Back-to-back house
Back-to-backs marupoan bantuak rumah batingkek di Inggirih nan dibangun dari akhia abaik ka-18 inggo awal abaik ka-20. Ribuan rumah batingkek ko dibangun salamo revolusi industri untuak populasi kota nan pabriknyo sangaik bakambang. Rumah-rumah tu dindiangnyo saliang manempel, indak tapisah sarupo rumah per urangan lainnyo. Rumah batingkek ko dibangun sabagai parumahan tamurah nan mambuek urang bakarajo nan indak mampu bisa tingga disitu, tapi konstruksinyo di bawah standar rumah lainnyo.[1]
Rumah batipe block-to-block muncua patamo kali pado taun 1787 di Leeds, Union Street jo Ebenezer street. Konstruksi bangunan ko indak mamungkinan untuak dibuek vintilasi nan layok sarato sanitasinyo indak ancak. Back-to-back mandapek reputasi buruak dek tingkek kasehatan jo kabarasiahannyo.[2]
Bagian dari Undang-undang Kesehatan Masyarakaik taun 1875, parusahaan kota dilarang untuak mambuek bantuak parumahan nan mode ko. Tapi dewan kota di Leeds tetap malanjuikan pambangunan inggo sampai taun 1930-an. Kota-kota di Brimingham jo Liverpool mambangun rumah batingkek ko jo dijadian museum dek Museum Liverpool jo Museum Industri Bradford. Salain di kaduo kota tu, rumah mode ko ditamuan di kota Pennine Yorkshire, Manchester, Lancashire, Nottingham jo Sheffield.[3]
Sijarah
[suntiang | suntiang sumber]
Pado abaik ka-18, populasi di kota Leeds sakitar 30.000 jiwa nan kudian manjadi duo bahkan tigo kali lipeknyo, sahinggo mambuek kurangnyo parumahan nan tasadio. Pado taun 1790, back-to-back dibangun di Briggate, Leeds nan dibangun jo biayo nan minim. Urbanisasi mambuek ladang nan ado diubah manjadi perumahan back-to-back nan murah. Rumah dibangun di ateh pondasi nan indak kuek jo bahan nan di bawah standar untuak mangurangi biayo konstruksi. Di rumah tu hanyo tadapek ciek kamar mandi di satiok lantai jo indak adonyo pamaresoan tahadok kalembapan disitu sarato sanitasinyo buruak. Dari 11.000 rumah nan ado di Inggris, 7.500 nyo atau sakitar 65% dibangun manjadi mode back-to-back. Salamo abaik ka-18 jo 19, pamilik pabrik jo tambang mambangun mode rumah back-to-back dalam jumlah gadang nan baharago murah untuak buruahnyo.[4]
Abaik ka-19
[suntiang | suntiang sumber]
Manjalang taun 1830-an, rumah-rumah back-to-back mandapek reputasi nasional rumah nan manyebaran panyakik, jo kota-kotab gadang alah malarang untuak mambangunnyo di taun 1840-an jo 1860-an. Barulah pado taun 1875 kalua Undang-Undang Kesehatan Masyarakat takaik pambangunan rumah batingkek. Rumah-rumah nan ado harus punyo dapua di lantai dasa, taman ketek, inggo kamar mandi pribadi. Tindakan salanjuiknyo manuruik Undang-Undang Perumahan taun 1890 untuak kelas pakarajo yaitu manambahan persyaratan konstruksi di satiok pambangunan rumah.[5]
Pada taun 1893, paraturan lokal mangharusan mamelokan fasilitas sanitasi rumah. Rumah back-to-back dibangun dalam baragam ukuran jo desain. Tipe taketek punyo tigo kamar di satiok lantai jo loteng, dapua di lantai dasa, sarato ruang bawah tanah. Tipe nan paliang umum punyo ampek kamar, dapua jo ruang makan di lantai dasa. Ruang abwah tanah barisi tampek panyimpanan batu baro.[6]
Abaik ka-20
[suntiang | suntiang sumber]Pado panggantian abaik ka-20 sabalun Parang Dunia I, rumah-rumah batipe back-to-back alah indak manjadi populer di kalangan panduduak jo pamarintah nan barusaho malarang pambangunan disinan. Hal itu didukuang dek masalah ventilasi, jo catatan kesehatan dari panduduak nan tingga disinan sangaik buruak. Di Manchester, Dr James Niven mancataik tingkek kamatian nan ado di rumah tu 40% labiah tinggi dari ruamh-rumah apdo umumnyo dek karano tajadi paningkatan panyakik manular jo diare.[7]
Parubahan hukum tajadi pado taun 1909 nan malarang pandirian rumah mode back-to-back ko. Dewan kota Leeds bajuang untuak malawan paraturan tu dek alasan kualitas rumah tipe back-to-back alah maningkek pasek. Baliau manyatoan kritik tahadok rumah batipe ko alah indak relevan. Paraturan tu akan mambuek harago sewa rumah naiak, sahinggo indak tajangkau dak pakarajo kelas bawah. Kok urang tu lah punyo izin mandirian bangunan sabalun Mei 1909, bararti pambangunan buliah dilanjuikan. Sajak tu, pambangunan dilakukan bajalan lambek, ditambah jo wakatu tunggu salamo anam taun dalam pambangunan sasudah parang dunia I. Dek karano tu, pambangunan rumah tipe back-to-back tarakhia indak salasai sampai taun 1937. Pambangunan tu manambahan parubahan, yaitu panambahan toliet nan barado di dalam rumah.[8]
Sasudah Parang Dunia I, rumah-rumah dibangun baliak. Pado taun 1920-an tajadi pangancuran masal rumah-rumah batipe back-to-back jo diubah manjadi rumah-rumah nan labiah layak huni.[9] Namun salamo awal abaik 20 di Kota Leeds, rumah-rumah tuo diancuan untuak dijadian rumah batipe back-to-back walaupun alah dilarang sacaro hukum. 32.000 rumah di Leeds disabuik indak layak huni dari 72.000 rumah disinan.[10]
Sasudah Parang Dunia II, tajadi pamboman di kota-kota industri Blitz. Inggirih mulai mambongka parumahan kumuh nan indak layak huni, tamasuak rumah-rumah batipe back-to-back. Di Brimingham diancuan sakitar 29.182 rumah pado bulan September 1946 dari 40.000 rumah batipe back-to-back.[11] Pado taun 1953 di Leeds, sakitar 30.000 urang manunggu dibangunnyo parumahan tipe baru nan 16.000 diantaronyo dulu tingga di rumah-rumah batipe back-to back nan dibangun pado taun 1844.[12] Pambongaran masih tetap balanjuik sampai taun 1960-an jo 1970-an. Manjalang akhia taun 1970-1n, Leeds marupoan kota tagadang kaduo di lua London nan masih punyo rumah batipe back-to-back sakitar 30.000 rumah. Pado taun 1980-an, sabagian gadang kota di Inggris alah saketek nan punyo rumah batipe tu.[13]
Palestarian
[suntiang | suntiang sumber]Rumah batipe back-to-back di Brimingham dijadian museum rumah basijarah nan dibuek dek The National Trust. Rumah-rumah tu ditambahan parabotan sarupo di abaik ka-19, kini bagunan tu tadaftar sabagai bangunan tingkek II.[1] Di Liverpool, dulunyo tadapek rumah batipe back-to-back untuak 40% populasi panduduak, tapi salanjuiknyo pado taun 1960-1970-an dilakuan pambongkaran jo pambarasiahan rumah-rumah batipe tu. Kini sambilan pasang rumah tu tetap batahan jo dipaga sarato dijadian museum. Salain itu, Museum Industri Bradford punyo rumah-rumah batipe back-to-back nan didekorasi sarupo trumah-rumah di taun 1875, katiko Parang Dunia II, sarato katiko taun 1970-an.[14]
Tadapek pulo Museum Black Country Living Museum Trust di Black Country nan mancaritoan tantang kisah lahan industri patamo di Inggirih. Labiah dari ampek puluah toko, rumah, jo kawasan industri nan direkonstruksi di museum ko.[15]
Galeri
[suntiang | suntiang sumber]-
Rumah batipe back-to-back di jalanan Clarence, London -
Model parancanaan rumah back-to-back di Nottingham -
Rumah batipe back-to-back di Leeds
Rujuakan
[suntiang | suntiang sumber]- ↑ a b "BBC Inside Out - Back to back housing". www.bbc.co.uk. Diakses tanggal 2020-03-23.
- ↑ Libraries, Leeds (2017-05-22). "Back-to-Back Houses and their Communities". The Secret Library | Leeds Libraries Heritage Blog (dalam bahasa Inggris). Diakses tanggal 2020-03-24.
- ↑ "The Condition of the Working-Class in England in 1844". www.gutenberg.org. Diakses tanggal 2020-03-23.
- ↑ "Back-to-back houses in Bradford". www.bradfordhistorical.org.uk. Diakses tanggal 2020-03-23.
- ↑ "Key dates". UK Parliament (dalam bahasa English). Diakses tanggal 2020-03-23.
- ↑ Harrison, Joanne. "The Origin, Development and Decline of Back-to-Back Houses in Leeds". Journal
Industrial Archaeology. line feed character di
|publisher=pada posisi 8 (bantuan) - ↑ "CLAUSE 44.—(Prohibition of Back-to-Back Houses.) (Hansard, 1 November 1909)". api.parliament.uk. Diakses tanggal 2020-03-24.
- ↑ "BACK TO BACK TO BACK". Peter Barber Architects (dalam bahasa Inggris). Diakses tanggal 2020-03-24.
- ↑ Wheeler, Brian. "A history of social housing". BBC News.
- ↑ "HOUSING (FINANCIAL PROVISIONS) ACT, 1924. (Hansard, 2 December 1926)". api.parliament.uk. Diakses tanggal 2020-03-24.
- ↑ "Slum Clearance, Birmingham (Hansard, 15 December 1949)". api.parliament.uk. Diakses tanggal 2020-03-24.
- ↑ "CLEARANCE OF SLUM AREAS. (Hansard, 5 December 1927)". api.parliament.uk. Diakses tanggal 2020-03-24.
- ↑ "House Purchase and Improvement Finance (Leeds) (Hansard, 16 March 1977)". api.parliament.uk. Diakses tanggal 2020-03-24.
- ↑ "Back-to-back museum launch". Bradford Telegraph and Argus (dalam bahasa Inggris). Diakses tanggal 2020-03-24.
- ↑ "What we're all about - Black Country Living Museum". www.bclm.co.uk. Diarsipkan dari versi asli tanggal 2020-03-26. Diakses tanggal 2020-03-24.
 |
Wikimedia Commons mampunyoi media nan bahubuangan jo Back-to-back house |