Bangso Khazar

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Situs benteng Khazar di Sarkel. Foto udara dari ekskavasi nan dilakuan dek Mikhail Artamonov di taun 1930-an.

Bangso Khazar (bahaso ibrani tunggal "Kuzari" כוזרי; bahaso Arab خزر; bahaso Turki tung. "Hazar" jam. Hazarlar; bahaso Yunani Χαζαροι; bahaso Rusia Хазары; bahaso Tatar; tung. Xäzär jam. Xäzärlär; bahaso Persia خزر; bahaso Latin "Gazari" atau "Cosri") adolah urang-urang Turkik satangah nomaden dari Asia Tangah. banyak diantaronyo alah mamaluak Yudaisme. Namo 'Khazar' nampaknyo bakaikan jo kata karajo bahaso Turkik nan bararti "mangambara" (gezer dalam bahaso Turki) modern. Pado abaik ka-7 M urang ko alah mandirian sabuah Khaganat nan mandiri di Kaukasus Utara di sapanjang lauik Kaspia. dan di sinan lambek laun Yudaisme manjadi agamo negara. Pado puncak kejayaannyo, urang ko jo cabang-cabangnyo manguasai sabagian gadang dari wilayah Rusia selatan kini, Kazahkstan barat, Ukraina timur, jo sabagian gadang Kaukasus (tamasuak Dagestan , Azerbaijan, Georgia, dll), dan daerah Krim.

Bangso Khazar adolah sekutu pantiang Kekaisaran Bizantium untuak manghadoki Kekaisaran Sassania, juo marupokan kekuatan utamo di wilayah itu pado puncak kejayaannyo. Bangso Khazar ko talibek dalam serangkaian paparangan nan inyo manangi dengan Kekhalifahan Arab, kamungkinan manghalangi invasi arab ka Eropa Timur. Pado akhir abaik ka-10, kakuasaannyo dipatahkan dek Rus Kiev, dan bangso Khazar buliah dikatoan lenyap dari sijarah. Sajumlah sejarawan mangajuan teori jikok bangso Khazar ikuik manurunan urang Yahudi Ashkenazim modern. Teori iko sacaro politik dianggok sensitif. Studi-studi genetika pado maso kini manunjuakan bahwa Y-DNA Yahudi condong barasa dari Timur Tengah, dan studi-studi nan mamparituangan mtDNA mampaliekan bahwasanyo banyak panduduak Yahudi nan takaik jo kalompok-kalompok non-Yahudi di sakitarnyo lewat garis amak. "Samantaro studi-studi iko juo manunjuakan bahwasanyo sajumlah urang Yahudi Ashkenaz mampunyoi niniak moyang Eropa Timur non-Yahudi, inyo mambantah klaim-klaim jikok urang Ashkenazi tarutamo adolah katurunan bangso Khazar.[1]

Suku-suku[suntiang | suntiang sumber]

Bantuak kasukuan bangso Khazar alum dipahami bana. Inyo sarupo banyak bangso-bangso Turkik, nampaknyo tabagi antaro Ak-Khazar ("bangsa Khazar putih") jo Kara-Khazar (bangso Khazar itam"). Para panulih sarupo misalnyo Graetz kaliru mayakini bahwasanyo iko adolah pambagian rasial. Kanyataanyo, pambagian itu indak ado hubuangannyo jo panampilan fisik ataupun identifikasi rasial. Pambedaan Itam-Putiah iko adolah pambagian sosial nan umum di kalangan suku-suku nomadik Eurasia. Kalompok "Putiah" mawakili kaum bangsawan, elit perwira jo kelas panguaso, samantaro kalompok "Itam" tadiri dari rakyat jelata, padagang, dll.

Peter Golden baspekulasi bahwasanyo etnis Khazar marupokan gabuangan antaro bangso Oghurik jo bangso-bangso Turkik biaso, tamsasuak bangso Sabir jo Hun Kaukasia Utara sarato unsur-unsur dari bangso Gokturk.

Saurang panulih Yahudi, Arts Kistier, saurang sarjana nan jarang ado tandiangannyo di kalangan Yahudi, mamandang Yahudi Khazar iko iolah kabilah katigo baleh, jo Kistler sacaro praktis bakasimpulan dalam bukunyo The Thirteenth Tribe,bahwa mayoritas kaum Yahudi kiniko indak barasa dari duo baleh kabilah katurunan Nabi Ya'qub sabagaimano kisah tantangnyo disabuikan dalam Alquran jo Taurat. Bahkan, inyo alah manyimpang dari kabilah Khazar, kabilah katigo baleh. Katurunan inyo ko manyeba ka babagai negara Eropa Timur, khususnyo Polandia, Hongaria jo Rusia. Artinyo, inyo indak barasa dari Plestina. tapi dari Kaukasia jo Asia Tangah. Iko bisa manulak jo mambatalan istilah lahirnyo pamusuahan di kalangan urang-urang Semit dari baniah-baniah urang Palestina.

Bakitu pulo manuruik pangakuan Profesor Abraham Bolyake, saurang Yahudi katurunan Rusia, nan kamudian bahijrah ka Palestina jo ayahnyo pado taun 1923. Pado maso salanjuiknyo, inyo manjadi guru gadang sijarah Yahudi di Universitas Tel Aviv. Dalam babagai kajian jo tulisannyo, inyo manyatokan Yahudi nan kiniko manyempa dari Khazar, suku katigo baleh. Bahkan, inyo sacaro tarang-tarangan manyerang pandapaik nan mangatoan urang Yahudi kini iolah palarian dari kabilah nan konsisten pado Taurat. Tantu sajo pandapiknyo mambantah carito atau dongeng tantang kaum Yahudi sabagai bangso pilihan.

William G.Car, dalam bukunyo Bebatuan di Papan Catua, mangatoan, "Mulailah etnis salain Semit, Turki jo Finlandia, mangiriman utusannyo ka Eropa; (inyo) datang dari Asia sajak abaik ka-1 M di sapanjang pajalanan bumi nan tajadi di sabalah utara lauik Caspienne (Qiswin/Khazar). Sijarah mancataik bangso-bangso panyambah berhala ko banamo Khazar. Inyo pernah tingga di wilayah timur jauah Eropa. Disitu inyo mambantuak karajaan Khazar nan kuaik. Sasudah tu mambanggan kakuasaanyo saketek-saketek malalui paparangan bakali-kali sahinggo pado akhir abaik ka-2 M, urang ko mampu manguasai sajumlah gadang wilayah di Eropa Timur atau sabalah baraik gunuang Qural jo sabalah utara lauik itam. Katiko tuh, urang-urang Khazar labiah suko mamiliah agamo Yahudi daripado Kristen atau islam. Inyo dirikan gereja jo sikolah-sikolah untuak mangajaan jo mangembangan ajaran Yahudi di sadoalah palosok wilayah kerajaan atau kakuasaanyo. Di puncak kakuasaan jo kakuatannyo, pamarentah Yahudi Khazar maambiak upeti sacaro pakso dari duo puluah limo bangso. Saking kuaiknyo, pamarentah Khazar mampu batahan dalam kakuasaanyo salamo hampia limo ratuih tahun. Akhirnyo, pamarentahannyo nan kuaik jatuah di akhir abaik ka-13 M di tangan pamarentahan Rusia nan manyarangnyo dari sabalah utara. Praktis jiwa pambarontakan bapindah dari pamarentahan Khazar Yahudi ka tangan pamarentahan Rusia. Pambarontakan ko balanjuik hinggo tajadi pambarontakan Merah pado taun 1917. Serangan prajurik Khazar Yahudi pado awal ka-13 M manjalehan kapado kito bahwa urang-urang nan kito sabuik sabagai urang-urang Yahudi alah manetap sacaro prakits dalam pamarentahan Komunis Rusia. " (Demikian William G.Car).

Kebangkikan[suntiang | suntiang sumber]

Pambantuakan Nagori Khazar[suntiang | suntiang sumber]

Kekhanan Khazar

c. 650–969
Khazar Khaganate, 650–850
Khazar Khaganate, 650–850
StatusTemplat:Infobox country/status text
Ibu kota
Bahaso nan umum digunokanKhazar
Agamo
Qaghan (Khagan) 
• 618–628
Tong Yabghu
• Abad ke-9
Bulan
• Abad ke-9
Obadiah
• Abad ke-9
Zachariah
• Abad ke-9
Manasseh
• Abad ke-9
Benjamin
• Abad ke-10
Aaron
• Abad ke-10
Joseph
• Abad ke-10
David
• Abad ke-11
Georgios
Era SijarahAbaik patangahan
• Didirikan
c. 650
969
Laweh
850 est.[4]Lua error in Modul:Convert at line 1850: attempt to index local 'en_value' (a nil value).
900 est.[5]Lua error in Modul:Convert at line 1850: attempt to index local 'en_value' (a nil value).
Populasi
• 7Abad ke-7[lower-alpha 1]
1,400,000
Mata uangYarmaq
Templat:Infobox country/formernext

Sijarah Khazar awal bakaik araik jo sijarah imperium Gokturk, nan didirikan katiko klan Ashina manguliangan kaum Juan Juan pado 552 M. Dengan runtuahnyo imperium Gokturk / konfederasi kesukuan nan disababkan dek konflik internal pado abaik ka-7, bagian baraik dari imperium Turki tapacah manjadi duo konfederasi, yaitu bangsa Bulgar, nan dipimpin dek klan Dulo, jo bangsa Khazar nan dipimpin dek klan Ashina, para panguaso tradisional dari imperium Gokturk. Pado 670, bangso Khazar alah mahancuaan konfederasi Bulgar, jo manyisoan tigo kalompok Bulgar di Volga, Lauik Itam jo di daerah Donau.

Panamipilan siknifikan partamo bangso Khazar dalam sijarah adolah katiko inyo mambantu paparangan Kaisar Heraclius dari Bizantium dalam malawan dinasti Sassania dari Persia. Pamarentahan Khazar, Ziebel (kadang-kadang diidentifikasian dalam mangalahan Georgia. Bahkan direncanaan pakawinan antaro anak laki-laki Ziebel jo anak padusi Heraclius, tapi indak pernah tajadi.

Pado abaik ka-7 jo ka-8 bangso Khazar malakuan sarangkaian paparangan malawan Kekhalifahan Umayyah, nan sadang barusaho mampaluweh pangaurahnyo ka wilayah Transoxiana jo Kaukasus. Parang partamo balangsuang pado awal taun 650 M dan barakhir jo kakalahan pasukan Arab nan dipimpin dek Abdurrahman bin Rabiah di lua kota Khazar, Balanjar, sasudah patampuran di mano kaduo balah pihak manggunoan masin-masing pangapuangan tahadok pasukan-pasukan lawannyo.

Sajumlah sumber Rusia mambarikan namo saurang khagan Khazar, Irbis, dari maso iko jo manggambarannyo sabagai saurang nan sarupo dari kaluarga kerajaan Gokturk, Ashina. Apokah Irbis parnah ado atau indak, masih dipadebatkan, damikian pulo masalah apokah inyo dapek diidentifikasi sabagai salah ciek dari banyak panguaso Gokturk nan puno namo nan samo.

Babarapo konflik labiah lanjuik malatuih dalam dekade-dekade nan barikuiknyo, dengan serangan-serangan Arab jo Khazar ka Kurdistan jo Iran. Ado bukti dari laporan al-Tabari bahwasanyo bangso Khazar mambantuak sabuah front basamo jo siso-siso bangso Gokturk di Transoxiana.

Asa usua jo pra-sijarah[suntiang | suntiang sumber]

Asa usua bangso Khazar indak jaleh. Sasudah mamaluak Yudaisme, bangsa Khazar ko manalusuri asa usua inyo kapado Kozar, anak dari Togarma. Togarma disabuikan dalam Kitab Suci Ibrani sabagai cucu Yafet. Namun bakitu indak mungkin inyo dianggok sabagai leluhur sabalum tradisi Alkitab dipakenalan kapado bangso Khazar.

Sajumlah sijarahwan alah mancari kamungkinan hubungan antaro bangso Khazar jo suku-suku Israel nan hilang, Namun para sarjana modern umumnyo mangangok inyo sabagai bangso Turki nan bamigrasi dari Timur. Para sarjana di bakas Uni Soviet manggangok bangso Khazar sabagai panduduak pribumi dari Kaukasus Utara. Sabagian sarjana, sarupo D.M. Dunlop, manganggok bangso Khazar takaik jo sabuah konfederasi suku Tiele nan disabuik He'san dalam sumber-sumber Cino dari abaik ka-7 (Suishu, 84). Namun bakitu, bahaso Khazar nampaknyo marupokan bahaso Orghurik, nan sarupo jo bahaso nan digunoan dek bangso Bulgar kuno. Dek karno tuh, muncua dugaan pulo inyo ko barasa dari bangso Hun. Karano bangso-bangso Turkik sacaro etnis indak pernah homogen, gagasannyo indak dianggok saling eksklusif. Ado kamungkinan bahwasanyo bangso Khazar tadiri dari suku-suku nan barasa dari babagai latar balakang etnis, karano bangso-bangso steppa biasonyo manyerap bangso-bangso nan inyo taklukkan.

Peta khaganat Gokturk Barat jo Timur pado puncaknyo, kisaran 600 M. Daerah nan labiah tarang mampaliekan pamarintahan langsuang; daerah-daerah nan labiah galok warnanyo manunjuakan wilayah di bawah pangaruahnyo

Sumber-sumber[suntiang | suntiang sumber]

  • Kevin Alan Brook. The Jews of Khazaria, 3rd ed., Lanham, MD: Rowman and Littlefield, 2018.
  • Essay: Are Russian Jews Descended from the Khazars?
  • Kevin Alan Brook, "Tales about Jewish Khazars in the Byzantine Empire Resolve an Old Debate". Los Muestros, No. 54, p. 27. Archived 2009-03-30 di Wayback Machine.
  • Douglas M. Dunlop. The History of the Jewish Khazars, Princeton, N.J.: Princeton University Press, 1954.
  • Douglas M. Dunlop. "The Khazars." The Dark Ages: Jews in Christian Europe, 711-1096. 1966.
  • Peter B. Golden. Khazar Studies: An Historio-Philological Inquiry into the Origins of the Khazars. Budapest: Akademia Kiado, 1980.
  • Peter B. Golden. "Khazar Turkic Ghulâms in Caliphal Service" (Journal Artikel dalam Journal Asiatique, 2004.)
  • Peter B. Golden. "Khazar Turkic Ghulâms in Caliphal Service: Onomastic Notes" (Journal Article in Archivum Eurasiae Medii Aevi, 1993.)
  • Peter B. Golden. "Khazars" (Book Chapter in Turkish-Jewish Encounters: Studies on Turkish-Jewish Relations through the Ages, 2001.)
  • Norman Golb dan Omeljan Pritsak, Khazarian Hebrew Documents of the Tenth Century. Ithaca: Cornell Univ. Press, 1982.
  • Roman K. Kovalev. "What Does Historical Numismatics Suggest About the Monetary History of Khazaria in the Ninth Century? – Question Revisited." Archivum Eurasiae Medii Aevi 13 (2004): 97–129.
  • Roman K. Kovalev. "Creating Khazar Identity through Coins: The Special Issue Dirhams of 837/8." East Central and Eastern Europe in the Early Middle Ages, peny. Florin Curta, hlm. 220–253. Ann Arbor, MI: University of Michigan Press, 2005.
  • Thomas S. Noonan. "Did the Khazars Possess a Monetary Economy? An Analysis of the Numismatic Evidence." Archivum Eurasiae Medii Aevi 2 (1982): 219-267.
  • Thomas S. Noonan. "What Does Historical Numismatics Suggest About the History of Khazaria in the Ninth Century?" Archivum Eurasiae Medii Aevi 3 (1983): 265-281.
  • Thomas S. Noonan. "Why Dirhams First Reached Russia: The Role of Arab-Khazar Relations in the Development of the Earliest Islamic Trade with Eastern Europe." Archivum Eurasiae Medii Aevi 4 (1984): 151-282.
  • Thomas S. Noonan. "Khazaria as an Intermediary between Islam and Eastern Europe in the Second Half of the Ninth Century: The Numismatic Perspective." Archivum Eurasiae Medii Aevi 5 (1985): 179-204.
  • Thomas S. Noonan. "Byzantium and the Khazars: a special relationship?" Byzantine Diplomacy: Papers from the Twenty-fourth Spring Symposium of Byzantine Studies, Cambridge, March 1990, peny. Jonathan Shepard dan Simon Franklin, hlm. 109-132. Aldershot, England: Variorium, 1992.
  • Thomas S. Noonan. "What Can Archaeology Tell Us About the Economy of Khazaria?" The Archaeology of the Steppes: Methods and Strategies - Papers from the International Symposium held in Naples 9-12 November 1992, peny. Bruno Genito, hlm. 331-345. Napoli, Italy: Instituto Universitario Orientale, 1994.
  • Thomas S. Noonan. "The Khazar Economy." Archivum Eurasiae Medii Aevi 9 (1995-1997): 253-318.
  • Thomas S. Noonan. "The Khazar-Byzantine World of the Crimea in the Early Middle Ages: The Religious Dimension." Archivum Eurasiae Medii Aevi 10 (1998-1999): 207-230.
  • Thomas S. Noonan. "Les Khazars et le commerce oriental." Les Échanges au Moyen Age: Justinien, Mahomet, Charlemagne: trois empires dans l'économie médiévale, hlm. 82-85. Dijon: Editions Faton S.A., 2000.
  • Thomas S. Noonan. "The Khazar Qaghanate and its Impact on the Early Rus' State: The translatio imperii from Itil to Kiev." Nomads in the Sedentary World, peny. Anatoly Mikhailovich Khazanov dan André Wink, hlm. 76-102. Richmond, England: Curzon Press, 2001.
  • Omeljan Pritsak. "The Khazar Kingdom's Conversion to Judaism." (Artikel jurnal dalam Harvard Ukrainian Studies, 1978)
  • Omeljan Pritsak. "The Pre-Ashkenazic Jews of Eastern Europe in Relation to the Khazars, the Rus', and the Lithuanians". Ukrainian-Jewish Relations in HIstorical Perspective, peny. Howard Aster and Peter J. Potichnyj. Edmonton, Alberta: Canadian Institute of Ukrainian Studies Press, 1990. hlm. 7.
  • Tamara Talbot Rice. The Seljuks in Asia Minor. Thames and Hudson, London, 1961. hlm.18-19.
  • Zolitor, Jeff, Wolfe, Peter "The Khazars" Philadelphia: Conference of the Congress of Secular Jewish Organizations, (2002), Canadian Jewish Outlook (Sept/Oct 2002) /www.csjo.org/pages/essays/essaykhazars.htm

Buku-buku nan ditulih sabalum 1915 =[suntiang | suntiang sumber]

  • Itinéraires de la Terre Sainte, Carmody, (Brussels, 1847)
  • Sur le Khazars. Vivien St. Martin. (Paris, 1851)
  • Ibn Dasta, terj. oleh Chwolson, (St. Petersburg, 1869)
  • Der khazarische Königsbrief, Cassel, (Berlin, 1877)
  • Der Ursprung der Magyaren, Vambéry, (Leipzig, 1882)
  • Das Buch se-Chazari, Hirschfield, (Breslau, 1885)
  • Pre- and Proto-historic Finns, Abercromby, (London, 1898)
  • Osteuropäische und Ostasiatische Streifzüge, Marquart, (Leipzig, 1903)
  • Jewish Quarterly Review, Volume iii, halaman 181–219, "An Unknown Khazar Document," (n.s., Philadelphia, 1913)
  • Accounts of Oriental writers ditabikan di St. Petersburg dek Fraehn (1821), jo Harkavy (1874 dan berikuiknyo)

Rujuakan[suntiang | suntiang sumber]

  1. "Jewish Genetics - DNA, genes, Jews, Ashkenazi". www.khazaria.com. Diakses tanggal 2022-04-30. 
  2. Wexler 1996, hlm. 50.
  3. Brook 2010, hlm. 107.
  4. Turchin, Adams & Hall 2006, hlm. 222.
  5. Taagepera 1997, hlm. 496.


Kutipan rusak: Tag <ref> ado untuak grup banamo "lower-alpha", tapi indak ado <references group="lower-alpha"/>