Badia-Badia Batuang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Badia-Badia Batuang marupokan pamainan anak nagari di babarapo Nagari di Provinsi Sumatera Barat. Pamainanko biasonyo dimainkan katiko bulan puaso nan sangaik ditunggu-tunggu dek anak-anak. Anak-anak ko manjadian pamainan badia-badia batuang ko sabagai media untuak manjagoan masyarakaik sakita untuak sahur, dimainan untuak mangisi waktu katiko manunggu azan magrib tibo untuak babuko puaso, atau indak dimainan katiko alah sudah sholat tarawiah di musajik.[1][2]

Badia-badia ko tabuek dari batuang nan baukuran gadang. Batuang ko dibuek lubang pado sakek-sakek rueh  sahinggo manjadi sarupo pipa, tapi pangkehnyo indak dilubangi, karano dipagunoan untuak manampuang minyak tanah. Pado bagian atehnyo dibuek lubang ketek untuak mangisi minyak jo mamasuakan sumbu api. Untuak mamiliah batuangnyo, biasonyo yang indak talalu tuo atau indak nan talalu mudo.[2]

Badia batuang ko biasonyo dimainan dek anak-anak nan barumua 8-13 tahun. Alaik badia-badia ko sarupo jo mariam jaman panjajahan kolonial Balando, baitu pulo jo bunyinyo. Caro mamainannyo adolah jo mamasuakan  kain-kain nan indak tapakai ka dalam batuang yang alah balubangi nan panjangnyo bambunyo sekitar 3 meter, abis tu basiram jo minyak tanah sacukuiknyo sabagai bahan bakanyo. Pamainan badia-badia batuang ko tabilang mampunyoi resiko nan randah, yaitu apinyo nan bisa mambaka bagian muko, alih atau bulu mato.[1][2] tabakanyo bulu alih atau bagian muko katiko maambuih lubang sumbu. Tapi harus juo di paratian jiko pamainan ko alah malibaikan benda-benda yang disalaikan di ujuangnyo nan sarupo kaleng bakeh. Tantunyo kaleng ko tacampak katiko badia-badia ko disuluik jo maledak, apolai jiko ditambahan karbit sabagai bahan paledaknyo, alah dipastian  efek ledakannyo sangaik kuek nan akan mambuek suasano samakin riuh.

Pamainan ko pasti awak nan mamainannyo kanai berang dek urang rumah atau tetanggo sakita dek bunyinyo nan mamakakan talingo yo nan sarupo jo bunyi mariam, tapi yo indak namuah baranti mamainannyo, dek karano sero jo mariah, apolai mamainannyo jo kawan-kawan. Tapi kini payah mancaliak anak-anak yang masih bamain badia-badia batuang bahkan indak mungkin lai ditamuan di babarapo daerah.[2]  karano anak-anak kini labiah mamiliah main jo alaik-alaik tekhnologi sarupo hp, honda atau sabagainyo nan alah dibalian dek urang gaeknyo.

Rujuakan[suntiang | suntiang sumber]

  1. a b "Badia Batuang Permainan Asal Padang » Budaya Indonesia". budaya-indonesia.org. Diakses tanggal 2020-02-26. 
  2. a b c d "Mengenang Badia-badia Batuang, Permainan Rakyat yang Sudah Mulai Terlupakan". POROSRIAU.COM (dalam bahasa Indonesia). Diakses tanggal 2020-02-26.