Danau Tanganyika

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Nelayan di ateh danau Tanganyika

Danau Tanganyika adolah danau nan talatak di Afrika tangah (3° 20' to 8° 48' LS dan 29° 5' to 31° 15' BT). Danau ko dipakiroan tamasuak danau kaduo nan paliang dalam sasudah Danau Baikal di Siberia, Rusia.

Geografi[suntiang | suntiang sumber]

Danau ko barado di Western Rift di daerah Great Rift Valley nan dilingkupi dek dindinang pagunuangan dari ngarai tu. Danau ko marupoan danau ngarai paliang gadang jo paliang dalam di di Afrika atau nomor 2 paliang dalam di dunia sarato manyimpan cadangan aia tawa paliang banyak. Panjangnyo mambantang sakitar 673 km di arah Utara-Selatan jo leba rato-rato 50km. Danau ko malingkupi area salueh 32,900 km², jo panjang garis tapi 1,828 km sarato kadalaman rato-rato 570 m nan kadalaman maksimum nyo1,470 m (di cekungan paliang utara) manyimpan cadangan aia nan volume perkiraannyo 18,900 km³. Suhu di permukaannyo sakitar 25 °C sarato mempunyoi pH rato-rato 8.4.[1]

Lataknyo di daerah tropis jo punyo kadalaman yang gadang, mancegah tajadinyo 'turnover' dari massa aia, sahinggo aia nan barado di bagian dalam manjadi aia fosil nan basifaik anoksik (kurang oksigen). Areal tangkapan danau 231,000 km², jo duo sungai utamo nan mailia ka danau jo sungai-sungai lain nan alirannyo labiah ketek, sarato ciek aliran kalua utamo yaitu Sungai Lukuga.

Sumber aia utamo barasa dari Sungai Ruzizi, masuak di sabelah utara malalui Danau Kivu, jo Sungai Malagarasi, nan marupoan sungai paliang gadang kaduo di Tanzania, masuak malalui sisi timur Danau Tanganyika.

Danau Tanganyika dari foto udara, Juni 1985

Danau ko talatak di kawasan 4 negara yaitu Burundi, Republik Demokratik Kongo (DRC), Tanzania jo Zambia, nan pembagian wilayahnyo untuak DRC (45%) jo Tanzania (41%) marupoan bagian paiang gadang dari wilayah danau ko.

Biologi[suntiang | suntiang sumber]

Danau ko dihuni sakitar 300 spesies ikan cichlid jo 150 spesies non-cichlid, nan sabagian gadang hiduik di daerah zona benthic (di dakek dasar danau). Biomassa ikan paliang gadang barado di zona pelagic (aia tabukak) jo didominasi dek anam spesies - duo spesies Tanganyika sardine jo ampek spesies predator Lates (masih bakaikan, tapi indak samo jo Perch Sungai Nil nan alah mamusnahan ciclids Danau Victoria). Spesies lain nan ado di danau tu misalnyo Tang cobra, jo ula aia.

Industri[suntiang | suntiang sumber]

Hasil tangkapan ikan nelayan di danau ko marupoan sumber protein utamo bagi panduduak lokal disiko. Kurang labiah ado 45 ribu urang nan baprofesi sabagai nelayan dari sakitar 800 titik panangkapan ikan. Hasil tangkapan ko salanjuiknyo di ekspor ka sadolah penjuru Afrika Timur. Panangkapan ikan komerisal modern dimulai sajak patengahan 1950-an jo maningkek sacaro drastis. Salamo tahun 1995 total tangkapan ikan sabanyak kurang lbiah 180,000 ton.

Sijarah[suntiang | suntiang sumber]

Danau ko patamo kali ditamuan dek pengelana dari Eropa pado tahun 1858 (Richard Burton jo John Speke) katiko malakuan panjalajahan guno mancari mato aia Sungai Nil. Speke malanjuikan pancarian ko hinggo manamuan sumber aslinyo yaitu Danau Victoria.

Liek pulo[suntiang | suntiang sumber]

Rujuakan[suntiang | suntiang sumber]

  1. "Danau Tanganyika Memanas Cepat dan Sekarat". Tempo.co.