Dewan Perwakilan Rakyat Daerah

Wikipedia Minangkabau - Lubuak aka tapian ilimu

Dewan Perwakilan Rakyat Daerah (disingkek DPRD) adolah lambago perwakilan rakyat daerah nan bakaduduakan sabagai unsur panyalanggaro pamarintahan daerah di provinsi/kabupaten/kota) di Indonesia.[1] DPRD disabuikan dalam UUD 1945 pasal 18 ayat 3: "Pemerintahan daerah provinsi, daerah kabupaten, dan kota memiliki Dewan Perwakilan Rakyat Daerah yang anggota­-anggotanya dipilih melalui pemilihan umum". DPRD kamudian diatur labiah lanjuik di undang-undang, tarakhia malalui Undang-Undang Nomor 17 Tahun 2014.[2]

Persyaratan[suntiang | suntiang sumber]

Syarat Anggota Dewan Perwakilan Rakyat Daerah Republik Indonesia manuruik UU No 7 tahun 2017 tentang Pemilu Dewan Perwakilan Rakyat, Dewan Perwakilan Daerah dan Dewan Perwakilan Rakyat Daerah sabagai barikuik:[3]

  1. Bertakwa kepado Tuhan Yang Maha Esa
  2. Warga Negara Indonesia sajak kalahiarannyo dan indak pernah manarimo kawarganegaraan lain karano kahandaknyo surang
  3. Indak pernah mangkhianati negara, sarato indak pernah malakuan tindak pidana korupsi jo tindak pidana barek lainnyo
  4. Mampu secaro rohani jo jasmani untuak malaksanakan tugas jo kawajiban sabagai anggota dewan
  5. Batampek tingga di wilayah Negara Kesatuan Republik Indonesia
  6. Alah malaporkan harato kakayoannyo kapado instansi nan bawenang mamariso laporan kakayoan panyalanggara negara
  7. Indak sadang mampunyoi tangguangan utang sacaro pribadi dan/atau sacaro badan hukum nan manjadi tangguang jawabnyo nan marugian kauangan negara
  8. Indak sadang dinyatoan pailit badasarkan putusan pengadilan
  9. Indak pernah malakuan pabuatan tacela
  10. Tadaftar sabagai Pamiliah
  11. Mampunyoi Nomor Pokok Wajib Pajak (NPWP) dan alah malaksanaan kawajiban mambayia pajak salamo 5 tahun tarakhia nan dibuktian jo Surat Pemberitahuan Tahunan Pajak Penghasilan Wajib Pajak Orang Pribadi
  12. Setia kapado Pancasila sabagai dasar negara, Undang-Undang Dasar Negara Republik Indonesia Tahun 1945, dan cita-cita Proklamasi 17 Agustus 1945
  13. Indak pernah dijatuahi pidana panjaro badasarkan putusan pangadilan nan alah mampunyoi kakuatan hukum tatap kareno malakuan tindak pidana nan diancam dengan pidana panjaro 5 (lima) tahun atau labiah
  14. Baumua sakurang-kurangnyo 21 (dua puluh satu) tahun
  15. Bapandidikan paliang randah tamaik Sekolah Menengah Atas (SMA), Madrasah Aliyah (MA), Sekolah Menengah Kejuruan (SMK), Madrasah Aliyah Kejuruan (MAK), atau bantuak lain nan sadarajat
  16. Bukan bekas anggota organisasi talarang Partai Komunis Indonesia, tamasuak organisasi massanyo, atau bukan urang nan talibaik langsuang dalam G.30.S/PKI
  17. Mampunyoi visi, misi, jo program dalam malaksanakan pamarintahan negara Republik Indonesia

Dewan Perwakilan Rakyat Daerah Provinsi[suntiang | suntiang sumber]

!Artikel utamo untuak bagian ko adolah: Dewan Perwakilan Rakyat Daerah Provinsi

Dewan Perwakilan Rakyat Daerah provinsi (DPRD provinsi) marupoan lambago perwakilan rakyat daerah nan bakaduduakan sabagai unsur panyalanggaro pamarintahan daerah provinsi. DPRD provinsi tadiri dari anggota partai politik paserta pamiliahan umum nan dipiliah malalui pamiliahan umum. Di Provinsi Aceh DPRD provinsi disabuik Dewan Perwakilan Rakyat Aceh (DPRA) yang diatur dengan Undang-Undang Republik Indonesia Nomor 11 Tahun 2006.[4]

Dewan Perwakilan Rakyat Daerah Kabupaten/Kota[suntiang | suntiang sumber]

!Artikel utamo untuak bagian ko adolah: Dewan Perwakilan Rakyat Daerah Kabupaten/Kota

Dewan Perwakilan Rakyat Daerah kabupaten/kota (DPRD kabupaten/kota) marupoan lambago perwakilan rakyat daerah nan bakaduduakan sabagai unsur panyalanggaro pamarintahan daerah kabupaten/kota. DPRD kabupaten/kota tadiri dari anggota partai politik paserta pamiliahan umum nan dipiliah malalui pamiliahan umum. Di Provinsi Aceh DPRD kabupaten/kota disabuik Dewan Perwakilan Rakyat Kabupaten/Kota (DPRK) nan diatur jo Undang-Undang Republik Indonesia Nomor 11 Tahun 2006.[4]

Caliak pulo[suntiang | suntiang sumber]

Rujuakan[suntiang | suntiang sumber]

  1. ↑ Faizal, Liky (2011-12-16). "FUNGSI PENGAWASAN DPRD DI ERA OTONOMI DAERAH". Jurnal Tapis: Jurnal Teropong Aspirasi Politik Islam (dalam bahasa Pengawasan). 7 (2): 15–29. doi:10.24042/tps.v7i2.1533. ISSN 2655-6057. 
  2. ↑ Fitri, Sunanda Haizel; Indra, Mexsasai; Junaidi, Junaidi (2015-02). "Kedudukan Dewan Perwakilan Rakyat Daerah (Dprd) dalam Penyelenggaraan Pemerintahan Daerah Berdasarkan Undang-undang Nomor 23 Tahun 2014" (dalam bahasa Indonesia). Diakses tanggal 2022-08-13. 
  3. ↑ Legowo, T.A., Salang, S. and Libertus, J (2018). Panduan menjadi calon anggota DPR/DP/DPRD menghadapi pemilu. Niaga Swadaya. 
  4. ↑ a b "UU No. 11 Tahun 2006 tentang Pemerintahan Aceh [JDIH BPK RI]". peraturan.bpk.go.id. Diakses tanggal 2022-08-13. 

Pautan lua[suntiang | suntiang sumber]


Templat:DPRD Kabupaten/Kota

Diambiak dari "https://min.wikipedia.org/w/index.php?title=Dewan_Perwakilan_Rakyat_Daerah&oldid=2444152"