Baruang itam amerika
| Baruang itam amerika | |
|---|---|
| |
| Baruang itam amerika di salah satu Taman Nasional di Kanada | |
| Klasifikasi ilmiah | |
| Kingdom: | Animalia |
| Phylum: | Chordata |
| Class: | Mammalia |
| Order: | Karnivora |
| Family: | Ursidae |
| Genus: | Ursus |
| Species: | U.americanus |
| |
| Pasebaran baruang itam amerika di berbagai nagara. Kamungkinan baruang itam masih ado di nagara nan disangko alah punah.[1] | |
Baruang itam amerika adolah baruang nan iduik sarato dapek dijumpoi di bagian Amerika Utara. Beruang ko mamiliki bulu nan bawarna itam, coklat tuo, coklat mudo, atau barwarna abu-abu kacoklatan. Mamiliki kapalo nan gadang sarato jo talingo nan relatif ketek dibandiangan jo kapalo inyo, Mato nyo ketek, bawarna hitam atau coklat nan candaruang talatak di sisi kapalo nyo. Baruang mamiliki cakar nan malangkuang sarato tajam jo panjang 5 hinggo 15 sentimeter, biasonyo digunoakan untuak mancari makanan sarato mampatahankan diri, salain itu baruang ko mamiliki gigi graham jo tariang nan gadang sarato kuek. [2][3]
Baruang ko mamiliki rato-rato barek badan bakisar antaro 90 hinggo 270 kg untuak batino jo 130 hinggo 360 kg untuak jantan. Salain itu, mamiliki panjang tangan jo kaki sacaro rato rato untuak baruang nan alah gadang adolah sapanjang 10 hinggo 15 sentimeter untuak tangan jo 15 hinggo 30 sentimeter untuak kaki. [2]
Makanan[suntiang | suntiang sumber]
Baruang itam amerika mamiliki makanan nan bamacam-macam sarato mancakup babagai jinih makanan bagantuang pado musim, sarato banyak atau saketeknyo sumber daya di lingkuangannyo. Baruang marupoan hewan omnivora, yoitu hewan nan mamakan dagiang jo tumbuhan Barikuik adolah babarapo jinih makanan nan tamasuak ka dalam makanan nyo. [4]
Buah jo tumbuhan[suntiang | suntiang sumber]
Baruang hitam mamakan banyak jinih buahan buahan saroman, blueberry, raspberry, dan blackberry, Apel, ceri, stroberi, jo jinih buah-buahan lainnyo. Indak hanyo buah, hewan ko mamakan juo babagai jinih tanaman jo biji-bijian saroman, umbi dandelion, jahe liar, atau kantang liar biji ek jo kacang kenari. Baruang mamakan juo daun ijau, rumpuik lia, jo tumbuahan lainyyo nan dapek dimakan. [4]
Dagiang[suntiang | suntiang sumber]
Indak hanyo tanaman, baruang ko mamakan juo babarapo jinih dagiang dari hewan nan lain, saroman samuik, labah, sarato larva, sarato ikan. Baruang dapek mamakan hewan nan ukurannyo cukuik gadang saroman ruso ketek atau unggeh. Salain dagiang baruang dapek juo mamakan madu dari sarang nyo. [5]
Baburu[suntiang | suntiang sumber]
Makanan baruang itam amerika banyak macamnyo bagantuang pado musim, tampek wilayah, jo jumlah makanan nan ado sumber di lingkuangannyo. Salain itu, baruang candaruang mamakan tumbuhan, katiko mamiliah dagiang atau mangso lain hanyo dalam kondisi nan tatantu. [6]
Baruang baburu bamacam-macam tumbuhan jo buah-buahan. baruang mancari buah-buahan saroman berry jo madu, sarato manggali bamacam tanaman saroman umbi-umbian, jo kantang.
Baruang itam mamiliki panciuman nan kuek sarato tajam. Inyo dapek maidua mangso dari jarak nan cukuik jauah sarato dapek mandeteksi kahadiran mangsonyo. Salain itu inyo baburu bamacam-macam jinih saranggo, saroman samuik, labah, jo larva. Inyo dapek juo mamakan mamalia ketek saroman mancik, tupai, atau kalinci. Salain baburu saranggo jo hewan mamalia, baruang juo baburu jo caro marusak sarang buruang untuak mandapekan talua atau mancari sarang saranggo untuak mamakan larva atau saranggo nan alah gadang. [7]
Tampek tingga[suntiang | suntiang sumber]
Baruang itam amerika adolah jinih baruang nan mamiliki panyebaran nan cukuik lueh di Amerika Utara. Inyo dapek dijumpoi di bamacam tampek, saroman rimbo, pagunuangan, padang rumpuik, hinggo daerah pasisia. Barikuik panyebaran baruang itam amerika di Amerika Utara. [8][9]
Kanada[suntiang | suntiang sumber]
Baruang itam amerika manyebar di saluruah Kanada, dari wilayah pagunuangan hinggo hutan boreal di utara. Inyo dapek dijumpoi di hampia saluruah provinsi nan ado di wilayah Kanada. [9]
Amerika Sarikat[suntiang | suntiang sumber]
Baruang itam merika dapek juo dijumpoi di sabagian daerah di bagian Amerika Sarikat. Inyo manyebar dari Alaska di barat lauik hinggo Florida di tenggara, jo dari California di barat daya hinggo Maine di timur lauik. [9]
Meksiko[suntiang | suntiang sumber]
Di Meksiko, baruang itam amerika dapek dijumpoi di bamacam tipe tampek tingga tamasuak di pagunuangan, rimbo, jo daerah dataran randah. Inyo dapek dijumpoi di babarapo bagian tangah jo utara Meksiko. [9]
Bakambang biak[suntiang | suntiang sumber]
Baruang itam mampunyoi babarapo tahapan dalam proses bakambang biak, mulai dari proses mancari pasangan hinggo anak baruan lahia. Baruang akan mancari pasanan katiko musim kawin dimulai, wakatu musim kawin baruang adolah antaro bulan Mei hinggo Juli, bagantuang pado tampek tingga jo kondisi lingkuangan sakitar. Pado musim kawin, baruang jantan akan mancari baruang batino maskipun mamilki jarak nan cukuik jauah. Satalah mandapekan pasangan, baruang jantan jo batino akan bagaluik jo bamain main, jiko batino manarimo jantan, kaduo baruang itu akan manganai, saroman hewan pado umumnyo. [10]
Panundoan implanasi[suntiang | suntiang sumber]
Katiko alah manganai, sperma baruang jantan indak lansuang mambuahi sel talua di dalam badan batino. Proses iko disabuik "panundoan implanasi". Sel talua nan alah dibuahi akan tetap mangambang di dalam rahim batino salamo babarapo bulan sabalum malakek bana sausai itu mamulai bakambang nyo embrio. [11]
Implanasi jo bakambang embrio[suntiang | suntiang sumber]
Sausai babarapo bulan panundoan implanasi, sel talua nan alah dibuahi akan malakek di dindiang rahim batino sarato mulainyo bakambang manjadi embrio. Proses kahamilan pun dimulai.
Proses kahamilan baruang batino salamo sakitar 6 hinggo 8 minggu sausai proses implanasi. Jumlah wakatu kahamilan bisa babeda-beda bagantuang pado individu jo lingkuangan. Satalah malalui proses kahamilan, baruang batino akan malahian biasonyo tajadi salamo musim dingin atau awal musim semi, bagantuang pado tampek jo cuaca. Baruang batino akan malahiakan ciek hinggo tigo anak baruang. [12]
Parilaku jo kabiasaan[suntiang | suntiang sumber]
Hibernasi, baruang akan malakukan maso hibernasi salamo babarapo bulan katiko tampek tingga nyo mamiliki musim dingin nan ekstrem. Salamo hibernasi, inyo akan lalok panjang sarato mamanfaatkan cadangan lamak nan ado di badan nyo. Dalam kahidupan sahari harinyo baruang candaruang aktif nan utamo di malam ari atau katiko sanjo. Baruang mamanfaatkan waktunyo di malam ari untuak mancari makanan, saroman babarapo jinih buah-buahan, biji-bijian, akar, sarato umbi jo kantang. Katiko baburu baruang manggunoan cakar nyo untuak mancari makanan saroman, manggali tanah untuak mancari umbi-umbian, mamanjek pohon untuak mancari sarang buruang, mancari sarang labah untuak diambiak madunyo.
Baruang itam amerika mamiliki parilakujo kabiasaan hiduik nan inyo lakukan untuak kalansuangan hiduiknyo di banyak macam tipe tampek tingga. Kabiasaan diantaronyo adolah, baruang maropoan hewan soliter nan ma biaso hiduik surang, baruang akan iduik sacaro basamo katiko mampunyoi batino sarato anak. [13]
Rujuakan[suntiang | suntiang sumber]
- ↑ "Crash involving bear reported on I-485 in south Charlotte". WSOC (dalam bahasa Inggris). Diakses tanggal 2020-10-13.
- ↑ a b "American Black Bear - Ursus americanus - NatureWorks". nhpbs.org. Diakses tanggal 2023-09-21.
- ↑ "The American Black Bear". web.archive.org. 2010-03-15. Archived from the original on 2010-03-15. Diakses tanggal 2023-09-21.
- ↑ a b Brown, Gary (1993). The great bear almanac. New York: Lyons & Burford. ISBN 978-1-55821-210-7.
- ↑ academic.oup.com https://academic.oup.com/jmammal/article/84/2/594/2373558?login=false. Diakses tanggal 2023-09-21. Tidak memiliki atau tanpa
|title=(bantuan) - ↑ Herrero, Stephen (2002). Bear attacks: their causes and avoidance (edisi ke-Rev. ed). Guilford, Conn: Lyons Press. ISBN 978-1-58574-557-9.
- ↑ Macdonald, David W., ed (2009). The encyclopedia of mammals (edisi ke-New ed.). Oxford: Oxford Univ. Press. ISBN 978-0-19-956799-7.
- ↑ "Index for Mammalian Species - Virginia Hayssen". www.science.smith.edu. Diakses tanggal 2023-09-21.
- ↑ a b c d Hunter, Luke; Barrett, Priscilla (2011). Carnivores of the world. Princeton field guides (edisi ke-1. publ). Princeton, NJ: Princeton Univ. Press. ISBN 978-0-691-15228-8.
- ↑ "Urban Black Bears 'Live Fast, Die Young'". ScienceDaily (dalam bahasa Inggris). Diakses tanggal 2023-09-21.
- ↑ "Black bear | Size, Weight, Habitat, Diet, & Facts | Britannica". www.britannica.com (dalam bahasa Inggris). 2023-08-08. Diakses tanggal 2023-09-21.
- ↑ "World's oldest-known wild black bear dies at 39: News Releases: Minnesota DNR". web.archive.org. 2016-03-04. Diarsipkan dari versi asli tanggal 2016-03-04. Diakses tanggal 2023-09-21.
- ↑ "American Black Bear - Facts, Diet, Habitat & Pictures on Animalia.bio". animalia-bio.translate.goog. Diakses tanggal 2023-09-21.