Badan Meteorologi, Klimatologi, dan Geofisika
.png)
Badan Meteorologi, Klimatologi, dan Geofisika (disingkek BMKG) adolah sabuah lembaga pamarintah Indonesia nan berstatus Lembaga Pemerintah Nonkementerian (LPNK). BMKG malaksanakan tugas pamarintahan di bidang meteorologi, klimatologi, jo geofisika.
Sajarah
[suntiang | suntiang sumber]Pangamatan metereologi jo geofisika di Indonesia dimulai paod tahun 1841 dek Dr. Onnen, surang kapalo rumah sakik di Bogor. Pado tahun 1866, pamarintah Hindia Ulando mandirikan lembaga pamarintah nan banamo Observatorium Magnetik dan Meteorologi (bahaso Balando: Magnetisch en Meteorologisch Observatorium) nan dipimpin dek Dr. Bergsma. Pado maso panduduakan Japang, instansi iko banamo Kisho Kauso Kusho.[1]
Salapeh kamardekaan Indonesia, lembaga iko dipacah manjadi Biro Meteorologi nan bakaduduakan di Yogyakarta untuak malayani kapantiangan TNI Angkatan Udara dan Jawatan Meteorologi dan Geofisika di Jakarta. Namun, pado bulan Juli 1947 Jawatan Meteorologi dan Geofisika diambiak aliah dek pamarintah Ulando, nan maubahnyo manjadi Meteorologisch en Geofisiche Dienst. Salapeh panyarahan kadaulatan, Dienst diubah manjadi Jawatan Meteorologi dan Geofisika. Indonesia manjadi anggota rasmi World Meteorological Organization (WMO) pado tahun 1950. Lembaga iko mangalami bara kali perubahan sabalun kaluanyo Keputusan Presiden RI Nomor 46 dan 48 tahun 2002 nan marasmiannyo sabagai Lembaga Pemerintah Non Departemen (LPND) nan banamo Badan Meteorologi dan Geofisika (BMG). Parubahan nan paliang baru adolah malalui Peraturan Presiden Nomor 61 Tahun 2008 nan maubah namonyo manjadi Badan Meteorologi, Klimatologi, dan Geofisika (BMKG).[1]
Struktur organisasi
[suntiang | suntiang sumber]BMKG dipimpin surang Kapalo nan batangguangjawab pado Presiden. Kapalo dibantu dek ampek urang deputi, yaitu Deputi Bidang Meteorologi, Deputi Bidang Klimatologi, Deputi Bidang Geofisika, dan Deputi Bidang Instrumentasi, Kalibrasi, Rekayasa, dan Jaringan Komunikasi.[2] Kapalo BMKG pado kini ko adolah Dwikorita Karnawati, nan sabalunnyo adolah Rektor Universitas Gadjah Mada.[3]
BMKG kini punyo 5 Balai Besar:
- Balai Besar Wilayah I di Medan
- Balai Besar Wilayah II di Ciputat
- Balai Besar Wilayah III di Denpasar
- Balai Besar Wilayah IV di Makassar
- Balai Besar Wilayah V di Jayapura[4]
Caliak pulo
[suntiang | suntiang sumber]Rujuakan
[suntiang | suntiang sumber]- ↑ a b BMKG, "Sejarah | BMKG", bmkg.go.id, diakses 24 Oktober 2022.
- ↑ BMKG, Struktur Organisasi | BMKG, bmkg.go.id, diakses 24 Oktober 2022.
- ↑ BMKG, Pejabat BMKG Pusat | BMKG, bmkg.go.id, diakses 24 Oktober 2022.
- ↑ BMKG, Balai Besar BMKG | BMKG, bmkg.go.id, diakses 24 Oktober 2022.