Darsjaf Rahman

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Darsjaf Rahman marupokan seorang Wartawan Tigo Zaman Panando Tangan Petisi 50 , yang dilahiaan di Padang, 1 Desember 1920. Beliau tamasuak anggota panagak PT Gunung Agung, panabik dan toko buku paliang gadang di Indonesia sampai tahun 1980-an. Inyo mahabiaan maso ketek di Padang, sarato alah manjalani pandidikan HIS (SD zaman Belanda) dan MULO (satingkek SMP) lalu dilanjuikan ka PAMS Kweekschool di Batavia. Beliau malanjuikan kuliah di Perguruan Tinggi Islam, Jakarta, tu malanjuikan ka Fakultas Hukum Universitas Indonesia, tapi indak tamaik. Darsjaf mandapaikan pandidikan jurnalistik dari School of Journalism, Colombia University, Amerika Serikat.[1]

Karir[suntiang | suntiang sumber]

Karir jurnalistik Darsjaf Rahman bamulo sabagai redaktur Perkabaran Bahasa Indonesia Radio Jepang di Jakarta atau Jakarta Haso Kanri Kyoku (1943-1945), sudahtu inyo manjadi wartawan Radio Republik Indonesia (RRI) sasudah merdeka. Beliau marupokan salah satu wartawan nan tacataik managakan sarato mambantuak Persatuan Wartawan Indonesia yang duduak sabagai wakil ketua. Salanjuiknyo manjadi Sekretaris I PWI Pusat atau satingkek Sekjen PWI kini yang dulu alun ado.

Darsaf pernah malakukan pajalanan ka Amerika Serikat, sarato babagai negara Asia jo Eropa. Darsjaf pernah manjadi delegasi wartawan Indonesia ka Jepang dalam rangko manjalin karajo samo persahabatan jo pers Jepang basamo anggota delegasi lainnyo yaitu Adam Malik (Antara),Nyonya Supeni (Suluh Indonesia), Suardi Tasrif (Abadi), Santoyo (Pedoman), dan Mohammad Jusuf (Merdeka).

Pangalaman paliang bakasan dek Darsjaf rahman ko yaitu katiko manjadi Pemimpin Redaksi Abad Muslimin majalah nan banafaskan Islam jo anti-PKI.Pado maso tu Abad Muslimin manjadi saluran Rosihan untuak mamuaik tulihan-tulihan. Dengan namo samaran : Muttaqien. Satelah di Abad Muslimin Darsjaf Rahman parnah manjadi anggota Dewan Redaksi Sari Pers dan Majalah Boss (1976-1977) sarato Pemimpin Redaksi Majalah Dialog (1978-1978).

Salain tu Darsjaf Rahman parnah manulih buku, salah satunyo yaitu biografi H.B. Jassin, Antara Imajinasi dan Hukum. Jassin jo Darsjaf ko marupokan konco lamo dan parnah talibaik dalam karajo samo dalam pernerbitan majalah Sastra. Jassin marupokan pemimpin redaksi sedangkan Darsjaf sabagai pemimpin umum.

Darsjaf aktif dalam babagi kagiatan sosial darato kaagamoan, bahkan inyo bagabuang jo kalangan tokoh bangsa nan kritis tahadap pamarintahan di zaman Soeharto.

Rujukan[suntiang | suntiang sumber]

  1. CHANIAGO, HASRIL (2018). 121 WARTAWAN HEBAT DARI RANAH MINANG & SEJUMLAH JUBIR RUMAH BAGONJONG. PADANG: BIRO HUMAS SETDA SUMATERA BARAT. pp. 119-121.