Botatah

Dari Wikipedia baso Minang, ensiklopedia bebas
Loncat ke navigasi Loncat ke pencarian

Botatah adolah tradisi turun mandi anak nan ado di masyarakaik Lansek Kadok, Kecamatan Rao Selatan, Kabupaten Pasaman, Provinsi Sumatra Barat. Sabuah warisan maso lampau dari katurunan Nan Dipatuan Padang Nunang, sebuah kerajaan di Kerajaan Pagaruyung.

Botatah pado masyarakaik Lansek Kadok masih taruih dipatahanan. Apobilo urang tu indak manuruikan tradisi iko, mako ado kapicayoan bahasonyo si anak nan indak manjalanan tradisi iko ka marasoan sakik. Kawajiban iko indak sajo untuak urang nan ado di kampuang tapi urang parantauan musti manjalankan pulo. Dek rang rantau tradisi ko di karajoan di kampuang halamannyo.

Makasuik dari tradisi turun mandi iko adolah untuk mambari tau kapado anak tantang paik, manih, asin, jo padehnyo iduik di dunia ko. Pambaritauan sarupo ko batujuan supayo anak dalam alam bawah sadarnyo buliah manarimo kanyatoan iduik sacaro bijak katiko inyo lah gadang[1].

Rujuakan[suntiang | suntiang sumber]

  1. Leonard Rois dkk, Arios (2017). Masyarakat & Budaya. Padang: Balai Pelestarian Nilai Budaya Sumatera Barat. pp. 161. ISBN 978-6026554-10-9.