Barakik-Rakik
Barakik-Rakik adolah sabuah tradisi Anak Nagari Salingka Danau Maninjau, Kecamatan Tanjung Raya, Kabupaten Agam, Sumatera Barat. Barakik-rakik ko di adoan pado malam takbiran guno untuak manyambuik Hari Rayo Idul Fitri. Tradisi ko diadokan satiok tahun pado malam takbiran. Tradisi ko alah ado sajak zaman panjajahan kudian bakambang sampai kini dek anak nagari.
Manjalang malam takbiran, para pemuda mambuek rakik dari batuang, kudian dibantuak sarupo miniatur Rumah Gadang atau miniatur musajik di atehnyo. Sasudah tu rakik dihiasi jo lampu jo lampion sarato obor sabagai panarang bia nampak rancak di ateh danau. Biasonyo, di ateh rakik dilatakan sakitar 20 buah badia-badia batuang.
Tradisi ko biasonyo diadoan mulai pukua 22.00 WIB sampai subuah.Rakik-rakik balayia ka tangah danau kudian malatuihan badia. Badia-badia batuang nan dilatuihan, manuruik tatuo sabagai bantuak palawanan kapado panjajah. Suasano jadi tambah mariah dan sakral katiko takbir bakumandang diiriangi bunyi latuih badia batuang di tambah jo tambua tansa di tapian danau. [1][2]
Rujuakan:
- ↑ ""Barakik-Rakik" di Danau, Tradisi Unik Anak Nagari Salingka Danau Maninjau Sambut Lebaran". www.harianhaluan.com. Diakses tanggal 2019-10-24.
- ↑ "Rakik-Rakik Meriahkan Takbiran di Danau Maninjau". Portal Berita Singgalang (dalam bahasa Indonesia). 2017-06-26. Diakses tanggal 2019-12-05.