Badantam

Badantam adolah salah satu tradisi alek perkawinan nan diadoan di Pariaman Timur. Badantam juo sabagai bantuak pasatuan masyarakaik ateh namo korong jo desa nan disapakati sacaro basamo dengan mangundang sagalo masyarakaik desa untuak hadir karumah sanak saudara nan akan malakuan acara alek perkawinan. Prosesi badantam adolah prosesi sabalun manikah di Sumatera Barat, khususnyo Pariaman. Sistem perkawinan di Pariaman babeda jo sistem perkawinan di daerah lain nan ruang lingkupnyo masih Sumatera Barat. Bagi masyarakaik Pariaman dikenal dengan tradisi bajapuik, sedangkan masyarakaik minang lainnyo tidak mengenal tradisi bajapuik iko. Dalam tradisi bajapuik,mempelai laki-laki "dibali" oleh mempelai padusi jo uang japuik. Nominal uang japuik ditantuan berdasarkan status sosial mempelai pria. Jika uang japuik nyo randah, berarti status sosialnyo randah. Itulah sakileh prosesi bajapuik di Pariaman.

Keterangan: Jln.Sungai Limau, Kampung Kandang, Pariaman Timur,Lubuk Alung, Kab.Padang Pariaman, Sumatera Barat, Indonesia.

Sijarah

Di dalam sijarahnyo tradisi badantam ko sangai sulik untuak di telusuri, hal itu disebabkan dek karano indak adonyo sumber tatuli yang bisa dijadian bukti. "Dantam ko alah ado sajak tahun 1945an nan pado dahulunyo zaman nenek moyang kito ado pamasalahan nan tajadi, karano masalah iko mako tajadilah tradisi badantam yaitu manilai dari kayo jo nan bansaik. Jadi tibo di nan bansaik baralek tantu indak bisa dek inyo mainjek baban barek basingguluang batu doh. Mako dari itu diadokanlah dantam diateh namo manuruik korong jo desa. Jadi, diundanglah masyarakaik banyak datang ka rumah kito. Umpamonyo ado nan maadokan suatu perkawinan pahelatan nan anak kamanakan untuak manjapuik (mambali) marapulai, tantu indak talok dek nyo mancari dana doh. Mako dari itu, diadokanlah dantam untuak maringanan baban nan barek ko. Bak kato urang dulu "tambah-tambah bali kunik,tukuak-tukuak bali lado". Mako dari ikolah kito bantu pagotongroyongan basamo untuak masyarakaik kito".

Wakatu palaksanaan

Acara badantam ko dimulai pado malam hari, sasudah acara resepsi pernikahan sakitar pukua 20.00 Wib, sabalun anak daro dianta manjalang ka rumah pihak marapulai. Katiko itu sagalo anggota kaluarga, karabat, jo masyarakaik sudah bakumpua, dan acara badantam tu dimulai. . Masyarakaik desa Kampung Kandang senantiasa ikuik serta berpartisipasi untuak mangumpuan dana bantuan dari sagalo karabat sacaro kakaluargaan.

Badantam baguno untuak manyatukan masyarakaik dalam mambantu maringankan baban masyarakaik lainnyo nan maadoan alek perkawinan.

Prosesi

Sabalum badantam dilaksanaan, ado babarapo tahapan nan harus dikatahui yaitu pado awalnyo acara badantam iko dilakuan pado malam hari tapeknyo sasudah resepsi pernikahan.

Ado babarapo hal nan paralu diparatian dalam tata cara palaksanaan badantam yaitu:

1.Bakumpua dan Barundiang di rumah Sipangka

2.Panyarahan dana kapado Sipangka

3.Kasapakatan Mamak rumah dengan Sumandonya

4.Makan basamo sabagai wujud kehormatan jo raso tarimokasiah

5.Panutuik

Rujuakan

Tradisi Minangkabau, Adat Minangkabau.