarah Populer Pertama di Indonesia (dalam bahasa Indonesia). 2019-04-04. Diakses tanggal 2024-01-19.
- ↑ a b Tamaim, Imam (2020-01-26). "Janan Thaib: Pendiri Madrasah Indonesia di Mekah". JEJAK ONLINE (dalam bahasa Inggris). Diakses tanggal 2024-01-21.
- ↑ a b c "Djanan Tajib : Putra Minang Yang Merupakan Orang Indonesia Pertama Lulus Dari Al Azhar Kairo" (dalam bahasa Indonesia). Diakses tanggal 2024-01-21.
- ↑ a b Aswil (2009-10-01). "Sekilas tentang Uztad Djinan Taib, asal Sarik Bukittinggi". Aswil's Personal Repository (dalam bahasa Inggris). Diakses tanggal 2024-01-22.