Daun sang

Wikipedia Minangkabau - Lubuak aka tapian ilimu
Daun Payung
Johannesteijsmannia altifrons dari Sumatra bagian utara.
Foto:Tropenmuseum, Amsterdam
Klasifikasi ilmiah
Kingdom: Plantae
(unranked): Angiospermae
(unranked): Monokotil
(unranked): Commelinids
Order: Arecales
Family: Arecaceae
Subfamily: Coryphoideae
Tribe: Corypheae
Genus: Johannesteijsmannia
Species: J. altifrons
Namo binomial
Johannesteijsmannia altifrons
(Reich.f. et Zoll.) Moore Jr.
Sinonim

Referensi:[1]

Daun sang

Daun sang atau disabuik daun raksasa merupakan sejenis palem nan mampunyoi daun nan leba, gadang, dan relatif kuek. Daun iko salah satu tanaman endemik nan ado di daerah Aras Napal, Kabupaten Langkat Provinsi Sumatrra Utara nan tamasuak dalam Kawasan Taman Nasional Gunung Leuser.[3]

Namo ilmiah Daun Sang Iko adolah Johannestijsmania altifrons. Dibarian namo tasabuik karano daun iko kali patamo ditamukan di pedalaman Sumatra pado awal abad ka 19 oleh profesor botani asa Balando banamo Teijsman atau Elias Teymann Johannes. Jenis daun iko marupokan salah ciek dari ampek anggota genus Johannestijsmania nan hanyo tumbuah di daerah hutan Asia Tenggara.[3]

Di Indonesia punyo beberapo sabuikan nan berbeda untuak daun raksasa iko yaitu daun payuang Sang Gajah, Sang Minyak (Sumatra Utara), Daun Salo (Riau). Sedangkan di negara lain mode Malaysia disabuik daun sal, di Thailand disabuik bang soon, dan di Inggris disabuik joey palm, diamond joey palm, atau umbrella leaf palm.[3]

Karakteristik[suntiang | suntiang sumber]

Daun Sang biasonyo tumbuah sacaro tunggal dengan daun sabanyak 20-30 halai dalam ciek tanaman. Dikatoan daun raksasa karano ukuran daunnyo nan sangaik gadang. Panjang daunnyo antaro 3-6 meter dengan leba daun mancapai 1 meter. Jikok dicaliak dari jauah, tanaman iko tampak indak babatang.[4]

Daun nan disabuik daun payuang iko mamiliki bantuak maleba di bagian tangah dan runciang di bagian ujuang dan pangka daun. Daun iko cukuik taba dengan guratan di pamukoan gerigi di tapinyo sarato duri tabaliak pado kaduo sisi palapah daun.[4] Daunnyo nan bawarno ijau mangkilek mode daun karambia, mambuek Daun Sang mamikek ati nan malieknyo.[5]

Sakileh, Daun Sang tampak hanyo tadiri dari daun tanpa panompang batang. Iko karano ukuran batangnyo nan pendek acok tasambunyi di dalam tanah, sahinggo hanyo daunnyo se nan tampak ka pamukoan.[6]

Daun iko indak tahan panas sahinggo manyababkan Daun Sang hanyo tumbuah di tampek nan talindungi dari sinar matoari. Biasonyo, tanaman iko tumbuah di bawa pohon rindang supayo dapek malindunginyo dari panasnyo terik matoari. Pola tumbuahnyo pun bakalompok atau barumpun.[6]

Karakteristik lainnyo adolah pertumbuhannyo barado di daerah 85 hingga 175 meter di ateh  pamukoan lauik dan acok ditamukan di daerah tropis tarutamo di lereang bukik dengan kemiringan 45 derajat atau lereang nan curam dengan kemirinangan labiah dari 60 derajat.[4]

Untuak pakambangbiakkannyo, Daun Sang labiah acok tumbuah dari tuneh dibandiang biji karano bijinyo nan bakulik taba dan kareh. Patumbuahannyo tagalong lambek dan hanyo biso tumbuah di hutan primer. Inyo akan mudah mati jikok sakaliliangnyo dibuka sabagai perkebunan. Akibaik suliknyo budidaya dan patumbuhan nan lambek, Daun sang menjadi langka.[4]

Manfaaik[suntiang | suntiang sumber]

Dahulu Daun Sang acok dimanfaaikkan oleh masyarakaik satampek sebagai atok rumah, atok dan dinding gubuak hinggo pintu sabab ukurannyo nan gadang dan kuek. Sampai kini, masih banyak masyarakaik Besitang, Langkat mamanfaaikkan Daun Sang sebagai bahan untuak pembuatan atok gubuak di ladang.[4][7]

Untuak mamanfaaikkan Daun Sang sebagai atok indaklah sulik, nan paralu dipasiapkan tantunyo Daun Sang. Kamudian potong daunnyo mulai dari pangka, supayo Daun Sang indak tabalah. Siap itu, jamua Daun Sang hinggo kariang lalu disusun manjadi papan. Pangariangan bisa dilakukan dalam waktu 5 ari jiko cuaca cukuik terik. Selanjuiknyo daun yang alah disusun diikaik ka karangko kayu untuak dijadikan dindiang atau dianyam manjadi atok. Daun Sang iko bisa batahan hinggo batahun-tahun.[4][7]

Rujuakan[suntiang | suntiang sumber]

  1. "Johannesteijsmannia altifrons (Reich.f. et Zoll) Moore Jr." The Plant List. Diarsipkan dari versi asli tanggal 2021-03-14. Diakses tanggal 12 Juni 2015. 
  2. Zollinger, H. 1858 ("1856"). "Ueber ein neue Palmengeslecht von der Insel Sumatra." Linnaea. Ein Journal für die Botanik in ihrem ganzen Umfange. t. 28: 657. Braunschweig :Halle a.d.S 1856 [publ. Feb 1858]
  3. a b c "Indonesia.go.id - Daun Sang, Tanaman Unik Ini Ditemukan di Sumatera Utara". indonesia.go.id (dalam bahasa Indonesia). Diakses tanggal 2022-04-22. 
  4. a b c d e f "Daun Payung: Tumbuhan dengan Daun Raksasa – Wanaswara". wanaswara.com (dalam bahasa Inggris). Diarsipkan dari versi asli tanggal 2022-05-23. Diakses tanggal 2022-04-22. 
  5. Media, Kompas Cyber (2021-05-22). "Mengenal Daun Sang, Tanaman Unik yang Ditemukan di Pedalaman Sumatera oleh Profesor Asal Belanda Halaman all". KOMPAS.com (dalam bahasa Indonesia). Diakses tanggal 2022-04-22. 
  6. a b berkata, Tari (2013-04-26). "Daun Sang, Daun Raksasa Penghuni Sumatera | Go Sumatra". www.gosumatra.com (dalam bahasa Indonesia). Diakses tanggal 2022-04-22. 
  7. a b "Daun Sang, Tanaman Unik Indonesia | Kebunpedia". www.kebunpedia.com (dalam bahasa Inggris). Diarsipkan dari versi asli tanggal 2017-08-08. Diakses tanggal 2022-04-22.