Bukik Kanduang, X Koto Diatas, Solok
| Bukik Kanduang | |
|---|---|
| Nagara |  Indonesia |
| Provinsi | Sumatera Barat |
| Kabupaten | Solok |
| Kecamatan | X Koto Diatas |
| Kodepos | 27355 |
| Laweh | 28km2 |
| Panduduak | 1.088 jiwa |
Bukik Kanduang adolah sabuah nagari nan talatak di Kecamatan X Koto Diateh, Kabupaten Solok, Sumatera Barat. Nagari ko punyo wilayah salaweh 28 km2. Di taun 2022, panduduak di nagari ko ado 1.088 jiwa, nan tadiri dari 928 urang padusi jo 960 urang laki-laki. Kepadatan panduduaknyo mancapai 67,43 jiwa per km2.[1]
Parekonomian
[suntiang | suntiang sumber]Parekonomian di nagari ko baragam, mulai dari batani, bakabun, inggo bataranak. Salaian tu ado juo kerajinan niru, yang tabuek dari batuang yang diirih inggo mambantuak pita-pita nan siap dianyam. Asia karajinan ko bisa wak caliak, tautamo di Jorong Sopan Balai. Ado juo kipeh padi nan tabuek dari kayu jo tariplek nan baguno sabagai pamisah padi nan alah dipanen dari daun-daunnyo. Karajinan ko sangaik eksis inggo kini di Nagari Bukik Kanduang. Untuak pamasarannyo ado di Kabupaten Solok, Tanah Data, inggo lua Sumatra Barat.
Di nagari ko ado sabuah pasa nan banamo Pasa Bukik Kanduang, nan bukak tiok hari kamih[1].
Bateh Wilayah
[suntiang | suntiang sumber]Nagari Bukik Kanduang talatak di bagian utara Kecamatan X Koto Diateh, babateh langsuang jo Kabupaten Tanah Data.
| Arah | Bateh |
|---|---|
| Utara | Kabupaten Tanah Data |
| Timur | Nagari Pasilihan |
| Selatan | Nagari Sulik Aia |
| Barat | Kabupaten Tanah Data |
Jorong
[suntiang | suntiang sumber]Ado 5 jorong nan talatak di nagari ko[1]:
- Data
- Mudiak
- Panjalangan
- Sawah Kasiak
- Sopan Balai
Rujuakan
[suntiang | suntiang sumber]- ↑ a b c "Kecamatan X Koto Diatas Dalam Angka 2023 - Badan Pusat Statistik Kabupaten Solok". solokkab.bps.go.id. Diakses tanggal 2024-10-20.
