Batu basurek Kuburajo II

Dari Wikipedia baso Minang, ensiklopedia bebas
Loncat ke navigasi Loncat ke pencarian
Iasan bungo matoari pado batu di sabalah suok dari batu basurek Kuburajo II. Poto koleksi Tropenmuseum, Balando.

Batu basurek Kuburajo II adolah salah satu batu basurek paninggalan dari maso Rajo Adityawarman. Di komplek batu basurek ko, ado tigo buah batu bajaja nan ukuarannyo gadang, disusun sarupo sandaran tampek duduak untuak rapek para pangulu/kapalo adaik di maso daulu.[1]

Nan disabuik jo namo batu basurek Kuburajo II ado di tangah, sadang batu-batu nan di suok jo di kida dibari iasan nan basipaik candrasangkala. Batu basurek Kuburajo II tadiri dari salapan barih nan ditulih dalam bahaso campuaran Sanskerta jo Jawa Kuno. Aratinyo masih sarik dikataui, namun ado duo kato puri jo sthana nan kamungkinan marujuak pado istano rajo.[1]

Batu di sabalah suok baiasan bungo matoari jo ampek vajra (simbol), yaitu tujuah alai daun, jo tigo kuncuik bungo, nan dapek diaratian 12, 7, jo 3, yaitu 1273 Saka atau 1351 Masehi.[2]

Batu nan di sabalah kida baiasan labi nan di tangah badannyo ado lingkaran malambangan matoari, badannyo basagi anam, kapalonyo maadok ka bawah, nan dapek diaratian 12, 6, jo 1, yaitu 1261 Saka, atau 1339 Masehi.[2]

Caliak pulo[suntiang | suntiang sumber]

Rujuakan[suntiang | suntiang sumber]